ಸ್ವೈನೋವೃಂದಾಪಹೃದಿಹ ಮುದಾ ವಾರಿತಾಶೇಷಖೇದಾ
ಶೀಘ್ರಂ ಮಂದಾನಪಿ ಖಲು ಸದಾ ಯಾಽನುಗೃಹ್ಣಾತ್ಯಭೇದಾ.
ಕೃಷ್ಣಾವೇಣೀ ಸರಿದಭಯದಾ ಸಚ್ಚಿದಾನಂದಕಂದಾ
ಪೂರ್ಣಾನಂದಾಮೃತಸುಪದದಾ ಪಾತು ಸಾ ನೋ ಯಶೋದಾ.
ಸ್ವರ್ನಿಶ್ರೇಣಿರ್ಯಾ ವರಾಭೀತಿಪಾಣಿಃ
ಪಾಪಶ್ರೇಣೀಹಾರಿಣೀ ಯಾ ಪುರಾಣೀ.
ಕೃಷ್ಣಾವೇಣೀ ಸಿಂಧುರವ್ಯಾತ್ಕಮೂರ್ತಿಃ
ಸಾ ಹೃದ್ವಾಣೀಸೃತ್ಯತೀತಾಽಚ್ಛಕೀರ್ತಿಃ.
ಕೃಷ್ಣಾಸಿಂಧೋ ದುರ್ಗತಾನಾಥಬಂಧೋ
ಮಾಂ ಪಂಕಾಧೋರಾಶು ಕಾರುಣ್ಯಸಿಂಧೋ.
ಉದ್ಧೃತ್ಯಾಧೋ ಯಾಂತಮಂತ್ರಾಸ್ತಬಂಧೋ
ಮಾಯಾಸಿಂಧೋಸ್ತಾರಯ ತ್ರಾತಸಾಧೋ.
ಸ್ಮಾರಂ ಸ್ಮಾರಂ ತೇಽಮ್ಬ ಮಾಹಾತ್ಮ್ಯಮಿಷ್ಟಂ
ಜಲ್ಪಂ ಜಲ್ಪಂ ತೇ ಯಶೋ ನಷ್ಟಕಷ್ಟಂ.
ಭ್ರಾಮಂ ಭ್ರಾಮಂ ತೇ ತಟೇ ವರ್ತ ಆರ್ಯೇ
ಮಜ್ಜಂ ಮಜ್ಜಂ ತೇಽಮೃತೇ ಸಿಂಧುವರ್ಯೇ.
ಶ್ರೀಕೃಷ್ಣೇ ತ್ವಂ ಸರ್ವಪಾಪಾಪಹಂತ್ರೀ
ಶ್ರೇಯೋದಾತ್ರೀ ಸರ್ವತಾಪಾಪಹರ್ತ್ರೀ.
ಭರ್ತ್ರೀ ಸ್ವೇಷಾಂ ಪಾಹಿ ಷಡ್ವೈರಿಭೀತೇ-
ರ್ಮಾಂ ಸದ್ಗೀತೇ ತ್ರಾಹಿ ಸಂಸಾರಭೀತೇಃ.
ಕೃಷ್ಣೇ ಸಾಕ್ಷಾತ್ಕೃಷ್ಣಮೂರ್ತಿಸ್ತ್ವಮೇವ
ಕೃಷ್ಣೇ ಸಾಕ್ಷಾತ್ತ್ವಂ ಪರಂ ತತ್ತ್ವಮೇವ.
ಭಾವಗ್ರಾಹ್ರೇ ಮೇ ಪ್ರಸೀದಾಧಿಹಂತ್ರಿ
ತ್ರಾಹಿ ತ್ರಾಹಿ ಪ್ರಾಜ್ಞಿ ಮೋಕ್ಷಪ್ರದಾತ್ರಿ.
ಹರಿಹರದೂತಾ ಯತ್ರ ಪ್ರೇತೋನ್ನೇತುಂ ನಿಜಂ ನಿಜಂ ಲೋಕಂ.
ಕಲಹಾಯಂತೇಽನ್ಯೋನ್ಯಂ ಸಾ ನೋ ಹರತೂಭಯಾತ್ಮಿಕಾ ಶೋಕಂ.
ವಿಭಿದ್ಯತೇ ಪ್ರತ್ಯಯತೋಽಪಿ ರೂಪಮೇಕಪ್ರಕೃತ್ಯೋರ್ನ ಹರೇರ್ಹರಸ್ಯ.
ಭಿದೇತಿ ಯಾ ದರ್ಶಯಿತುಂ ಗತೈಕ್ಯಂ ವೇಣ್ಯಾಽಜತನ್ವಾಽಜತನುರ್ಹಿ ಕೃಷ್ಣಾ.
ಕಾಲೀ ಅಷ್ಟೋತ್ತರ ಶತ ನಾಮಾವಲಿ
ಓಂ ಕಾಂತಾರವಾಸಿನ್ಯೈ ನಮಃ. ಓಂ ಕಾಂತ್ಯೈ ನಮಃ. ಓಂ ಕಠಿನಾಯೈ ನಮಃ. ಓಂ ....
Click here to know more..ಗುರುಪಾದುಕಾ ಸ್ತೋತ್ರ
ಜಗಜ್ಜನಿಸ್ತೇಮ- ಲಯಾಲಯಾಭ್ಯಾಮಗಣ್ಯ- ಪುಣ್ಯೋದಯಭಾವಿತಾಭ್ಯಾಂ. ತ್....
Click here to know more..ಅಡೆತಡೆಗಳ ನಿವಾರಣೆಗೆ ದಶಭುಜ ಗಣಪತಿ ಮಂತ್ರ
ದಶಭುಜಾಯ ವಿದ್ಮಹೇ ವಲ್ಲಭೇಶಾಯ ಧೀಮಹಿ ತನ್ನೋ ದಂತೀ ಪ್ರಚೋದಯಾತ್....
Click here to know more..