നമാമി ധർമശാസ്താരം യോഗപീഠസ്ഥിതം വിഭും.
പ്രസന്നം നിർമലം ശാന്തം സത്യധർമവ്രതം ഭജേ.
ആശ്യാമകോമലവിശാലതനും വിചിത്ര-
വാസോ വസാനമരുണോത്പലവാമഹസ്തം.
ഉത്തുംഗരത്നമുകുടം കുടിലാഗ്രകേശം
ശാസ്താരമിഷ്ടവരദം ശരണം പ്രപദ്യേ.
ഹരിഹരശരീരജന്മാ മരകതമണിഭംഗമേചകച്ഛായഃ.
വിജയതു ദേവഃ ശാസ്താ സകലജഗച്ചിത്തമോഹിനീമൂർതിഃ.
പാർശ്വസ്ഥാപത്യദാരം വടവിടപിതലന്യസ്തസിംഹാസനസ്ഥം.
ശ്യാമം കാലാംബരം ച ശ്രിതകരയുഗലാദർശചിന്താമണിം ച.
ശസ്ത്രീ നിസ്ത്രിംശബാണാസനവിശിഖധൃതം രക്തമാല്യാനുലേപം
വന്ദേ ശാസ്താരമീഡ്യം ഘനകുടിലബൃഹത്കുന്തലോദഗ്രമൗലിം.
സ്നിഗ്ധാരാലവിസാരികുന്തലഭരം സിംഹാസനാധ്യാസിനം
സ്ഫൂർജത്പത്രസുകൢപ്തകുണ്ഡലമഥേഷ്വിഷ്വാസഭൃദ്ദോർദ്വയം.
നീലക്ഷൗമവസം നവീനജലദശ്യാമം പ്രഭാസത്യക-
സ്വായത്പാർശ്വയുഗം സുരക്തസകലാകല്പം സ്മരേദാര്യകം.
കോദണ്ഡം സശരം ഭുജേന ഭുജഗേന്ദ്രാഭോഗഭാസാ വഹൻ
വാമേന ക്ഷുരികാം വിപക്ഷദലനേ പക്ഷേണ ദക്ഷേണ ച.
കാന്ത്യാ നിർജിതനീരദഃ പുരഭിദഃ ക്രീഡത്കിരാതാകൃതേഃ
പുത്രോഽസ്മാകമനല്പനിർമലയശാഃ നിർമാതു ശർമാനിശം.
കാളാംഭോദകലാഭകോമലതനും ബാലേന്ദുചൂഡം വിഭും
ബാലാർകായുതരോചിഷം ശരലസത്കോദണ്ഡബാണാന്വിതം.
വീരശ്രീരമണം രണോത്സുകമിഷദ്രക്താംബുഭൂഷാഞ്ജലിം
കാലാരാതിസുതം കിരാതവപുഷം വന്ദേ പരം ദൈവതം.
സാധ്യം സ്വപാർശ്വേന വിബുദ്ധ്യ ഗാഢം
നിപാതയന്തം ഖലു സാധകസ്യ.
പാദാബ്ജയോർമണ്ഡധരം ത്രിനേത്രം
ഭജേമ ശാസ്താരമഭീഷ്ടസിദ്ധ്യൈ.
സുബ്രഹ്മണ്യ ഗദ്യം
പുരഹരനന്ദന രിപുകുലഭഞ്ജന ദിനകരകോടിരൂപ പരിഹൃതലോകതാപ ശി....
Click here to know more..ഗണാധ്യക്ഷ സ്തോത്രം
ആദിപൂജ്യം ഗണാധ്യക്ഷമുമാപുത്രം വിനായകം. മംഗലം പരമം രൂപം....
Click here to know more..കൽപവൃക്ഷത്തിന്റെ അനുഗ്രഹത്തിനുള്ള മന്ത്രം
നമസ്തേ കലപവൃക്ഷായ ചിന്തിതാർഥപ്രദായ ച . വിശ്വംഭരായ ദേവാ....
Click here to know more..