ಸಪ್ತ ನದೀ ಪುಣ್ಯಪದ್ಮ ಸ್ತೋತ್ರ
ಸುರೇಶ್ವರಾರ್ಯಪೂಜಿತಾಂ ಮಹಾನದೀಷು ಚೋತ್ತಮಾಂ
ದ್ಯುಲೋಕತಃ ಸಮಾಗತಾಂ ಗಿರೀಶಮಸ್ತಕಸ್ಥಿತಾಂ|
ವಧೋದ್ಯತಾದಿಕಲ್ಮಷಪ್ರಣಾಶಿನೀಂ ಹಿತಪ್ರದಾಂ
ವಿಕಾಶಿಕಾಪದೇ ಸ್ಥಿತಾಂ ವಿಕಾಸದಾಮಹಂ ಭಜೇ|
ಪ್ರದೇಶಮುತ್ತರಂ ಚ ಪೂರುವಂಶದೇಶಸಂಸ್ಪೃಶಾಂ
ತ್ರಿವೇಣಿಸಂಗಮಿಶ್ರಿತಾಂ ಸಹಸ್ರರಶ್ಮಿನಂದಿನೀಂ|
ವಿಚೇತನಪ್ರಪಾಪನಾಶಕಾರಿಣೀಂ ಯಮಾನುಜಾಂ
ನಮಾಮಿ ತಾಂ ಸುಶಾಂತಿದಾಂ ಕಲಿಂದಶೈಲಜಾಂ ವರಾಂ|
ತ್ರಿನೇತ್ರದೇವಸನ್ನಿಧೌ ಸುಗಾಮಿನೀಂ ಸುಧಾಮಯೀಂ
ಮಹತ್ಪ್ರಕೀರ್ಣನಾಶಿನೀಂ ಸುಶೋಭಕರ್ಮವರ್ದ್ಧಿನೀಂ|
ಪರಾಶರಾತ್ಮಜಸ್ತುತಾಂ ನೃಸಿಂಹಧರ್ಮದೇಶಗಾಂ
ಚತುರ್ಮುಖಾದ್ರಿಸಂಭವಾಂ ಸುಗೋದಿಕಾಮಹಂ ಭಜೇ|
ವಿಪಂಚಕೌಲಿಕಾಂ ಶುಭಾಂ ಸುಜೈಮಿನೀಯಸೇವಿತಾಂ
ಸು-ಋಗ್ಗೃಚಾಸುವರ್ಣಿತಾಂ ಸದಾ ಶುಭಪ್ರದಾಯಿನೀಂ|
ವರಾಂ ಚ ವೈದಿಕೀಂ ನದೀಂ ದೃಶದ್ವತೀಸಮೀಪಗಾಂ
ನಮಾಮಿ ತಾಂ ಸರಸ್ವತೀಂ ಪಯೋನಿಧಿಸ್ವರೂಪಿಕಾಂ|
ಮಹಾಸುರಾಷ್ಟ್ರಗುರ್ಜರಪ್ರದೇಶಮಧ್ಯಕಸ್ಥಿತಾಂ
ಮಹಾನದೀಂ ಭುವಿಸ್ಥಿತಾಂ ಸುದೀರ್ಘಿಕಾಂ ಸುಮಂಗಲಾಂ|
ಪವಿತ್ರಸಜ್ಜಲೇನ ಲೋಕಪಾಪಕರ್ಮನಾಶಿನೀಂ
ನಮಾಮಿ ತಾಂ ಸುನರ್ಮದಾಂ ಸದಾ ಸುಧೇವ ಸೌಖ್ಯದಾಂ|
ವಿಜಂಬುವಾರಿಮಧ್ಯಗಾಂ ಸುಮಾಧುರೀಂ ಸುಶೀತಲಾಂ
ಸುಧಾಸರಿತ್ಸು ದೇವಿಕೇತಿ ರೂಪಿತಾಂ ಪಿತೃಪ್ರಿಯಾಂ|
ಸುಪೂಜ್ಯದಿವ್ಯಮಾನಸಾಂ ಚ ಶಲ್ಯಕರ್ಮನಾಶಿನೀಂ
ನಮಾಮಿ ಸಿಂಧುಮುತ್ತಮಾಂ ಸುಸತ್ಫಲೈರ್ವಿಮಂಡಿತಾಂ|
ಅಗಸ್ತ್ಯಕುಂಭಸಂಭವಾಂ ಕವೇರರಾಜಕನ್ಯಕಾಂ
ಸುರಂಗನಾಥಪಾದಪಂಕಜಸ್ಪೃಶಾಂ ನೃಪಾವನೀಂ|
ತುಲಾಭಿಮಾಸಕೇ ಸಮಸ್ತಲೋಕಪುಣ್ಯದಾಯಿನೀಂ
ಪುರಾರಿನಂದನಪ್ರಿಯಾಂ ಪುರಾಣವರ್ಣಿತಾಂ ಭಜೇ|
ಪಠೇನ್ನರಃ ಸದಾಽನ್ವಿಮಾಂ ನುತಿಂ ನದೀವಿಶೇಷಿಕಾಂ
ಅವಾಪ್ನುತೇ ಬಲಂ ಧನಂ ಸುಪುತ್ರಸೌಮ್ಯಬಾಂಧವಾನ್|
ಮಹಾನದೀನಿಮಜ್ಜನಾದಿಪಾವನಪ್ರಪುಣ್ಯಕಂ
ಸದಾ ಹಿ ಸದ್ಗತಿಃ ಫಲಂ ಸುಪಾಠಕಸ್ಯ ತಸ್ಯ ವೈ.
Recommended for you
ಅಷ್ಟಭುಜ ಅಷ್ಟಕ ಸ್ತೋತ್ರ
ಗಜೇಂದ್ರರಕ್ಷಾತ್ವರಿತಂ ಭವಂತಂ ಗ್ರಾಹೈರಿವಾಹಂ ವಿಷಯೈರ್ವಿಕೃಷ್....
Click here to know more..ಸಂತಾನ ಪರಮೇಶ್ವರ ಸ್ತೋತ್ರಂ
ಪಾರ್ವತೀಸಹಿತಂ ಸ್ಕಂದನಂದಿವಿಘ್ನೇಶಸಂಯುತಂ. ಚಿಂತಯಾಮಿ ಹೃದಾಕಾ....
Click here to know more..ದೀರ್ಘ ಮತ್ತು ಸಕ್ರಿಯ ಜೀವನಕ್ಕಾಗಿ ಅಥರ್ವ ವೇದ ಮಂತ್ರ
ವಿಶ್ವೇ ದೇವಾ ವಸವೋ ರಕ್ಷತೇಮಮುತಾದಿತ್ಯಾ ಜಾಗೃತ ಯೂಯಮಸ್ಮಿನ್ । ....
Click here to know more..
