ಗೋಮತಿ ಸ್ತುತಿ

ಮಾತರ್ಗೋಮತಿ ತಾವಕೀನಪಯಸಾಂ ಪೂರೇಷು ಮಜ್ಜಂತಿ ಯೇ
ತೇಽನ್ತೇ ದಿವ್ಯವಿಭೂತಿಸೂತಿಸುಭಗ- ಸ್ವರ್ಲೋಕಸೀಮಾಂತರೇ.
ವಾತಾಂದೋಲಿತಸಿದ್ಧಸಿಂಧುಲಹರೀ- ಸಂಪರ್ಕಸಾಂದ್ರೀಭವನ್-
ಮಂದಾರದ್ರುಮಪುಷ್ಪಗಂಧಮಧುರಂ ಪ್ರಾಸಾದಮಧ್ಯಾಸತೇ.
ಆಸ್ತಾಂ ಕಾಲಕರಾಲಕಲ್ಮಷಭಯಾದ್ ಭೀತೇವ ಕಾಶರ್ಯಂಗತಾ
ಮಧ್ಯೇಪಾತ್ರಮುದೂಢಸೈಕತ- ಭರಾಕೀರ್ಣಾಽವಶೀರ್ಣಾಮೃತಾ.
ಗಂಗಾ ವಾ ಯಮುನಾ ನಿತಾಂತವಿಷಮಾಂ ಕಾಷ್ಠಾಂ ಸಮಾಲಂಭಿತಾ-
ಮಾತಸ್ತ್ವಂ ತು ಸಮಾಕೃತಿಃ ಖಲು ಯಥಾಪೂರ್ವಂ ವರೀವರ್ತಸೇ.
ಯಾ ವ್ಯಾಲೋಲತರಂಗಬಾಹು- ವಿಕಸನ್ಮುಗ್ಧಾರವಿಂದೇಕ್ಷಣಂ
ಭೌಜಂಗೀಂ ಗತಿಮಾತನೋತಿ ಪರಿತಃ ಸಾಧ್ವೀ ಪರಾ ರಾಜತೇ.
ಪೀಯೂಷಾದಪಿ ಮಾಧುರೀಮಧಿಕಯಂತ್ಯಾರಾ- ದುದಾರಾಶಯಾ
ಸಾಽಸ್ಮತ್ಪಾತಕಸಾತನಾಯ ಭವತಾತ್ಸ್ರೋತಸ್ವತೀ ಗೋಮತೀ.
ಕುಂಭಾಕಾರಮುರೀಕರೋಷಿ ಕುಹಚಿತ್ ಕ್ವಾಪ್ಯರ್ಧಚಾಂದ್ರಾಕೃತಿಂ
ಧತ್ಸೇ ಭೂತಲಮಾನಯಷ್ಟಿ- ಘಟನಾಮಾಲಂಬಸೇ ಕುತ್ರಚಿತ್.
ಅಂತಃ ಕ್ವಾಪಿ ತಡಾಗವರ್ತನತಯಾ ಸಿದ್ಧಾಶ್ರಮಂ ಸೂಯಸೇ
ಮಾತರ್ಗೋಮತಿ ಯಾತ ಭಂಗಿವಿಧಯಾ ನಾನಾಕೃತಿರ್ಜಾಯಸೇ.
ರೋಧೋಭಂಗಿನಿವೇಶನೇನ ಕುಹಚಿದ್ವಾಪೀಯಸೇ ಪೀಯಸೇ
ಕ್ವಾಪ್ಯುತ್ತಾಲತಟಾಧರಾಂಬುಕಲಯಾ ಕೂಪಾಯಸೇ ಪೂಯಸೇ.
ಮಾತಸ್ತೀರ ಸಮತ್ವತಃ ಕ್ವಾಚಿದಪಾಂ ಗತಾರ್ಯಸೇ ತ್ರಾಯಸೇ
ಕುತ್ರಾಪಿ ಪ್ರತನುಸ್ಪದೇನ ಸರಿತೋ ನಾಲೀಯಸೇ ಗೀಯಸೇ.
ತಾನಾಸನ್ನತರಾನಪಿ ಕ್ಷಿತಿರುಹೋ ಯಾಃ ಪಾತಯಂತಿ ಕ್ಷಣಾತ್
ತಾಸ್ವರ್ಥೋ ಘುಣಕೀರ್ಣವರ್ಣಘಟನನ್ಯಾಯೇನ ಸಂಗಚ್ಛತಾಂ.
ಗೋಮಂತಾಚಲದಾರಿಕೇ ತವ ತಟೇ ತೂದ್ಯಲ್ಲತಾಪಾದಪೇ
ಸದ್ಯೋ ನಿರ್ವೃತಿಮೇತಿ ಭಕ್ತಜನತಾ ತಾಮೈಹಿಕಾಮುಷ್ಮಿಕೀಂ.
ಏತತ್ತಾಪನತಾಪತಪ್ತಮುದಕಂ ಮಾಭೂದಿತೀವಾಂತಿಕೇ
ಮಾದ್ಯತ್ಪಲ್ಲವತಲ್ಲಜದ್ರುಮತತೀ ಯತ್ರಾತಪತ್ರಾಯತೇ.
ಮಾತಃ ಶಾರದಚಂದ್ರಮಂಡಲಗಲತ್ಪೀಯೂಷಪೂರಾಯಿತೇ
ಶಯ್ಯೋತ್ಥಾಯಮಜಸ್ರಮಾಹ್ನಿಕಕೃತೇ ತ್ವಾಂ ಬಾಢಮಭ್ಯರ್ಥಯೇ.
ಏಕಂ ಚಕ್ರಮವಾಪ್ಯ ತತ್ರಾಭವತೋ ದಾಕ್ಷಾಯಣೀವಲ್ಲಭಾದ್
ದೇವೋ ದೈತ್ಯವಿನಾಶಕಸ್ತ್ರಿಭುವನೇ ಸ್ವಾಸ್ಥ್ಯಂ ಸಮಾರೋಪಯತ್.
ತಚ್ಚಕ್ರಂ ತ್ವಯಿ ಭಾಸತೇಽಪಿ ಬಹುಧಾ ನಿಶ್ಚಕ್ರಮ್ಮಹೋಪಹಾ
ಯತ್ತ್ವಂ ದೀವ್ಯಸಿ ತತ್ತವೈಷ ಮಹಿಮಾ ಚಿತ್ರಾಯತೇ ತ್ರಾಯಿನಿ.
ಯೇ ಗೋಮತೀಸ್ತುತಿಮಿಮಾಂ ಮಧುರಾಂ ಪ್ರಭಾತೇ
ಸಂಕೀರ್ತಯೇಯುರುರುಭಕ್ತಿರಸಾಧಿರೂಢಾಃ.
ತೇಷಾಂ ಕೃತೇ ಸಪದಿ ಸಾ ಶರದಿಂದುಕಾಂತಿ-
ಕೀರ್ತಿಪ್ರರೋಹವಿಭವಾನ್ ವಿದಧಾತಿ ತುಷ್ಟಾ.