സപ്ത നദീ പാപ നാശന സ്തോത്രം

സർവതീർഥമയീ സ്വർഗേ സുരാസുരവിവന്ദിതാ।
പാപം ഹരതു മേ ഗംഗാ പുണ്യാ സ്വർഗാപവർഗദാ।
കലിന്ദശൈലജാ സിദ്ധിബുദ്ധിശക്തിപ്രദായിനീ।
യമുനാ ഹരതാത് പാപം സർവദാ സർവമംഗലാ।
സർവാർതിനാശിനീ നിത്യം ആയുരാരോഗ്യവർധിനീ।
ഗോദാവരീ ച ഹരതാത് പാപ്മാനം മേ ശിവപ്രദാ।
വരപ്രദായിനീ തീർഥമുഖ്യാ സമ്പത്പ്രവർധിനീ।
സരസ്വതീ ച ഹരതു പാപം മേ ശാശ്വതീ സദാ।
പീയൂഷധാരയാ നിത്യം ആർതിനാശനതത്പരാ।
നർമദാ ഹരതാത് പാപം പുണ്യകർമഫലപ്രദാ।
ഭുവനത്രയകല്യാണകാരിണീ ചിത്തരഞ്ജിനീ।
സിന്ധുർഹരതു പാപ്മാനം മമ ക്ഷിപ്രം ശിവാഽഽവഹാ।
അഗസ്ത്യകുംഭസംഭൂതാ പുരാണേഷു വിവർണിതാ।
പാപം ഹരതു കാവേരീ പുണ്യശ്ലോകകരീ സദാ।
ത്രിസന്ധ്യം യഃ പഠേദ്ഭക്ത്യാ ശ്ലോകസപ്തകമുത്തമം।
തസ്യ പ്രണശ്യതേ പാപം പുണ്യം വർധതി സർവദാ।

Ramaswamy Sastry and Vighnesh Ghanapaathi

Other stotras