నరసింహ సప్తక స్తోత్రం

అద్వైతవాస్తవమతేః ప్రణమజ్జనానాం సంపాదనాయ ధృతమానవసింహరూపం .
ప్రహ్లాదపోషణరతం ప్రణతైకవశ్యం దేవం ముదా కమపి నౌమి కృపాసముద్రం ..

నతజనవచనఋతత్వప్రకాశకాలస్య దైర్ఘ్యమసహిష్ణుః .
ఆవిర్బభూవ తరసా యః స్తంభాన్నౌమి తం మహావిష్ణుం ..

వక్షోవిదారణం యశ్చక్రే హార్దం తమో హంతుం .
శత్రోరపి కరుణాబ్ధిం నరహరివపుషం నమామి తం విష్ణుం ..

రిపుహృదయస్థితరాజసగుణమేవాసృఙ్మిషేణ కరజాగ్రైః .
ధత్తే యస్తం వందే ప్రహ్లాదపూర్వభాగ్యనిచయమహం ..

ప్రహ్లాదం ప్రణమజ్జనపంక్తేః కుర్వంతి దివిషదో హ్యన్యే .
ప్రహ్లాదప్రహ్లాదం చిత్రం కురుతే నమామి యస్తమహం ..

శరదిందుకుందధవలం కరజప్రవిదారితాసురాధీశం .
చరణాంబుజరతవాక్యం తరసైవ ఋతం ప్రకుర్వదహమీడే ..

ముఖేన రౌద్రో వపుషా చ సౌమ్యః సన్కంచనార్థం ప్రకటీకరోషి .
భయస్య కర్తా భయహృత్త్వమేవేత్యాఖ్యాప్రసిద్ధిర్యదసంశయాఽభూత్ ..

Other languages: English Hindi Tamil Malayalam Kannada

మహా భైరవ అష్టక స్తోత్రం

యం యం యం యక్షరూపం దిశి దిశి విదితం భూమికంపాయమానం సం సం స�....

తాండవేశ్వర స్తోత్రం

వృథా కిం సంసారే భ్రమథ మనుజా దుఃఖబహులే పదాంభోజం దుఃఖప్ర�....

జనాదరణ పొందడం కోసం సూర్య మంత్రం

ఆదిత్యాయ విద్మహే సహస్రకరాయ ధీమహి| తన్నః సూర్యః ప్రచోదయ�....