ದಯಾಕರ ಸರಸ್ವತೀ ಸ್ತೋತ್ರ

ಅರವಿಂದಗಂಧಿವದನಾಂ ಶ್ರುತಿಪ್ರಿಯಾಂ
ಸಕಲಾಗಮಾಂಶಕರಪುಸ್ತಕಾನ್ವಿತಾಂ.
ರಮಣೀಯಶುಭ್ರವಸನಾಂ ಸುರಾಗ್ರಜಾಂ
ವಿಮಲಾಂ ದಯಾಕರಸರಸ್ವತೀಂ ಭಜೇ.
ಸರಸೀರುಹಾಸನಗತಾಂ ವಿಧಿಪ್ರಿಯಾಂ
ಜಗತೀಪುರಸ್ಯ ಜನನೀಂ ವರಪ್ರದಾಂ.
ಸುಲಭಾಂ ನಿತಾಂತಮೃದುಮಂಜುಭಾಷಿಣೀಂ
ವಿಮಲಾಂ ದಯಾಕರಸರಸ್ವತೀಂ ಭಜೇ.
ಪರಮೇಶ್ವರೀಂ ವಿಧಿನುತಾಂ ಸನಾತನೀಂ
ಭಯದೋಷಕಲ್ಮಷಮದಾರ್ತಿಹಾರಿಣೀಂ.
ಸಮಕಾಮದಾಂ ಮುನಿಮನೋಗೃಹಸ್ಥಿತಾಂ
ವಿಮಲಾಂ ದಯಾಕರಸರಸ್ವತೀಂ ಭಜೇ.
ಸುಜನೈಕವಂದಿತಮನೋಜ್ಞವಿಗ್ರಹಾಂ
ಸದಯಾಂ ಸಹಸ್ರರರವಿತುಲ್ಯಶೋಭಿತಾಂ.
ಜನನಂದಿನೀಂ ನತಮುನೀಂದ್ರಪುಷ್ಕರಾಂ
ವಿಮಲಾಂ ದಯಾಕರಸರಸ್ವತೀಂ ಭಜೇ.

Ramaswamy Sastry and Vighnesh Ghanapaathi

Other stotras