பத்மாலயா ஸ்தோத்திரம்

ஶ்ரீபராஶர உவாச -
ஸிம்ʼஹாஸனகத꞉ ஶக்ரஸ்ஸம்ப்ராப்ய த்ரிதிவம்ʼ புன꞉ .
தேவராஜ்யே ஸ்திதோ தேவீம்ʼ துஷ்டாவாப்ஜகராம்ʼ தத꞉ ..
இந்த்ர உவாச -
நமஸ்யே ஸர்வலோகானாம்ʼ ஜனனீமப்ஜஸம்பவாம் .
ஶ்ரியமுந்நித்ரபத்மாக்ஷீம்ʼ விஷ்ணுவக்ஷ꞉ஸ்தலஸ்திதாம் ..
பத்மாலயாம்ʼ பத்மகராம்ʼ பத்மபத்ரனிபேக்ஷணாம்
வந்தே பத்மமுகீம்ʼ தேவீம்ʼ பத்மநாபப்ரியாமஹம் ..
த்வம்ʼ ஸித்திஸ்த்வம்ʼ ஸ்வதா ஸ்வாஹா ஸுதா த்வம்ʼ லோகபாவனீ .
ஸந்த்யா ராத்ரி꞉ ப்ரபா பூதிர்மேதா ஶ்ரத்தா ஸரஸ்வதீ ..
யஜ்ஞவித்யா மஹாவித்யா குஹ்யவித்யா ச ஶோபனே .
ஆத்மவித்யா ச தேவி த்வம்ʼ விமுக்திபலதாயினீ ..
ஆன்வீக்ஷிகீ த்ரயீ வார்தா தண்டநீதிஸ்த்வமேவ ச .
ஸௌம்யாஸௌம்யைர்ஜகத்ரூபைஸ்த்வயைதத்தேவி பூரிதம் ..
கா த்வன்யா த்வாம்ருʼதே தேவி ஸர்வயஜ்ஞமயம்ʼ வபு꞉ .
அத்யாஸ்தே தேவதேவஸ்ய யோகசிந்த்யம்ʼ கதாப்ருʼத꞉ ..
த்வயா தேவி பரித்யக்தம்ʼ ஸகலம்ʼ புவனத்ரயம் .
விநஷ்டப்ராயமபவத்த்வயேதானீம்ʼ ஸமேதிதம் ..
தாரா꞉ புத்ராஸ்ததா(ஆ)காரஸுஹ்ருʼத்தான்யதநாதிகம் .
பவத்யேதன்மஹாபாகே நித்யம்ʼ த்வத்வீக்ஷணாந்ந்ருʼணாம் ..
ஶரீராரோக்யமைஶ்வர்யமரிபக்ஷக்ஷய꞉ ஸுகம் .
தேவி த்வத்த்ருʼஷ்டித்ருʼஷ்டானாம்ʼ புருஷாணாம்ʼ ந துர்லபம் ..
த்வமம்பா ஸர்வபூதானாம்ʼ தேவதேவோ ஹரி꞉ பிதா .
த்வயைதத்விஷ்ணுனா சாம்ப ஜகத்வ்யாப்தம்ʼ சராசரம் ..
மா ந꞉ கோஶஸ்ததா கோஷ்டம்ʼ மா க்ருʼஹம்ʼ மா பரிச்சதம் .
மா ஶரீரம்ʼ கலத்ரம்ʼ ச த்யஜேதா꞉ ஸர்வபாவனி ..
மா புத்ரான்மா ஸுஹ்ருʼத்வர்கான்மா பஶூன்மா விபூஷணம் .
த்யஜேதா மம தேவஸ்ய விஷ்ணோர்வக்ஷ꞉ஸ்தலாஶ்ரயே ..
ஸத்த்வேன ஸத்யஶௌசாப்யாம்ʼ ததா ஶீலாதிபிர்குணை꞉ .
த்யஜ்யந்தே தே நரா꞉ ஸத்ய꞉ ஸந்த்யக்தா யே த்வயா(அ)மலே ..
த்வயா(அ)வலோகிதா꞉ ஸத்ய꞉ ஶீலாத்யைரகிலைர்குணை꞉ .
குலைஶ்வர்யைஶ்ச பூஜ்யந்தே புருஷா நிர்குணா அபி ..
ஸ ஶ்லாக்ய꞉ ஸ குணீ தன்ய꞉ ஸ குலீன꞉ ஸ புத்திமான் .
ஸ ஶூர꞉ ஸ ச விக்ராந்தோ யஸ்த்வயா தேவி வீக்ஷித꞉ ..
ஸத்யோ வைகுண்யமாயாந்தி ஶீலாத்யா꞉ ஸகலா குணா꞉ .
பராங்கமுகீ ஜகத்தாத்ரீ யஸ்ய த்வம்ʼ விஷ்ணுவல்லபே ..
ந தே வர்ணயிதும்ʼ ஶக்தா குணாஞ்ஜிஹ்வா(அ)பி வேதஸ꞉ .
ப்ரஸீத தேவி பத்மாக்ஷி மா(அ)ஸ்மாம்ʼஸ்த்யாக்ஷீ꞉ கதாசன ..
ஶ்ரீபராஶர உவாச -
ஏவம்ʼ ஶ்ரீ꞉ ஸம்ʼஸ்துதா ஸம்யக் ப்ராஹ ஹ்ருʼஷ்டா ஶதக்ரதும் .
ஶ்ருʼண்வதாம்ʼ ஸர்வதேவானாம்ʼ ஸர்வபூதஸ்திதா த்விஜ ..
ஶ்ரீருவாச -
பரிதுஷ்டாஸ்மி தேவேஶ ஸ்தோத்ரேணானேன தே ஹரே .
வரம்ʼ வ்ருʼணீஷ்வ யஸ்த்விஷ்டோ வரதா(அ)ஹம்ʼ தவாகதா ..
இந்த்ர உவாச -
வரதா யதிமேதேவி வரார்ஹோ யதி வா(அ)ப்யஹம் .
த்ரைலோக்யம்ʼ ந த்வயா த்யாஜ்யமேஷ மே(அ)ஸ்து வர꞉ பர꞉ ..
ஸ்தோத்ரேண யஸ்ததைதேன த்வாம்ʼ ஸ்தோஷ்யத்யப்திஸம்பவே .
ஸ த்வயா ந பரித்யாஜ்யோ த்விதீயோ(அ)ஸ்து வரோ மம ..
ஶ்ரீருவாச -
த்ரைலோக்யம்ʼ த்ரிதஶஶ்ரேஷ்ட ந ஸந்த்யக்ஷ்யாமி வாஸவ .
தத்தோ வரோ மயா(அ)யம்ʼ தே ஸ்தோத்ராராதனதுஷ்டயா ..
யஶ்ச ஸாயம்ʼ ததா ப்ராத꞉ ஸ்தோத்ரேணானேன மானவ꞉ .
ஸ்தோஷ்யதே சேன்ன தஸ்யாஹம்ʼ பவிஷ்யாமி பராங்க்முகீ ..
ஶ்ரீபாராஶர உவாச -
ஏவம்ʼ வரம்ʼ ததௌ தேவீ தேவராஜாய வை புரா .
மைத்ரேய ஶ்ரீர்மஹாபாகா ஸ்தோத்ராராதனதோஷிதா ..
ப்ருʼகோ꞉ க்யாத்யாம்ʼ ஸமுத்பன்னா ஶ்ரீ꞉ பூர்வமுததே꞉ புன꞉ .
தேவதானவயத்னேன ப்ரஸூதா(அ)ம்ருʼதமந்தனே ..
ஏவம்ʼ யதா ஜகத்ஸ்வாமீ தேவராஜோ ஜனார்தன꞉ .
அவதார꞉ கரோத்யேஷா ததா ஶ்ரீஸ்தத்ஸஹாயினீ ..
புனஶ்சபத்மா ஸம்பூதா யதா(அ)தித்யோ(அ)பவத்தரி꞉ .
யதா ச பார்கவோ ராமஸ்ததாபூத்தரணீத்வியம் ..
ராகவத்வே(அ)பவத்ஸீதா ருக்மிணீ க்ருʼஷ்ணஜன்மனி .
அன்யேஷு சாவதாரேஷு விஷ்ணோரேகா(அ)னபாயினீ ..
தேவத்வே தேவதேஹேயம்ʼ மானுஷத்வே ச மானுஷீ .
விஷ்ணோர்தேஹானுருபாம்ʼ வை கரோத்யேஷா(ஆ)த்மனஸ்தனும் ..
யஶ்சைதஶ்ருʼணுயாஜ்ஜன்ம லக்ஷ்ம்யா யஶ்ச படேன்னர꞉ .
ஶ்ரியோ ந விச்யுதிஸ்தஸ்ய க்ருʼஹே யாவத்குலத்ரயம் ..
பட்யதே யேஷு சைவர்ஷே க்ருʼஹேஷு ஶ்ரீஸ்தவம்ʼ முனே .
அலக்ஷ்மீ꞉ கலஹாதாரா ந தேஷ்வாஸ்தே கதாசன ..
ஏதத்தே கதிதம்ʼ ப்ரஹ்மன்யன்மாம்ʼ த்வம்ʼ பரிப்ருʼச்சஸி .
க்ஷீராப்தௌ ஶ்ரீர்யதா ஜாதா பூர்வம்ʼ ப்ருʼகுஸுதா ஸதீ ..
இதி ஸகலவிபூத்யவாப்திஹேது꞉ ஸ்துதிரியமிந்த்ரமுகோத்கதா ஹி லக்ஷ்ம்யா꞉ .
அனுதினமிஹ பட்யதே ந்ருʼபிர்யைர்வஸதி ந தேஷு கதாசிதப்யலக்ஷ்மீ꞉ ..