ലക്ഷ്മീനൃസിംഹലലനാം ജഗതോസ്യനേത്രീം
മാതൃസ്വഭാവമഹിതാം ഹരിതുല്യശീലാം .
ലോകസ്യ മംഗലകരീം രമണീയരൂപാം
പദ്മാലയാം ഭഗവതീം ശരണം പ്രപദ്യേ ..
ശ്രീയാദനാമകമുനീന്ദ്രതപോവിശേഷാത്
ശ്രീയാദശൈലശിഖരേ സതതം പ്രകാശൗ .
ഭക്താനുരാഗഭരിതൗ ഭവരോഗവൈദ്യൗ
ലക്ഷ്മീനൃസിംഹചരണൗ ശരണം പ്രപദ്യേ ..
ദേവസ്വരൂപവികൃതാവപിനൈജരൂപൗ
സർവോത്തരൗ സുജനചാരുനിഷേവ്യമാനൗ .
സർവസ്യ ജീവനകരൗ സദൃശസ്വരൂപൗ
ലക്ഷ്മീനൃസിംഹചരണൗ ശരണം പ്രപദ്യേ ..
ലക്ഷ്മീശ തേ പ്രപദനേ സഹകാരഭൂതൗ
ത്വത്തോപ്യതി പ്രിയതമൗ ശരണാഗതാനാം .
രക്ഷാവിചക്ഷണപടൂ കരുണാലയൗ ശ്രീ-
ലക്ഷ്മീനൃസിംഹ ചരണൗ ശരണം പ്രപദ്യേ ..
പ്രഹ്ലാദപൗത്രബലിദാനവഭൂമിദാന-
കാലപ്രകാശിതനിജാന്യജഘന്യഭാവൗ .
ലോകപ്രമാണകരണൗ ശുഭദൗ സുരാനാം
ലക്ഷ്മീനൃസിംഹചരണൗ ശരണം പ്രപദ്യേ ..
കായാദവീയശുഭമാനസരാജഹംസൗ
വേദാന്തകല്പതരുപല്ലവടല്ലിജൗതൗ .
സദ്ഭക്തമൂലധനമിത്യുദിതപ്രഭാവൗ
ലക്ഷ്മീനൃസിംഹ ചരണൗ ശരണം പ്രപദ്യേ ..
വായുപുത്ര സ്തോത്രം
ഉദ്യന്മാർതാണ്ഡകോടി- പ്രകടരുചികരം ചാരുവീരാസനസ്ഥം മൗഞ്....
Click here to know more..ഗുരു പ്രാർഥനാ
ആബാല്യാത് കില സമ്പ്രദായവിധുരേ വൈദേശികേഽധ്വന്യഹം സംഭ്....
Click here to know more..തന്ത്രത്തിലെ ആസനങ്ങൾ-കൂർമ്മചക്രം-ഗുരുവന്ദനം