അയ്യപ്പ സുപ്രഭാതം

വിഗലവിഷയവ്യന്ധഃ സാധുലോകം പ്രഖരനിഷേവി സമസ്ത ഭവ്യദായിൻ. പ്രഗടരുജിവിദാനദിപ്രമൂർതിഃ ശബരീഗിരിശതവാസ്തു സുപ്രഭാതം.
യമനിയമപരൈഃ വിശുദ്ധചിത്തൈഃ യമനിവഹഹൃദിദൃഷ്യമാനമൂർതേ. സമിതസകലകാവശംഭുസൂനുഃ ശബരീഗിരിശതവാസ്തു സുപ്രഭാതം. സകലഖലുഷഭഞ്ജനൈഘകൃത്യ പ്രഗലിതമാനസഭാനുതുല്യദീപ്തേ. ശഗലിതനിഖിലാർതകാപരാർഷേ ശബരീഗിരിശതവാസ്തു സുപ്രഭാതം.
ശാസ്തഃ സമസ്തജഗതാം മഹിഷീനിഹന്തഃ
ശ്രിതഹൃദ്വിഹാരി മനോഹരദിവ്യമൂർതേ.
ശ്രീസ്വാമിൻ ശ്രിതജനപ്രിയ ദാനശീല
ശ്രീശബരിനാഥഗുരവേ തവ സുപ്രഭാതം.
തവ സുപ്രഭാതമരവിന്ദലോചന
ഭവ സുപ്രസന്നമുഖചന്ദ്രമണ്ഡല.
ഋഷിസിദ്ധദേവപ്രമുഖൈഃ സമർചിത
ശബരിശൈലനാഥ ശരണം ദയാനിധേ.
പ്രാതഃ പ്രബുദ്ധഋഷയസ്സമുപാസ്യ സന്ധ്യാം
ആകാശസിന്ധുകമലാനി മനോഹരാണി.
ആദായ പാദയുഗമർചയിതും പ്രപന്നാഃ
ശ്രീശബരിനാഥഗുരവേ തവ സുപ്രഭാതം.
അബ്ജാനന ഹരിഹരോദ്ഭവ സുന്ദരാംഗ
ത്വദ്വിക്രമാദിചരിതം വിബുധാഃ സ്തുവന്തി.
ഭാഷാപതിഃ പഠതി വാസരശുദ്ധിമാരാത്
ശ്രീശബരിനാഥഗുരവേ തവ സുപ്രഭാതം.
ഈഷത്പ്രഫുല്ലസരസീരുഹനാരികേല-
പൂഗദ്രുമാദി സുമനോഹരപാലികാനാം.
ആവാതി മന്ദമനിലഃ സഹദിവ്യഗന്ധൈഃ
ശ്രീശബരിനാഥഗുരവേ തവ സുപ്രഭാതം.
ഉന്മീല്യ നേത്രയുഗമുത്തമപഞ്ജരസ്ഥാഃ
പാത്രാവശിഷ്ടകദലീഫലപായസാനി.
ഭുക്ത്വാ സലീലമഥ കേലിശുകാഃ പഠന്തി
ശ്രീശബരിനാഥഗുരവേ തവ സുപ്രഭാതം.
ഭൃംഗാവലീ ച മകരന്ദരസാനുവിദ്ധ-
ഝങ്കാരഗീതനിനദൈഃ സഹ സേവനായ.
നിര്യാത്യുപാന്തസരസീകമലോദരേഭ്യഃ
ശ്രീശബരിനാഥഗുരവേ തവ സുപ്രഭാതം.
പദ്മേശമിത്രശതപത്രഗതാലിവർഗാഃ
ഹർതും ശ്രിയം കുവലയസ്യ നിജാംഗലക്ഷ്മ്യാ.
ഭേരീനിനാദമിവ ഭിഭ്രതി തീവ്രനാദം
ശ്രീശബരിനാഥഗുരവേ തവ സുപ്രഭാതം.
ശ്രീമന്നഭീഷ്ടവരദാഖിലലോകബന്ധോ
ശ്രീധർമശാസ്തഃ ജഗദേകദയൈകസിന്ധോ.
ശ്രീദേവതാഗൃഹഭുജാന്തരദിവ്യമൂർതേ
ശ്രീശബരിനാഥഗുരവേ തവ സുപ്രഭാതം.
സേവാപരാ ഋഷിസുരേശകൃശാനുധർമ-
രക്ഷോഽംബുനാഥപവമാനധനാധിനാഥാഃ.
ബദ്ധാഞ്ജലിപ്രവിലസന്നിജശീർഷദേശാഃ
ശ്രീശബരിനാഥഗുരവേ തവ സുപ്രഭാതം.
സൂര്യേന്ദുഭൗമബുധവാക്പതികാവ്യസൗരി-
സ്വർഭാനുകേതുദിവിഷത്പരിഷത്പ്രധാനാഃ.
ത്വത്പാദദർശനായാത്യുത്സുകാഃ പ്രതീക്ഷൻ
ശ്രീശബരിനാഥഗുരവേ തവ സുപ്രഭാതം.
ത്വത്പാദധൂലിഭരിതസ്ഫുരിതോത്തമാംഗാഃ
സ്വർഗാപവർഗനിരപേക്ഷനിജാന്തരംഗാഃ.
കല്പാഗമാകലനയാഽഽകുലതാം ലഭന്തേ
ശ്രീശബരിനാഥഗുരവേ തവ സുപ്രഭാതം.
ത്വദ്ഗോപുരാഗ്രശിഖരാണി നിരീക്ഷമാണാഃ
സ്വർഗാപവർഗപദവീം പരമാം ശ്രയന്തഃ.
മർത്യാ മനുഷ്യഭുവനേ മതിമാശ്രയന്തേ
ശ്രീശബരിനാഥഗുരവേ തവ സുപ്രഭാതം.
ശ്രീശബരിനായക ദയാദിഗുണാമൃതാബ്ധേ
ദേവാധിദേവ ജഗദേകശരണ്യമൂർതേ.
ശ്രീമൻ നൃദൈവതഗണാദിഭിരർചിതാംഘ്രേ
ശ്രീശബരിനാഥഗുരവേ തവ സുപ്രഭാതം.
ശ്രീശബരിനാഥ പുരുഷോത്തമ ദേവദേവ
ശ്രീഭൂതനാഥ ശിവപുത്രക ദീനബന്ധോ.
മൃഗയാപ്രിയ ശരണാഗതപാരിജാത
ശ്രീശബരിനാഥഗുരവേ തവ സുപ്രഭാതം.
കന്ദർപദർപഹരസുന്ദര ദിവ്യമൂർതേ
കാന്താരവാസ വിപുലാക്ഷ ദയാഽഽർദ്രചിത്ത.
കല്യാണനിർമലഗുണാകര ദിവ്യകീർതേ
ശ്രീശബരിനാഥഗുരവേ തവ സുപ്രഭാതം.
ഏലാലവംഗഘനസാരസുഗന്ധിതീർഥം
ദിവ്യം വിയത്സരിതി ഹേമഘടേഷു പൂർണം.
ധൃത്വാദ്യ വൈദികശിഖാമണയഃ പ്രഹൃഷ്ടാഃ
തിഷ്ഠന്തി ശത്രുദമന തവ സുപ്രഭാതം.
ഭാസ്വാനുദേതി വികചാനി സരോരുഹാണി
സമ്പൂരയന്തി നിനദൈഃ കകുഭോ വിഹംഗാഃ.
ത്വത്പ്രിയജനാഃ സതതമർഥിതമംഗലാസ്തേ
ധാമാശ്രയന്തി തവ ശുഭങ്കര സുപ്രഭാതം.
ശബരീനിവാസ നിരവദ്യഗുണൈകസിന്ധോ
സംസാരസാഗരസമുത്തരണൈകസേതോ.
വേദാന്തവേദ്യനിജവൈഭവഭക്തഭോഗ്യ
ശ്രീശബരിനാഥഗുരവേ തവ സുപ്രഭാതം.
ഇത്ഥം ശബരിശൈലപതേരിഹ സുപ്രഭാതം
യേ മാനവാഃ പ്രതിദിനം പഠിതും പ്രവൃത്താഃ.
തേഷാം പ്രഭാതസമയേ സ്മൃതിരംഗഭാജാം
പ്രജ്ഞാം പരാർഥസുലഭാം പരമാം പ്രസൂതേ.

Ramaswamy Sastry and Vighnesh Ghanapaathi

Other stotras