नमामि धर्मशास्तारं योगपीठस्थितं विभुम्।
प्रसन्नं निर्मलं शान्तं सत्यधर्मव्रतं भजे।
आश्यामकोमलविशालतनुं विचित्र-
वासो वसानमरुणोत्पलवामहस्तम्।
उत्तुङ्गरत्नमुकुटं कुटिलाग्रकेशं
शास्तारमिष्टवरदं शरणं प्रपद्ये।
हरिहरशरीरजन्मा मरकतमणिभङ्गमेचकच्छायः।
विजयतु देवः शास्ता सकलजगच्चित्तमोहिनीमूर्तिः।
पार्श्वस्थापत्यदारं वटविटपितलन्यस्तसिंहासनस्थम्।
श्यामं कालाम्बरं च श्रितकरयुगलादर्शचिन्तामणिं च।
शस्त्री निस्त्रिंशबाणासनविशिखधृतं रक्तमाल्यानुलेपं
वन्दे शास्तारमीड्यं घनकुटिलबृहत्कुन्तलोदग्रमौलिम्।
स्निग्धारालविसारिकुन्तलभरं सिंहासनाध्यासिनं
स्फूर्जत्पत्रसुकॢप्तकुण्डलमथेष्विष्वासभृद्दोर्द्वयम्।
नीलक्षौमवसं नवीनजलदश्यामं प्रभासत्यक-
स्वायत्पार्श्वयुगं सुरक्तसकलाकल्पं स्मरेदार्यकम्।
कोदण्डं सशरं भुजेन भुजगेन्द्राभोगभासा वहन्
वामेन क्षुरिकां विपक्षदलने पक्षेण दक्षेण च।
कान्त्या निर्जितनीरदः पुरभिदः क्रीडत्किराताकृतेः
पुत्रोऽस्माकमनल्पनिर्मलयशाः निर्मातु शर्मानिशम्।
काळाम्भोदकलाभकोमलतनुं बालेन्दुचूडं विभुं
बालार्कायुतरोचिषं शरलसत्कोदण्डबाणान्वितम्।
वीरश्रीरमणं रणोत्सुकमिषद्रक्ताम्बुभूषाञ्जलिं
कालारातिसुतं किरातवपुषं वन्दे परं दैवतम्।
साध्यं स्वपार्श्वेन विबुद्ध्य गाढं
निपातयन्तं खलु साधकस्य।
पादाब्जयोर्मण्डधरं त्रिनेत्रं
भजेम शास्तारमभीष्टसिद्ध्यै।
namaami dharmashaastaaram yogapeet'hasthitam vibhum.
prasannam nirmalam shaantam satyadharmavratam bhaje.
aashyaamakomalavishaalatanum vichitra-
vaaso vasaanamarunotpalavaamahastam.
uttungaratnamukut'am kut'ilaagrakesham
shaastaaramisht'avaradam sharanam prapadye.
hariharashareerajanmaa marakatamanibhangamechakachchhaayah'.
vijayatu devah' shaastaa sakalajagachchittamohineemoortih'.
paarshvasthaapatyadaaram vat'avit'apitalanyastasimhaasanastham.
shyaamam kaalaambaram cha shritakarayugalaadarshachintaamanim cha.
shastree nistrimshabaanaasanavishikhadhri'tam raktamaalyaanulepam
vande shaastaarameed'yam ghanakut'ilabri'hatkuntalodagramaulim.
snigdhaaraalavisaarikuntalabharam simhaasanaadhyaasinam
sphoorjatpatrasukli'ptakund'alamatheshvishvaasabhri'ddordvayam.
neelakshaumavasam naveenajaladashyaamam prabhaasatyaka-
svaayatpaarshvayugam suraktasakalaakalpam smaredaaryakam.
kodand'am sasharam bhujena bhujagendraabhogabhaasaa vahan
vaamena kshurikaam vipakshadalane pakshena dakshena cha.
kaantyaa nirjitaneeradah' purabhidah' kreed'atkiraataakri'teh'
putro'smaakamanalpanirmalayashaah' nirmaatu sharmaanisham.
kaal'aambhodakalaabhakomalatanum baalenduchood'am vibhum
baalaarkaayutarochisham sharalasatkodand'abaanaanvitam.
veerashreeramanam ranotsukamishadraktaambubhooshaanjalim
kaalaaraatisutam kiraatavapusham vande param daivatam.
saadhyam svapaarshvena vibuddhya gaad'ham
nipaatayantam khalu saadhakasya.
paadaabjayormand'adharam trinetram
bhajema shaastaaramabheesht'asiddhyai.
Govinda Stuti
chidaanandaakaaram shrutisarasasaaram samarasam niraadhaaraadhaaram bhavajaladhipaaram paragunam.....
Click here to know more..Akkalkot Swami Samarth Ashtottara Shatanamavali
om digambaraaya namah' . om vairaagyaambaraaya namah' . om jnyaanaambaraaya namah' . om svaanandaambaraaya namah' . om atidivyatejaambaraaya namah' .....
Click here to know more..Lord Rama speaks on wealth