കാശീ പഞ്ചകം
Video - Kashi Panchakam
മനോനിവൃത്തിഃ പരമോപശാന്തിഃ
സാ തീർഥവര്യാ മണികർണികാ ച.
ജ്ഞാനപ്രവാഹാ വിമലാദിഗംഗാ
സാ കാശികാഽഹം നിജബോധരൂപാ.
യസ്യാമിദം കല്പിതമിന്ദ്രജാലം
ചരാചരം ഭാതി മനോവിലാസം.
സച്ചിത്സുഖൈകാ പരമാത്മരൂപാ
സാ കാശികാഽഹം നിജബോധരൂപാ.
കോശേഷു പഞ്ചസ്വധിരാജമാനാ
ബുദ്ധിർഭവാനീ പ്രതിദേഹഗേഹം.
സാക്ഷീ ശിവഃ സർവഗതോഽന്തരാത്മാ
സാ കാശികാഽഹം നിജബോധരൂപാ.
കാശ്യാം ഹി കാശതേ കാശീ കാശീ സർവപ്രകാശികാ.
സാ കാശീ വിദിതാ യേന തേന പ്രാപ്താ ഹി കാശികാ.
കാശീക്ഷേത്രം ശരീരം ത്രിഭുവനജനനീ വ്യാപിനീ ജ്ഞാനഗംഗാ
ഭക്തിഃ ശ്രദ്ധാ ഗയേയം നിജഗുരുചരണധ്യാനയോഗഃ പ്രയാഗഃ.
വിശ്വേശോഽയം തുരീയം സകലജനമനഃസാക്ഷി-
ഭൂതോഽന്തരാത്മാ
ദേഹേ സർവം മദീയേ യദി വസതി പുനസ്തീർഥമന്യത്കിമസ്തി.
Recommended for you
ശങ്കര ഭുജംഗ സ്തുതി
മഹാന്തം വരേണ്യം ജഗന്മംഗലം തം സുധാരമ്യഗാത്രം ഹരം നീലകണ്ഠം. സദാ ഗീതസർവേശ്വരം ചാരുനേത്രം ഭജേ ശങ്കരം സാധുചിത്തേ വസന്തം. ഭുജംഗം ദധാനം ഗലേ പഞ്ചവക്ത്രം ജടാസ്വർനദീ- യുക്തമാപത്സു നാഥം. അബന്ധോഃ സുബന്ധും കൃപാക്ലിന്നദൃഷ്ടിം ഭജേ ശങ്കരം സാധുചിത്തേ വസന്തം. വിഭും സർവവിഖ്
Click here to know more..ഗണാധിപതി സ്തുതി
അഭീപ്സിതാർഥസിദ്ധ്യർഥം പൂജിതോ യഃ സുരാസുരൈഃ. സർവവിഘ്നച്ഛിദേ തസ്മൈ ഗണാധിപതയേ നമഃ.
Click here to know more..ഗ്രന്ഥങ്ങൾ വായിച്ച് തത്ത്വജ്ഞാനം നേടുക എളുപ്പമല്ല
Click here to know more..
