వాగ్దేవీ స్తవం

వాదే శక్తిప్రదాత్రీ ప్రణతజనతతేః సంతతం సత్సభాయాం
ప్రశ్నానాం దుస్తరాణామపి లఘు సుసమాధానమాశ్వేవ వక్తుం .
వాగీశాద్యైః సురాగ్ర్యౌర్వివిధఫలకృతే సంతతం పూజ్యమానా
వాగ్దేవీ వాంఛితం మే వితరతు తరసా భృంగభూభృన్నివాసా ..

వ్యాఖ్యాముద్రాక్షమాలాకలశసులిఖితై రాజదంభోజపాణిః
కావ్యాలంకారముఖ్యేష్వపి నిశితధియం సర్వశాస్త్రేషు తూర్ణం .
మూకేభ్యోఽప్యార్ద్రచిత్తా దిశతి కరుణయా యా జవాత్సా కృపాబ్ధి-
ర్వాగ్దేవీ వాంఛితం మే వితరతు తరసా శృంగభూభృన్నివాసా ..

జాడ్యధ్వాంతార్కపంక్తిస్తనుజితరజనీకాంతగర్వాగమానాం
శీర్షైః సంస్తూయమానా మునివరనికరైః సంతతం భక్తినమ్రైః .
కారుణ్యాపారవారాన్నిధిరగతనయాసింధుకన్యాభివాద్యా
వాగ్దేవీ వాంఛితం మే వితరతు తరసా శృంగభూభృన్నివాసా ..

Ramaswamy Sastry and Vighnesh Ghanapaathi

Other stotras