ಕವಿತ್ವ ದಾಯಕ ಸರಸ್ವತೀ ಸ್ತೋತ್ರ
ಶಾರದಾಂ ಶ್ವೇತವರ್ಣಾಂ ಚ ಶುಭ್ರವಸ್ತ್ರಸಮನ್ವಿತಾಂ .
ಕಮಲಾಸನಸಂಯುಕ್ತಾಂ ವಂದೇಽಹಂ ಕವಿತಾಪ್ರಿಯಾಂ ..
ಸರಸ್ವತ್ಯೈ ನಮಸ್ತುಭ್ಯಂ ವರದೇ ಜ್ಞಾನರೂಪಿಣಿ .
ಕಲಾನಿಧಿಂ ಕವಿತ್ವಸ್ಯ ದೇಹಿ ಮೇ ಶುಭದಾಯಿನಿ ..
ಸಾರದೇ ಶಾರದೇ ದೇವಿ ಸುಶ್ವೇತಾಬ್ಜಾಸನೇ ಪ್ರಿಯೇ .
ಶುಭ್ರವರ್ಣೇ ಸದಾ ತ್ವಾಂ ಚ ಹೃದಿ ಮೇ ಚಿಂತಯಾಮ್ಯಹಂ ..
ವೀಣಾನಿನಾದಮಧುರೇ ವೀಣಾಪುಸ್ತಕಧಾರಿಣಿ .
ಕವಿತ್ವಂ ದೇಹಿ ಮೇ ಮಾತಃ ಪತಾಮಿ ತವ ಪಾದಯೋಃ ..
ಯದನುಗ್ರಹತೋ ಹ್ಯೇಷ ಕವಿತಾವಾರಿಧಿಃ ಸದಾ .
ಭವೇತ್ಸಂಪ್ರಾಪ್ತಸಿದ್ಧಿರ್ಮೇ ತಸ್ಯೈ ತುಭ್ಯಂ ನಮೋ ನಮಃ ..
ಕಾವ್ಯವಿದ್ಯಾಪ್ರಕಾಶಾರ್ಥಂ ನಮಾಮಿ ವಿಧಿವಲ್ಲಭೇ .
ವಿದ್ಯಾಂ ದೇಹಿ ಕವೀಶಾನಿ ಮಾತರತ್ಯಂತಿಕಾಂ ಶುಭಾಂ ..
ಇತಿ ಯಃ ಸ್ತೌತಿ ತಾಂ ನಿತ್ಯಂ ಸರಸಾಂ ಸುಕವಿಪ್ರಿಯಾಂ .
ಕವಿತ್ವಂ ಸಮವಾಪ್ನೋತಿ ಯಶಃ ಪ್ರಾಪ್ನೋತಿ ಜೀವನೇ ..
Other stotras
Copyright © 2026 | Vedadhara | All Rights Reserved. | Designed & Developed by Claps and Whistles
