వాగ్వాదినీ షట్క స్తోత్రం
వరదాప్యహేతుకరుణాజన్మావనిరపి పయోజభవజాయే .
కిం కురుషేన కృపాం మయి వద వద వాగ్వాదిని స్వాహా ..
కిం వా మమాస్తి మహతీ పాపతతిస్తత్ప్రభేదనే తరసా .
కిం వా న తేఽస్తి శక్తిర్వద వద వాగ్వాదిని స్వాహా ..
కిం జీవః పరమశివాద్భిన్నోఽభిన్నోఽథ భేదశ్చ .
ఔపాధికః స్వతో వా వద వదవాగ్వాదిని స్వాహా ..
వియదాదికం జగదిదం సర్వం మిథ్యాఽథవా సత్యం .
మిథ్యాత్వధీః కథం స్యాద్వద వద వాగ్వాదిని స్వాహా ..
జ్ఞానం కర్మ చ మిలితం హేతుర్మోక్షేఽథవా జ్ఞానం .
తజ్జ్ఞానం కేన భవేద్వద వదవాగ్వాదిని స్వాహా ..
జ్ఞానం విచారసాధ్యం కిం వా యోగేన కర్మసాహస్రైః .
కీదృక్సోఽపి విచారో వద వద వాగ్వాదిని స్వాహా ..
Other stotras
Copyright © 2025 | Vedadhara | All Rights Reserved. | Designed & Developed by Claps and Whistles
