నృసింహకవచం వక్ష్యే ప్రహ్లాదేనోదితం పురా .
సర్వరక్షాకరం పుణ్యం సర్వోపద్రవనాశనం ..
సర్వసంపత్కరం చైవ స్వర్గమోక్షప్రదాయకం .
ధ్యాత్వా నృసింహం దేవేశం హేమసింహాసనస్థితం ..
వివృతాస్యం త్రినయనం శరదిందుసమప్రభం .
లక్ష్మ్యాలింగితవామాంగం విభూతిభిరుపాశ్రితం ..
చతుర్భుజం కోమలాంగం స్వర్ణకుండలశోభితం .
సరోజశోభితోరస్కం రత్నకేయూరముద్రితం ..
తప్తకాంచనసంకాశం పీతనిర్మలవాససం .
ఇంద్రాదిసురమౌలిస్థస్ఫురన్మాణిక్యదీప్తిభిః ..
విరాజితపదద్వంద్వం శంఖచక్రాదిహేతిభిః .
గరుత్మతా చ వినయాత్ స్తూయమానం ముదాన్వితం ..
స్వహృత్కమలసంవాసం కృత్వా తు కవచం పఠేత్ .
నృసింహో మే శిరః పాతు లోకరక్షార్థసంభవః ..
సర్వగోఽపి స్తంభవాసః భాలం మే రక్షతు ధ్వనిం .
నృసింహో మే దృశౌ పాతు సోమసూర్యాగ్నిలోచనః ..
స్మృతిం మే పాతు నృహరిర్మునివర్యస్తుతిప్రియః .
నాసం మే సింహనాసస్తు ముఖం లక్ష్మీముఖప్రియః ..
సర్వవిద్యాధిపః పాతు నృసింహో రసనాం మమ .
వక్త్రం పాత్విందువదనం సదా ప్రహ్లాదవందితః ..
నృసింహః పాతు మే కంఠం స్కంధౌ భూభరాంతకృత్ .
దివ్యాస్త్రశోభితభుజో నృసింహః పాతు మే భుజౌ ..
కరౌ మే దేవవరదో నృసింహః పాతు సర్వతః .
హృదయం యోగిసాధ్యశ్చ నివాసం పాతు మే హరిః ..
మధ్యం పాతు హిరణ్యాక్షవక్షఃకుక్షివిదారణః .
నాభిం మే పాతు నృహరిః స్వనాభి బ్రహ్మసంస్తుతః ..
బ్రహ్మాండకోటయః కట్యాం యస్యాసౌ పాతు మే కటిం .
గుహ్యం మే పాతు గుహ్యానాం మంత్రాణాం గుహ్యరూపదృక్ ..
ఊరూ మనోభవః పాతు జానునీ నరరూపధృక్ .
జంఘే పాతు ధరాభారహర్తా యోఽసౌ నృకేసరీ ..
సురరాజ్యప్రదః పాతు పాదౌ మే నృహరీశ్వరః .
సహస్రశీర్షా పురుషః పాతు మే సర్వశస్తనుం ..
మహోగ్రః పూర్వతః పాతు మహావీరాగ్రజోఽగ్నితః .
మహావిష్ణుర్దక్షిణే తు మహాజ్వాలస్తు నైరృతౌ ..
పశ్చిమే పాతు సర్వేశో దిశి మే సర్వతోముఖః .
నృసింహః పాతు వాయవ్యాం సౌమ్యాం భూషణవిగ్రహః ..
ఈశాన్యాం పాతు భద్రో మే సర్వమంగలదాయకః .
సంసారభయతః పాతు మృత్యోర్మృత్యుర్నృకేసరీ ..
ఇదం నృసింహకవచం ప్రహ్లాదముఖమండితం .
భక్తిమాన్ యః పఠేన్నిత్యం సర్వపాపైః ప్రముచ్యతే ..
పుత్రవాన్ ధనవాన్ లోకే దీర్ఘాయురుపజాయతే .
యం యం కామయతే కామం తం తం ప్రాప్నోత్యసంశయం ..
సర్వత్ర జయమాప్నోతి సర్వత్ర విజయీ భవేత్ .
భూమ్యంతరీక్షదివ్యానాం గ్రహాణాం వినివారణం ..
వృశ్చికోరగసంభూతవిషాపహరణం పరం .
బ్రహ్మరాక్షసయక్షాణాం దూరోత్సారణకారణం ..
భూర్జే వా తాలపత్రే వా కవచం లిఖితం శుభం .
కరమూలే ధృతం యేన సిధ్యేయుః కర్మసిద్ధయః ..
దేవాసురమనుష్యేషు స్వం స్వమేవ జయం లభేత్ .
ఏకసంధ్యం త్రిసంధ్యం వా యః పఠేన్నియతో నరః ..
సర్వమంగలమాంగల్యం భుక్తిం ముక్తిం చ విందతి .
ద్వాత్రింశతిసహస్రాణి పఠేత్ శుద్ధాత్మనాం నృణాం ..
కవచస్యాస్య మంత్రస్య మంత్రసిద్ధిః ప్రజాయతే .
అనేన మంత్రరాజేన కృత్వా భస్మాభిమంత్రణం ..
తిలకం విన్యసేద్యస్తు తస్య గ్రహభయం హరేత్ .
త్రివారం జపమానస్తు దత్తం వార్యభిమంత్ర్య చ ..
ప్రాశయేద్యో నరో మంత్రం నృసింహధ్యానమాచరేత్ .
తస్య రోగాః ప్రణశ్యంతి యే చ స్యుః కుక్షిసంభవాః ..
కిమత్ర బహునోక్తేన నృసింహసదృశో భవేత్ .
మనసా చింతితం యత్తు స తచ్చాప్నోత్యసంశయం ..
హనుమాన్ భుజంగ స్తోత్రం
ప్రపన్నానురాగం ప్రభాకాంచనాంగం జగద్భీతిశౌర్యం తుషారాద....
Click here to know more..శివ కులీర అష్టక స్తోత్రం
తవాస్యారాద్ధారః కతి మునివరాః కత్యపి సురాః తపస్యా సన్నా....
Click here to know more..ధన్వంతరి గాయత్రీ మంత్రం
ఆరోగ్యదాయ విద్మహే అమృతకలశహస్తాయ ధీమహి . తన్నో ధన్వంతరి....
Click here to know more..