ತಾಮ್ರಪರ್ಣೀ ಸ್ತೋತ್ರ
ಯಾ ಪೂರ್ವವಾಹಿನ್ಯಪಿ ಮಗ್ನನೄಣಾಮಪೂರ್ವವಾಹಿನ್ಯಘನಾಶನೇಽತ್ರ.
ಭ್ರೂಮಾಪಹಾಽಸ್ಮಾಕಮಪಿ ಭ್ರಮಾಡ್ಯಾ ಸಾ ತಾಮ್ರಪರ್ಣೀ ದುರಿತಂ ಧುನೋತು.
ಮಾಧುರ್ಯನೈರ್ಮಲ್ಯಗುಣಾನುಷಂಗಾತ್ ನೈಜೇನ ತೋಯೇನ ಸಮಂ ವಿಧತ್ತೇ.
ವಾಣೀಂ ಧಿಯಂ ಯಾ ಶ್ರಿತಮಾನವಾನಾಂ ಸಾ ತಾಮ್ರಪರ್ಣೀ ದುರಿತಂ ಧುನೋತು.
ಯಾ ಸಪ್ತಜನ್ಮಾರ್ಜಿತಪಾಪ- ಸಂಘನಿಬರ್ಹಣಾಯೈವ ನೃಣಾಂ ನು ಸಪ್ತ.
ಕ್ರೋಶಾನ್ ವಹಂತೀ ಸಮಗಾತ್ಪಯೋಧಿಂ ಸಾ ತಾಮ್ರಪರ್ಣೀ ದುರಿತಂ ಧುನೋತು.
ಕುಲ್ಯಾನಕುಲ್ಯಾನಪಿ ಯಾ ಮನುಷ್ಯಾನ್ ಕುಲ್ಯಾ ಸ್ವರೂಪೇಣ ಬಿಭರ್ತಿ ಪಾಪಂ.
ನಿವಾರ್ಯ ಚೈಷಾಮಪವರ್ಗ ದಾತ್ರೀ ಸಾ ತಾಮ್ರಪರ್ಣೀ ದುರಿತಂ ಧುನೋತು.
ಶ್ರೀ ಪಾಪನಾಶೇಶ್ವರ ಲೋಕನೇತ್ರ್ಯೌ ಯಸ್ಯಾಃ ಪಯೋಲುಬ್ಧಧಿಯೌ ಸದಾಪಿ.
ಯತ್ತೀರವಾಸಂ ಕುರುತಃ ಪ್ರಮೋದಾತ್ ಸಾ ತಾಮ್ರಪರ್ಣೀ ದುರಿತಂ ಧುನೋತು.
ನಾಹಂ ಮೃಷಾ ವಚ್ಮಿ ಯದೀಯತೀರವಾಸೇನ ಲೋಕಾಸ್ಸಕಲಾಶ್ಚ ಭಕ್ತಿಂ.
ವಹಂತಿ ಗುರ್ವಾಂಘ್ರಿಯುಗೇ ಚ ದೇವೇ ಸಾ ತಾಮ್ರಪರ್ಣೀ ದುರಿತಂ ಧುನೋತು.
ಜಲಸ್ಯ ಯೋಗಾಜ್ಜಡತಾಂ ಧುನಾನಾ ಮಲಂ ಮನಸ್ಥಂ ಸಕಲಂ ಹರಂತೀ.
ಫಲಂ ದಿಶಂತೀ ಭಜತಾಂ ತುರೀಯಂ ಸಾ ತಾಮ್ರಪರ್ಣೀ ದುರಿತಂ ಧುನೋತು.
ನ ಜಹ್ರುಪೀತಾ ನ ಜಟೋಪರುದ್ಧಾ ಮಹೀಧ್ರಪುತ್ರ್ಯಾಪಿ ಮುದಾ ನಿಷೇವ್ಯಾ.
ಸ್ವಯಂ ಜನೋದ್ಧಾರಕೃತೇ ಪ್ರವೃತ್ತಾ ಸಾ ತಾಮ್ರಪರ್ಣೀ ದುರಿತಂ ಧುನೋತು.
Other stotras
