యమునా అష్టక స్తోత్రం
మురారికాయకాలిమా-
లలామవారిధారిణీ
తృణీకృతత్రివిష్టపా త్రిలోకశోకహారిణీ.
మనోనుకూలకూలకుంజ-
పుంజధూతదుర్మదా
ధునోతు నో మనోమలం కలిందనందినీ సదా.
మలాపహారివారిపూరి-
భూరిమండితామృతా
భృశం ప్రవాతకప్రపంచనాతి-
పండితానిశా.
సునందనందినాంగ-
సంగరాగరంజితా హితా
ధునోతు నో మనోమలం కలిందనందినీ సదా.
లసత్తరంగసంగ-
ధూతభూతజాతపాతకా
నవీనమాధురీధురీణ-
భక్తిజాతచాతకా.
తటాంతవాసదాస-
హంససంవృతాహ్నికామదా
ధునోతు నో మనోమలం కలిందనందినీ సదా.
విహారరాసఖేదభేద-
ధీరతీరమారుతా
గతా గిరామగోచరే యదీయనీరచారుతా.
ప్రవాహసాహచర్యపూత-
మేదినీనదీనదా
ధునోతు నో మనోమలం కలిందనందినీ సదా.
తరంగసంగ-
సైకతాంతరాతితం సదాసితా
శరన్నిశాకరాంశు-
మంజుమంజరీ సభాజితా.
భవార్చనాప్రచారుణా-
మ్బునాధునా విశారదా
ధునోతు నో మనోమలం కలిందనందినీ సదా.
జలాంతకేలికారి-
చారురాధికాంగరాగిణీ
స్వభర్త్తురన్యదుర్లభాంగ-
తాంగతామ్శభాగినీ.
స్వదత్తసుప్తసప్తసింధు-
భేదినాతికోవిదా
ధునోతు నో మనోమలం కలిందనందినీ సదా.
జలచ్యుతాచ్యుతాంగ-
రాగలంపటాలిశాలినీ
విలోలరాధికాకచాంత-
చంపకాలిమాలినీ.
సదావగాహనావతీర్ణ-
భర్తృభృత్యనారదా
ధునోతు నో మనోమలం కలిందనందినీ సదా.
సదైవ నందినందకేలి-
శాలికుంజమంజులా
తటోత్థఫుల్లమల్లికా-
కదంబరేణుసూజ్జ్వలా.
జలావగాహిణాం నృణాం భవాబ్ధిసింధుపారదా
ధునోతు నో మనోమలం కలిందనందినీ సదా.
Recommended for you
విశ్వనాథ అష్టక స్తోత్రం
గంగాతరంగరమణీయజటాకలాపం గౌరీనిరంతరవిభూషితవామభాగం. నారా....
Click here to know more..ఉమా మహేశ్వర స్తోత్రం
నమః శివాభ్యాం నవయౌవనాభ్యాం పరసిపరాశ్లిష్టవపుర్ధరాభ్య....
Click here to know more..నాగదేవతల అనుగ్రహాన్ని పొందే మంత్రం
సర్వే నాగాః ప్రీయంతాం మే యే కేచిత్ పృథివీతలే. యే చ హేలిమ....
Click here to know more..
