शनि पंचक स्तोत्र
सर्वाधिदुःखहरणं ह्यपराजितं तं
मुख्यामरेन्द्रमहितं वरमद्वितीयम्।
अक्षोभ्यमुत्तमसुरं वरदानमार्किं
वन्दे शनैश्चरमहं नवखेटशस्तम्।
आकर्णपूर्णधनुषं ग्रहमुख्यपुत्रं
सन्मर्त्यमोक्षफलदं सुकुलोद्भवं तम्।
आत्मप्रियङ्करम- पारचिरप्रकाशं
वन्दे शनैश्चरमहं नवखेटशस्तम्।
अक्षय्यपुण्यफलदं करुणाकटाक्षं
चायुष्करं सुरवरं तिलभक्ष्यहृद्यम्।
दुष्टाटवीहुतभुजं ग्रहमप्रमेयं
वन्दे शनैश्चरमहं नवखेटशस्तम्।
ऋग्रूपिणं भवभयाऽपहघोररूपं
चोच्चस्थसत्फलकरं घटनक्रनाथम्।
आपन्निवारकमसत्यरिपुं बलाढ्यं
वन्दे शनैश्चरमहं नवखेटशस्तम्।
एनौघनाशनमनार्तिकरं पवित्रं
नीलाम्बरं सुनयनं करुणानिधिं तम्।
एश्वर्यकार्यकरणं च विशालचित्तं
वन्दे शनैश्चरमहं नवखेटशस्तम्।
Recommended for you
अघोर रुद्र अष्टक स्तोत्र
कालाभ्रोत्पलकाल- गात्रमनलज्वालोर्ध्व- केशोज्ज्वलं दंष....
Click here to know more..शनैश्चर द्वादश नाम स्तोत्र
नित्यं नीलाञ्जनप्रख्यम् नीलवर्णसमस्रजम्। छायामार्तण्....
Click here to know more..अपने आप को शुद्ध करने के लिए वेद मंत्र
हिरण्यवर्णाः शुचयः पावका यासु जातः सविता यास्वग्निः । य....
Click here to know more..
