हनुमान स्तुति
अरुणारुण- लोचनमग्रभवं
वरदं जनवल्लभ- मद्रिसमम्।
हरिभक्तमपार- समुद्रतरं
हनुमन्तमजस्रमजं भज रे।
वनवासिनमव्यय- रुद्रतनुं
बलवर्द्धन- त्त्वमरेर्दहनम्।
प्रणवेश्वरमुग्रमुरं हरिजं
हनुमन्तमजस्रमजं भज रे।
पवनात्मजमात्मविदां सकलं
कपिलं कपितल्लजमार्तिहरम्।
कविमम्बुज- नेत्रमृजुप्रहरं
हनुमन्तमजस्रमजं भज रे।
रविचन्द्र- सुलोचननित्यपदं
चतुरं जितशत्रुगणं सहनम्।
चपलं च यतीश्वरसौम्यमुखं
हनुमन्तमजस्रमजं भज रे।
भज सेवितवारिपतिं परमं
भज सूर्यसम- प्रभमूर्ध्वगमम्।
भज रावणराज्य- कृशानुतमं
हनुमन्तमजस्रमजं भज रे।
भज लक्ष्मणजीवन- दानकरं
भज रामसखी- हृदभीष्टकरम्।
भज रामसुभक्त- मनादिचरं
हनुमन्तमजस्रमजं भज रे।
Recommended for you
नरहरि अष्टक स्तोत्र
यद्धितं तव भक्तानामस्माकं नृहरे हरे। तदाशु कार्यं कार्....
Click here to know more..राधाकृष्ण युगलाष्टक स्तोत्र
वृन्दावनविहाराढ्यौ सच्चिदानन्दविग्रहौ। मणिमण्डपमध्य....
Click here to know more..कठोपनिषद - भाग १९
Click here to know more..
