ವಾಗ್ದೇವೀ ಸ್ತವ
ವಾದೇ ಶಕ್ತಿಪ್ರದಾತ್ರೀ ಪ್ರಣತಜನತತೇಃ ಸಂತತಂ ಸತ್ಸಭಾಯಾಂ
ಪ್ರಶ್ನಾನಾಂ ದುಸ್ತರಾಣಾಮಪಿ ಲಘು ಸುಸಮಾಧಾನಮಾಶ್ವೇವ ವಕ್ತುಂ .
ವಾಗೀಶಾದ್ಯೈಃ ಸುರಾಗ್ರ್ಯೌರ್ವಿವಿಧಫಲಕೃತೇ ಸಂತತಂ ಪೂಜ್ಯಮಾನಾ
ವಾಗ್ದೇವೀ ವಾಂಛಿತಂ ಮೇ ವಿತರತು ತರಸಾ ಭೃಂಗಭೂಭೃನ್ನಿವಾಸಾ ..
ವ್ಯಾಖ್ಯಾಮುದ್ರಾಕ್ಷಮಾಲಾಕಲಶಸುಲಿಖಿತೈ ರಾಜದಂಭೋಜಪಾಣಿಃ
ಕಾವ್ಯಾಲಂಕಾರಮುಖ್ಯೇಷ್ವಪಿ ನಿಶಿತಧಿಯಂ ಸರ್ವಶಾಸ್ತ್ರೇಷು ತೂರ್ಣಂ .
ಮೂಕೇಭ್ಯೋಽಪ್ಯಾರ್ದ್ರಚಿತ್ತಾ ದಿಶತಿ ಕರುಣಯಾ ಯಾ ಜವಾತ್ಸಾ ಕೃಪಾಬ್ಧಿ-
ರ್ವಾಗ್ದೇವೀ ವಾಂಛಿತಂ ಮೇ ವಿತರತು ತರಸಾ ಶೃಂಗಭೂಭೃನ್ನಿವಾಸಾ ..
ಜಾಡ್ಯಧ್ವಾಂತಾರ್ಕಪಂಕ್ತಿಸ್ತನುಜಿತರಜನೀಕಾಂತಗರ್ವಾಗಮಾನಾಂ
ಶೀರ್ಷೈಃ ಸಂಸ್ತೂಯಮಾನಾ ಮುನಿವರನಿಕರೈಃ ಸಂತತಂ ಭಕ್ತಿನಮ್ರೈಃ .
ಕಾರುಣ್ಯಾಪಾರವಾರಾನ್ನಿಧಿರಗತನಯಾಸಿಂಧುಕನ್ಯಾಭಿವಾದ್ಯಾ
ವಾಗ್ದೇವೀ ವಾಂಛಿತಂ ಮೇ ವಿತರತು ತರಸಾ ಶೃಂಗಭೂಭೃನ್ನಿವಾಸಾ ..
Other stotras
Copyright © 2026 | Vedadhara | All Rights Reserved. | Designed & Developed by Claps and Whistles
