ವಾಗ್ವಾದಿನೀ ಷಟ್ಕ ಸ್ತೋತ್ರ
ವರದಾಪ್ಯಹೇತುಕರುಣಾಜನ್ಮಾವನಿರಪಿ ಪಯೋಜಭವಜಾಯೇ .
ಕಿಂ ಕುರುಷೇನ ಕೃಪಾಂ ಮಯಿ ವದ ವದ ವಾಗ್ವಾದಿನಿ ಸ್ವಾಹಾ ..
ಕಿಂ ವಾ ಮಮಾಸ್ತಿ ಮಹತೀ ಪಾಪತತಿಸ್ತತ್ಪ್ರಭೇದನೇ ತರಸಾ .
ಕಿಂ ವಾ ನ ತೇಽಸ್ತಿ ಶಕ್ತಿರ್ವದ ವದ ವಾಗ್ವಾದಿನಿ ಸ್ವಾಹಾ ..
ಕಿಂ ಜೀವಃ ಪರಮಶಿವಾದ್ಭಿನ್ನೋಽಭಿನ್ನೋಽಥ ಭೇದಶ್ಚ .
ಔಪಾಧಿಕಃ ಸ್ವತೋ ವಾ ವದ ವದವಾಗ್ವಾದಿನಿ ಸ್ವಾಹಾ ..
ವಿಯದಾದಿಕಂ ಜಗದಿದಂ ಸರ್ವಂ ಮಿಥ್ಯಾಽಥವಾ ಸತ್ಯಂ .
ಮಿಥ್ಯಾತ್ವಧೀಃ ಕಥಂ ಸ್ಯಾದ್ವದ ವದ ವಾಗ್ವಾದಿನಿ ಸ್ವಾಹಾ ..
ಜ್ಞಾನಂ ಕರ್ಮ ಚ ಮಿಲಿತಂ ಹೇತುರ್ಮೋಕ್ಷೇಽಥವಾ ಜ್ಞಾನಂ .
ತಜ್ಜ್ಞಾನಂ ಕೇನ ಭವೇದ್ವದ ವದವಾಗ್ವಾದಿನಿ ಸ್ವಾಹಾ ..
ಜ್ಞಾನಂ ವಿಚಾರಸಾಧ್ಯಂ ಕಿಂ ವಾ ಯೋಗೇನ ಕರ್ಮಸಾಹಸ್ರೈಃ .
ಕೀದೃಕ್ಸೋಽಪಿ ವಿಚಾರೋ ವದ ವದ ವಾಗ್ವಾದಿನಿ ಸ್ವಾಹಾ ..
Other stotras
Copyright © 2026 | Vedadhara | All Rights Reserved. | Designed & Developed by Claps and Whistles
