ஸௌந்தரிய லஹரி

ஶிவ꞉ ஶக்த்யா யுக்தோ யதி பவதி ஶக்த꞉ ப்ரபவிதும்ʼ
ந சேதேவம்ʼ தேவோ ந கலு குஶல꞉ ஸ்பந்திதுமபி.
அதஸ்த்வாமாராத்யாம்ʼ ஹரிஹரவிரிஞ்சாதிபிரபி
ப்ரணந்தும்ʼ ஸ்தோதும்ʼ வா கதமக்ருʼதபுண்ய꞉ ப்ரபவதி.
தனீயாம்ʼஸம்ʼ பாம்ʼஸும்ʼ தவ சரணபங்கேருஹபவம்ʼ
விரிஞ்சி꞉ ஸஞ்சின்வன் விரசயதி லோகானவிகலம்.
வஹத்யேனம்ʼ ஶௌரி꞉ கதமபி ஸஹஸ்ரேண ஶிரஸாம்ʼ
ஹர꞉ ஸங்க்ஷுத்யைனம்ʼ பஜதி பஸிதோத்தூலனவிதிம்.
அவித்யாநாமந்தஸ்திமிரமிஹிரத்வீபநகரீ
ஜடானாம்ʼ சைதன்யஸ்தபகமகரந்தஸ்ருதிஜரீ.
தரித்ராணாம்ʼ சிந்தாமணிகுணனிகா ஜன்மஜலதௌ
நிமக்னானாம்ʼ தம்ʼஷ்ட்ரா முரரிபுவராஹஸ்ய பவதி.
த்வதன்ய꞉ பாணிப்யாமபயவரதோ தைவதகண-
ஸ்த்வமேகா நைவாஸி ப்ரகடிதவராபீத்யபினயா.
பயாத் த்ராதும்ʼ தாதும்ʼ பலமபி ச வாஞ்சாஸமதிகம்ʼ
ஶரண்யே லோகானாம்ʼ தவ ஹி சரணாவேவ நிபுணௌ.
ஹரிஸ்த்வாமாராத்ய ப்ரணதஜனஸௌபாக்யஜனனீம்ʼ
புரா நாரீ பூத்வா புரரிபுமபி க்ஷோபமனயத்.
ஸ்மரோ(அ)பி த்வாம்ʼ நத்வா ரதிநயனலேஹ்யேன வபுஷா
முனீநாமப்யந்த꞉ ப்ரபவதி ஹி மோஹாய மஹதாம்.
தனு꞉ பௌஷ்பம்ʼ மௌர்வீ மதுகரமயீ பஞ்ச விஶிகா꞉
வஸந்த꞉ ஸாமந்தோ மலயமருதாயோதனரத꞉.
ததாப்யேக꞉ ஸர்வம்ʼ ஹிமகிரிஸுதே காமபி க்ருʼபா-
மபாங்காத்தே லப்த்வா ஜகதிதமனங்கோ விஜயதே.
க்வணத்காஞ்சீதாமா கரிகலபகும்பஸ்தனனதா
பரிக்ஷீணா மத்யே பரிணதஶரச்சந்த்ரவதனா .
தனுர்பாணான் பாஶம்ʼ ஸ்ருʼணிமபி ததானா கரதலை꞉
புரஸ்தாதாஸ்தாம்ʼ ந꞉ புரமதிதுராஹோபுருஷிகா.
ஸுதாஸிந்தோர்மத்யே ஸுரவிடபிவாடீபரிவ்ருʼதே
மணித்வீபே நீபோபவனவதி சிந்தாமணிக்ருʼஹே.
ஶிவாகாரே மஞ்சே பரமஶிவபர்யங்கநிலயாம்ʼ
பஜந்தி த்வாம்ʼ தன்யா꞉ கதிசன சிதானந்தலஹரீம்.
மஹீம்ʼ மூலாதாரே கமபி மணிபூரே ஹுதவஹம்ʼ
ஸ்திதம்ʼ ஸ்வாதிஷ்டானே ஹ்ருʼதி மருதமாகாஶமுபரி.
மனோ(அ)பி ப்ரூமத்யே ஸகலமபி பித்வா குலபதம்ʼ
ஸஹஸ்ராரே பத்மே ஸஹ ரஹஸி பத்யா விஹரஸே.
ஸுதாதாராஸாரைஶ்சரணயுகலாந்தர்விகலிதை꞉
ப்ரபஞ்சம்ʼ ஸிஞ்சந்தீ புனரபி ரஸாம்னாயமஹஸ꞉.
அவாப்ய ஸ்வாம்ʼ பூமிம்ʼ புஜகனிபமத்யுஷ்டவலயம்ʼ
ஸ்வமாத்மானம்ʼ க்ருʼத்வா ஸ்வபிஷி குலகுண்டே குஹரிணி.
சதுர்பி꞉ ஶ்ரீகண்டை꞉ ஶிவயுவதிபி꞉ பஞ்சபிரபி
ப்ரபிந்நாபி꞉ ஶம்போர்னவபிரபி மூலப்ரக்ருʼதிபி꞉.
சதுஶ்சத்வாரிம்ʼஶத்வஸுதலகலாஶ்ரத்ரிவலய-
த்ரிரேகாபி꞉ ஸார்தம்ʼ தவ ஶரணகோணா꞉ பரிணதா꞉.
த்வதீயம்ʼ ஸௌந்தர்யம்ʼ துஹினகிரிகன்யே துலயிதும்ʼ
கவீந்த்ரா꞉ கல்பந்தே கதமபி விரிஞ்சிப்ரப்ருʼதய꞉.
யதாலோகௌத்ஸுக்யாதமரலலனா யாந்தி மனஸா
தபோபிர்துஷ்ப்ராபாமபி கிரிஶஸாயுஜ்யபதவீம்.
நரம்ʼ வர்ஷீயாம்ʼஸம்ʼ நயனவிரஸம்ʼ நர்மஸு ஜடம்ʼ
தவாபாங்காலோகே பதிதமனுதாவந்தி ஶதஶ꞉.
கலத்வேணீபந்தா꞉ குசகலஶவிஸ்ரஸ்தஸிசயா
ஹடாத் த்ருட்யத்காஞ்ச்யோ விகலிததுகூலா யுவதய꞉.
க்ஷிதௌ ஷட்பஞ்சாஶத் த்விஸமதிகபஞ்சாஶதுதகே
ஹுதாஶே த்வாஷஷ்டிஶ்சதுரதிகபஞ்சாஶதனிலே.
திவி த்விஷ்ஷட்த்ரிம்ʼஶன்மனஸி ச சதுஷ்ஷஷ்டிரிதி யே
மயூகாஸ்தேஷாமப்யுபரி தவ பாதாம்புஜயுகம்.
ஶரஜ்ஜ்யோத்ஸ்நாஶுத்தாம்ʼ ஶஶியுதஜடாஜூடமகுடாம்ʼ
வரத்ராஸத்ராணஸ்படிககடிகாபுஸ்தககராம்.
ஸக்ருʼன்ன த்வா நத்வா கதமிவ ஸதாம்ʼ ஸம்ʼந்னிதததே
மதுக்ஷீரத்ராக்ஷாமதுரிமதுரீணா꞉ பணிதய꞉.
கவீந்த்ராணாம்ʼ சேத꞉கமலவனபாலாதபருசிம்ʼ
பஜந்தே யே ஸந்த꞉ கதிசிதருணாமேவ பவதீம்.
விரிஞ்சிப்ரேயஸ்யாஸ்தருணதரஶ்ருʼங்காரலஹரீ-
கபீராபிர்வாக்பிர்விதததி ஸதாம்ʼ ரஞ்ஜனமமீ.
ஸவித்ரீபிர்வாசாம்ʼ ஶஶிமணிஶிலாபங்கருசிபி꞉
வஶின்யாத்யாபிஸ்த்வாம்ʼ ஸஹ ஜனனி ஸஞ்சிந்தயதி ய꞉.
ஸ கர்தா காவ்யானாம்ʼ பவதி மஹதாம்ʼ பங்கிருசிபி꞉
வசோபிர்வாக்தேவீவதனகமலாமோதமதுரை꞉.
தனுச்சாயாபிஸ்தே தருணதரணிஶ்ரீஸரணிபி꞉
திவம்ʼ ஸர்வாமுர்வீமருணிமனி மக்னாம்ʼ ஸ்மரதி ய꞉.
பவந்த்யஸ்ய த்ரஸ்யத்வனஹரிணஶாலீனநயனா꞉
ஸஹோர்வஶ்யா வஶ்யா꞉ கதி கதி ந கீர்வாணகணிகா꞉.
முகம்ʼ பிந்தும்ʼ க்ருʼத்வா குசயுகமதஸ்தஸ்ய தததோ
ஹரார்தம்ʼ த்யாயேத்யோ ஹரமஹிஷி தே மன்மதகலாம்.
ஸ ஸத்ய꞉ ஸங்க்ஷோபம்ʼ நயதி வனிதா இத்யதிலகு
த்ரிலோகீமப்யாஶு ப்ரமயதி ரவீந்துஸ்தனயுகாம்.
கிரந்தீமங்கேப்ய꞉ கிரணனிகுரம்பாம்ருʼதரஸம்ʼ
ஹ்ருʼதி த்வாமாதத்தே ஹிமகரஶிலாமூர்திமிவ ய꞉.
ஸ ஸர்பாணாம்ʼ தர்பம்ʼ ஶமயதி ஶகுந்தாதிப இவ
ஜ்வரப்லுஷ்டான் த்ருʼஷ்ட்யா ஸுகயதி ஸுதாதாரஸிரயா.
தடில்லேகாதன்வீம்ʼ தபனஶஶிவைஶ்வானரமயீம்ʼ
நிஷண்ணாம்ʼ ஷண்ணாமப்யுபரி கமலானாம்ʼ தவ கலாம்.
மஹாபத்மாடவ்யாம்ʼ ம்ருʼதிதமலமாயேன மனஸா
மஹாந்த꞉ பஶ்யந்தோ தததி பரமாஹ்லாதலஹரீம்.
பவானி த்வம்ʼ தாஸே மயி விதர த்ருʼஷ்டிம்ʼ ஸகருணா-
மிதி ஸ்தோதும்ʼ வாஞ்சன் கதயதி பவானி த்வமிதி ய꞉.
ததைவ த்வம்ʼ தஸ்மை திஶஸி நிஜஸாயுஜ்யபதவீம்ʼ
முகுந்தப்ரஹ்மேந்த்ரஸ்புடமகுடநீராஜிதபதாம்.
த்வயா ஹ்ருʼத்வா வாமம்ʼ வபுரபரித்ருʼப்தேன மனஸா
ஶரீரார்தம்ʼ ஶம்போரபரமபி ஶங்கே ஹ்ருʼதமபூத்.
யதேதத்த்வத்ரூபம்ʼ ஸகலமருணாபம்ʼ த்ரிநயனம்ʼ
குசாப்யாமானம்ரம்ʼ குடிலஶஶிசூடாலமகுடம்.
ஜகத்ஸூதே தாதா ஹரிரவதி ருத்ர꞉ க்ஷபயதே
திரஸ்குர்வன்னேதத்ஸ்வமபி வபுரீஶஸ்திரயதி.
ஸதாபூர்வ꞉ ஸர்வம்ʼ ததிதமனுக்ருʼஹ்ணாதி ச ஶிவ-
ஸ்தவாஜ்ஞாமாலம்ப்ய க்ஷணசலிதயோர்ப்ரூலதிகயோ꞉.
த்ரயாணாம்ʼ தேவானாம்ʼ த்ரிகுணஜனிதானாம்ʼ தவ ஶிவே
பவேத் பூஜா பூஜா தவ சரணயோர்யா விரசிதா.
ததா ஹி த்வத்பாதோத்வஹனமணிபீடஸ்ய நிகடே
ஸ்திதா ஹ்யேதே ஶஶ்வன்முகுலிதகரோத்தம்ʼஸமகுடா꞉.
விரிஞ்சி꞉ பஞ்சத்வம்ʼ வ்ரஜதி ஹரிராப்னோதி விரதிம்ʼ
விநாஶம்ʼ கீநாஶோ பஜதி தனதோ யாதி நிதனம்.
விதந்த்ரீ மாஹேந்த்ரீ விததிரபி ஸம்ʼமீலிதத்ருʼஶா
மஹாஸம்ʼஹாரே(அ)ஸ்மின் விஹரதி ஸதி த்வத்பதிரஸௌ.
ஜபோ ஜல்ப꞉ ஶில்பம்ʼ ஸகலமபி முத்ராவிரசனா
கதி꞉ ப்ராதக்ஷிண்யக்ரமணமஶநாத்யாஹுதிவிதி꞉.
ப்ரணாமஸ்ஸம்ʼவேஶஸ்ஸுகமகிலமாத்மார்பணத்ருʼஶா
ஸபர்யாபர்யாயஸ்தவ பவது யன்மே விலஸிதம்.
ஸுதாமப்யாஸ்வாத்ய ப்ரதிபயஜராம்ருʼத்யுஹரிணீம்ʼ
விபத்யந்தே விஶ்வே விதிஶதமகாத்யா திவிஷத꞉.
கராலம்ʼ யத்க்ஷ்வேலம்ʼ கபலிதவத꞉ காலகலனா
ந ஶம்போஸ்தன்மூலம்ʼ தவ ஜனனி தாடங்கமஹிமா.
கிரீடம்ʼ வைரிஞ்சம்ʼ பரிஹர புர꞉ கைடபபித꞉
கடோரே கோடீரே ஸ்கலஸி ஜஹி ஜம்பாரிமுகுடம்.
ப்ரணம்ரேஷ்வேதேஷு ப்ரஸபமுபயாதஸ்ய பவனம்ʼ
பவஸ்யாப்யுத்தானே தவ பரிஜனோக்திர்விஜயதே.
ஸ்வதேஹோத்பூதாபிர்க்ருʼணிபிரணிமாத்யாபிரபிதோ
நிஷேவ்யே நித்யே த்வாமஹமிதி ஸதா பாவயதி ய꞉.
கிமாஶ்சர்யம்ʼ தஸ்ய த்ரிநயனஸம்ருʼத்திம்ʼ த்ருʼணயதோ
மஹாஸம்ʼவர்தாக்நிர்விரசயதி நீராஜனவிதிம்.
சதுஷ்ஷஷ்ட்யா தந்த்ரை꞉ ஸகலமதிஸந்தாய புவனம்ʼ
ஸ்திதஸ்தத்தத்ஸித்திப்ரஸவபரதந்த்ரை꞉ பஶுபதி꞉.
புனஸ்த்வந்நிர்பந்தாதகிலபுருஷார்தைககடனா-
ஸ்வதந்த்ரம்ʼ தே தந்த்ரம்ʼ க்ஷிதிதலமவாதீதரதிதம்.
ஶிவ꞉ ஶக்தி꞉ காம꞉ க்ஷிதிரத ரவி꞉ ஶீதகிரண꞉
ஸ்மரோ ஹம்ʼஸ꞉ ஶக்ரஸ்ததனு ச பராமாரஹரய꞉.
அமீ ஹ்ருʼல்லேகாபிஸ்திஸ்ருʼபிரவஸானேஷு கடிதா
பஜந்தே வர்ணாஸ்தே தவ ஜனனி நாமாவயவதாம்.
ஸ்மரம்ʼ யோனிம்ʼ லக்ஷ்மீம்ʼ த்ரிதயமிதமாதௌ தவ மனோ-
ர்நிதாயைகே நித்யே நிரவதிமஹாபோகரஸிகா꞉.
பஜந்தி த்வாம்ʼ சிந்தாமணிகுனநிபத்தாக்ஷவலயா꞉
ஶிவாக்னௌ ஜுஹ்வந்த꞉ ஸுரபிக்ருʼததாராஹுதிஶதை꞉.
ஶரீரம்ʼ த்வம்ʼ ஶம்போ꞉ ஶஶிமிஹிரவக்ஷோருஹயுகம்ʼ
தவாத்மானம்ʼ மன்யே பகவதி நவாத்மானமனகம்.
அதஶ்ஶேஷஶ்ஶேஷீத்யயமுபயஸாதாரணதயா
ஸ்தித꞉ ஸம்பந்தோ வாம்ʼ ஸமரஸபரானந்தபரயோ꞉.
மனஸ்த்வம்ʼ வ்யோம த்வம்ʼ மருதஸி மருத்ஸாரதிரஸி
த்வமாபஸ்த்வம்ʼ பூமிஸ்த்வயி பரிணதாயாம்ʼ ந ஹி பரம்.
த்வமேவ ஸ்வாத்மானம்ʼ பரிணமயிதும்ʼ விஶ்வவபுஷா
சிதானந்தாகாரம்ʼ ஶிவயுவதி பாவேன பிப்ருʼஷே.
தவாஜ்ஞாசக்ரஸ்தம்ʼ தபனஶஶிகோடித்யுதிதரம்ʼ
பரம்ʼ ஶம்பும்ʼ வந்தே பரிமிலிதபார்ஶ்வம்ʼ பரசிதா.
யமாராத்யன் பக்த்யா ரவிஶஶிஶுசீநாமவிஷயே
நிராலோகே(அ)லோகே நிவஸதி ஹி பாலோகபுவனே.
விஶுத்தௌ தே ஶுத்தஸ்படிகவிஶதம்ʼ வ்யோமஜனகம்ʼ
ஶிவம்ʼ ஸேவே தேவீமபி ஶிவஸமாநவ்யவஸிதாம்.
யயோ꞉ காந்த்யா யாந்த்யா꞉ ஶஶிகிரணஸாரூப்யஸரணே-
விதூதாந்தர்த்வாந்தா விலஸதி சகோரீவ ஜகதீ.
ஸமுன்மீலத் ஸம்ʼவித் கமலமகரந்தைகரஸிகம்ʼ
பஜே ஹம்ʼஸத்வந்த்வம்ʼ கிமபி மஹதாம்ʼ மானஸசரம்.
யதாலாபாதஷ்டாதஶகுணிதவித்யாபரிணதி-
ர்யதாதத்தே தோஷாத் குணமகிலமத்ப்ய꞉ பய இவ.
தவ ஸ்வாதிஷ்டானே ஹுதவஹமதிஷ்டாய நிரதம்ʼ
தமீடே ஸம்ʼவர்தம்ʼ ஜனனி மஹதீம்ʼ தாம்ʼ ச ஸமயாம்.
யதாலோகே லோகான் தஹதி மஹதி க்ரோதகலிதே
தயார்த்ரா யா த்ருʼஷ்டி꞉ ஶிஶிரமுபசாரம்ʼ ரசயதி.
தடித்த்வந்தம்ʼ ஶக்த்யா திமிரபரிபந்திஸ்புரணயா
ஸ்புரன்னாநாரத்நாபரணபரிணத்தேந்த்ரதனுஷம்.
தவ ஶ்யாமம்ʼ மேகம்ʼ கமபி மணிபூரைகஶரணம்ʼ
நிஷேவே வர்ஷந்தம்ʼ ஹரமிஹிரதப்தம்ʼ த்ரிபுவனம்.
தவாதாரே மூலே ஸஹ ஸமயயா லாஸ்யபரயா
நவாத்மானம்ʼ மன்யே நவரஸமஹாதாண்டவனடம்.
உபாப்யாமேதாப்யாமுதயவிதிமுத்திஶ்ய தயயா
ஸநாதாப்யாம்ʼ ஜஜ்ஞே ஜனகஜனனீமஜ்ஜகதிதம்.
கதைர்மாணிக்யத்வம்ʼ ககனமணிபி꞉ ஸாந்த்ரகடிதம்ʼ
கிரீடம்ʼ தே ஹைமம்ʼ ஹிமகிரிஸுதே கீர்தயதி ய꞉.
ஸ நீடேயச்சாயாச்சுரணஶபலம்ʼ சந்த்ரஶகலம்ʼ
தனு꞉ ஶௌனாஸீரம்ʼ கிமிதி ந நிபத்னாதி திஷணாம்.
துனோது த்வாந்தம்ʼ நஸ்துலிததலிதேந்தீவரவனம்ʼ
கனஸ்னிக்தஶ்லக்ஷ்ணம்ʼ சிகுரனிகுரும்பம்ʼ தவ ஶிவே.
யதீயம்ʼ ஸௌரப்யம்ʼ ஸஹஜமுபலப்தும்ʼ ஸுமனஸோ
வஸந்த்யஸ்மின் மன்யே வலமதனவாடீவிடபினாம்.
தனோது க்ஷேமம்ʼ நஸ்தவ வதனஸௌந்தர்யலஹரீ-
பரீவாஹஸ்ரோத꞉ஸரணிரிவ ஸீமந்தஸரணி꞉.
வஹந்தீ ஸிந்தூரம்ʼ ப்ரபலகபரீபாரதிமிர-
த்விஷாம்ʼ வ்ருʼந்தைர்பந்தீக்ருʼதமிவ நவீனார்ககிரணம்.
அராலை꞉ ஸ்வாபாவ்யாதலிகலபஸஶ்ரீபிரலகை꞉
பரீதம்ʼ தே வக்த்ரம்ʼ பரிஹஸதி பங்கேருஹருசிம்.
தரஸ்மேரே யஸ்மின் தஶனருசிகிஞ்ஜல்கருசிரே
ஸுகந்தௌ மாத்யந்தி ஸ்மரதஹனசக்ஷுர்மதுலிஹ꞉.
லலாடம்ʼ லாவண்யத்யுதிவிமலமாபாதி தவ யத்-
த்விதீயம்ʼ தன்மன்யே மகுடகடிதம்ʼ சந்த்ரஶகலம்.
விபர்யாஸந்யாஸாதுபயமபி ஸம்பூய ச மித꞉
ஸுதாலேபஸ்யூதி꞉ பரிணமதி ராகாஹிமகர꞉.
ப்ருவௌ புக்னே கிஞ்சித்புவனபயபங்கவ்யஸனினி
த்வதீயே நேத்ராப்யாம்ʼ மதுகரருசிப்யாம்ʼ த்ருʼதகுணம்.
தனுர்மன்யே ஸவ்யேதரகரக்ருʼஹீதம்ʼ ரதிபதே꞉
ப்ரகோஷ்டே முஷ்டௌ ச ஸ்தகயதி நிகூடாந்தரமுமே.
அஹ꞉ ஸூதே ஸவ்யம்ʼ தவ நயனமர்காத்மகதயா
த்ரியாமாம்ʼ வாமம்ʼ தே ஸ்ருʼஜதி ரஜனீநாயகதயா.
த்ருʼதீயா தே த்ருʼஷ்டிர்தரதலிதஹேமாம்புஜருசி꞉
ஸமாதத்தே ஸந்த்யாம்ʼ திவஸநிஶயோரந்தரசரீம்.
விஶாலா கல்யாணீ ஸ்புடருசிரயோத்யா குவலயை꞉
க்ருʼபாதாராதாரா கிமபி மதுராபோகவதிகா.
அவந்தீ த்ருʼஷ்டிஸ்தே பஹுநகரவிஸ்தாரவிஜயா
த்ருவம்ʼ தத்தந்நாமவ்யவஹரணயோக்யா விஜயதே.
கவீனாம்ʼ ஸந்தர்பஸ்தபகமகரந்தைகரஸிகம்ʼ
கடாக்ஷவ்யாக்ஷேபப்ரமரகலபௌ கர்ணயுகலம்.
அமுஞ்சந்தௌ த்ருʼஷ்ட்வா தவ நவரஸாஸ்வாததரலா-
வஸூயாஸம்ʼஸர்காதலிகநயனம்ʼ கிஞ்சிதருணம்.
ஶிவே ஶ்ருʼங்காரார்த்ரா ததிதரஜனே குத்ஸனபரா
ஸரோஷா கங்காயாம்ʼ கிரிஶசரிதே விஸ்மயவதீ .
ஹராஹிப்யோ பீதா ஸரஸிருஹஸௌபாக்யஜனனீ
ஸகீஷு ஸ்மேரா தே மயி ஜனனீ த்ருʼஷ்டி꞉ ஸகருணா.
கதே கர்ணாப்யர்ணம்ʼ கருத இவ பக்ஷ்மாணி தததீ
புராம்ʼ பேத்துஶ்சித்தப்ரஶமரஸவித்ராவணபலே.
இமே நேத்ரே கோத்ராதரபதிகுலோத்தம்ʼஸகலிகே
தவாகர்ணாக்ருʼஷ்டஸ்மரஶரவிலாஸம்ʼ கலயத꞉.
விபக்தத்ரைவர்ண்யம்ʼ வ்யதிகரிதலீலாஞ்ஜனதயா
விபாதி த்வந்நேத்ரத்ரிதயமிதமீஶானதயிதே.
புன꞉ ஸ்ரஷ்டும்ʼ தேவான் த்ருஹிணஹரிருத்ரானுபரதான்
ரஜ꞉ ஸத்த்வம்ʼ பிப்ரத்தம இதி குணானாம்ʼ த்ரயமிவ.
பவித்ரீகர்தும்ʼ ந꞉ பஶுபதிபராதீனஹ்ருʼதயே
தயாமித்ரைர்நேத்ரைரருணதவலஶ்யாமருசிபி꞉.
நத꞉ ஶோணோ கங்கா தபனதனயேதி த்ருவமமும்ʼ
த்ரயாணாம்ʼ தீர்தாநாமுபனயஸி ஸம்பேதமனகம்.
நிமேஷோன்மேஷாப்யாம்ʼ ப்ரலயமுதயம்ʼ யாதி ஜகதீ
தவேத்யாஹு꞉ ஸந்தோ தரணிதரராஜன்யதனயே.
த்வதுன்மேஷாஜ்ஜாதம்ʼ ஜகதிதமஶேஷம்ʼ ப்ரலயத꞉
பரித்ராதும்ʼ ஶங்கே பரிஹ்ருʼதனிமேஷாஸ்தவ த்ருʼஶ꞉.
தவாபர்ணே கர்ணேஜபநயனபைஶுன்யசகிதா
நிலீயந்தே தோயே நியதமனிமேஷா꞉ ஶபரிகா꞉.
இயம்ʼ ச ஶ்ரீர்பத்தச்சதபுடகவாடம்ʼ குவலயம்
ஜஹாதி ப்ரத்யூஷே நிஶி ச விகடய்ய ப்ரவிஶதி.
த்ருʼஶா த்ராகீயஸ்யா தரதலிதநீலோத்பலருசா
தவீயாம்ʼஸம்ʼ தீனம்ʼ ஸ்னபய க்ருʼபயா மாமபி ஶிவே.
அனேனாயம்ʼ தன்யோ பவதி ந ச தே ஹாநிரியதா
வனே வா ஹர்ம்யே வா ஸமகரனிபாதோ ஹிமகர꞉.
அராலம்ʼ தே பாலீயுகலமகராஜன்யதனயே
ந கேஷாமாதத்தே குஸுமஶரகோதண்டகுதுகம்.
திரஶ்சீனோ யத்ர ஶ்ரவணபதமுல்லங்க்ய விலஸ-
ந்னபாங்கவ்யாஸங்கோ திஶதி ஶரஸந்தானதிஷணாம்.
ஸ்புரத்கண்டாபோகப்ரதிபலிததாடங்கயுகலம்ʼ
சதுஶ்சக்ரம்ʼ மன்யே தவ முகமிதம்ʼ மன்மதரதம்.
யமாருஹ்ய த்ருஹ்யத்யவநிரதமர்கேந்துசரணம்ʼ
மஹாவீரோ மார꞉ ப்ரமதபதயே ஸஜ்ஜிதவதே.
ஸரஸ்வத்யா꞉ ஸூக்தீரம்ருʼதலஹரீகௌஶலஹரீ꞉
பிபந்த்யா꞉ ஶர்வாணி ஶ்ரவணசுலுகாப்யாமவிரலம்.
சமத்காரஶ்லாகாசலிதஶிரஸ꞉ குண்டலகணோ
ஜணத்காரைஸ்தாரை꞉ ப்ரதிவசனமாசஷ்ட இவ தே.
அஸௌ நாஸாவம்ʼஶஸ்துஹினகிரிவம்ʼஶத்வஜபடி
த்வதீயோ நேதீய꞉ பலது பலமஸ்மாகமுசிதம்.
வஹன்னந்தர்முக்தா꞉ ஶிஶிரதரநிஶ்வாஸகலிதம்ʼ
ஸம்ருʼத்த்யா யத்தாஸாம்ʼ பஹிரபி ச முக்தாமணிதர꞉.
ப்ரக்ருʼத்யா ரக்தாயாஸ்தவ ஸுததி தந்தச்சதருசே꞉
ப்ரவக்ஷ்யே ஸாத்ருʼஶ்யம்ʼ ஜனயது பலம்ʼ வித்ருமலதா.
ந பிம்பம்ʼ தத்பிம்பப்ரதிபலனராகாதருணிதம்ʼ
துலாமத்யாரோடும்ʼ கதமிவ விலஜ்ஜேத கலயா.
ஸ்மிதஜ்யோத்ஸ்னாஜாலம்ʼ தவ வதனசந்த்ரஸ்ய பிபதாம்ʼ
சகோராணாமாஸீததிரஸதயா சஞ்சுஜடிமா.
அதஸ்தே ஶீதாம்ʼஶோரம்ருʼதலஹரீமம்லருசய꞉
பிபந்தி ஸ்வச்சந்தம்ʼ நிஶி நிஶி ப்ருʼஶம்ʼ காஞ்ஜிகதியா.
அவிஶ்ராந்தம்ʼ பத்யுர்குணகணகதாம்ரேடனஜபா
ஜபாபுஷ்பச்சாயா தவ ஜனனி ஜிஹ்வா ஜயதி ஸா.
யதக்ராஸீனாயா꞉ ஸ்படிகத்ருʼஷதச்சச்சவிமயீ
ஸரஸ்வத்யா மூர்தி꞉ பரிணமதி மாணிக்யவபுஷா.
ரணே ஜித்வா தைத்யானபஹ்ருʼதஶிரஸ்த்ரை꞉ கவசிபிர்-
நிவ்ருʼத்தைஶ்சண்டாம்ʼஶத்ரிபுரஹரநிர்மால்யவிமுகை꞉.
விஶாகேந்த்ரோபேந்த்ரை꞉ ஶஶிவிஶதகர்பூரஶகலா
விலீயந்தே மாதஸ்தவ வதனதாம்பூலகபலா꞉.
விபஞ்ச்யா காயந்தீ விவிதமபதானம்ʼ பஶுபதே꞉
த்வயாரப்தே வக்தும்ʼ சலிதஶிரஸா ஸாதுவசனே.
ததீயைர்மாதுர்யைரபலபிததந்த்ரீகலரவாம்ʼ
நிஜாம்ʼ வீணாம்ʼ வாணீ நிசுலயதி சோலேன நிப்ருʼதம்.
கராக்ரேண ஸ்ப்ருʼஷ்டம்ʼ துஹினகிரிணா வத்ஸலதயா
கிரீஶேனோதஸ்தம்ʼ முஹுரதரபானாகுலதயா.
கரக்ராஹ்யம்ʼ ஶம்போர்முகமுகுரவ்ருʼந்தம்ʼ கிரிஸுதே
கதங்காரம்ʼ ப்ரூமஸ்தவ சிபுகமௌபம்யரஹிதம்.
புஜாஶ்லேஷான் நித்யம்ʼ புரதமயிது꞉ கண்டகவதீ
தவ க்ரீவா தத்தே முககமலனாலஶ்ரியமியம்.
ஸ்வத꞉ ஶ்வேதா காலாகுருபஹுலஜம்பாலமலினா
ம்ருʼணாலீலாலித்யம் வஹதி யததோ ஹாரலதிகா.
கலே ரேகாஸ்திஸ்ரோ கதிகமககீதைகநிபுணே
விவாஹவ்யானத்தப்ரகுணகுணஸங்க்யாப்ரதிபுவ꞉.
விராஜந்தே நானாவிதமதுரராகாகரபுவாம்ʼ
த்ரயாணாம்ʼ க்ராமாணாம்ʼ ஸ்திதிநியமஸீமான இவ தே.
ம்ருʼணாலீம்ருʼத்வீனாம்ʼ தவ புஜலதானாம்ʼ சதஸ்ருʼணாம்ʼ
சதுர்பி꞉ ஸௌந்தர்யம்ʼ ஸரஸிஜபவ꞉ ஸ்தௌதி வதனை꞉.
நகேப்ய꞉ ஸந்த்ரஸ்யன் ப்ரதமமதநாதந்தகரிபோ-
ஶ்சதுர்ணாம்ʼ ஶீர்ஷாணாம்ʼ ஸமமபயஹஸ்தார்பணதியா.
நகாநாமுத்த்யோதைர்னவநலினராகம்ʼ விஹஸதாம்ʼ
கராணாம்ʼ தே காந்திம்ʼ கதய கதயாம꞉ கதமுமே.
கயாசித்வா ஸாம்யம்ʼ பஜது கலயா ஹந்த கமலம்ʼ
யதி க்ரீடல்லக்ஷ்மீசரணதலலாக்ஷாரஸசணம்.
ஸமம்ʼ தேவி ஸ்கந்தத்விபவதனபீதம்ʼ ஸ்தனயுகம்ʼ
தவேதம்ʼ ந꞉ கேதம்ʼ ஹரது ஸததம்ʼ ப்ரஸ்னுதமுகம்.
யதாலோக்யாஶங்காகுலிதஹ்ருʼதயோ ஹாஸஜனக꞉
ஸ்வகும்பௌ ஹேரம்ப꞉ பரிம்ருʼஶதி ஹஸ்தேன ஜடிதி.
அமூ தே வக்ஷோஜாவம்ருʼதரஸமாணிக்யகுதுபௌ
ந ஸந்தேஹஸ்பந்தோ நகபதிபதாகே மனஸி ந꞉.
பிபந்தௌ தௌ யஸ்மாதவிதிதவதூஸங்கரஸிகௌ
குமாராவத்யாபி த்விரதவதனக்ரௌஞ்சதலனௌ.
வஹத்யம்ப ஸ்தம்பேரமதனுஜகும்பப்ரக்ருʼதிபி꞉
ஸமாரப்தாம்ʼ முக்தாமணிபிரமலாம்ʼ ஹாரலதிகாம்.
குசாபோகோ பிம்பாதரருசிபிரந்த꞉ ஶபலிதாம்ʼ
ப்ரதாபவ்யாமிஶ்ராம்ʼ புரதமயிது꞉ கீர்திமிவ தே.
தவ ஸ்தன்யம்ʼ மன்யே தரணிதரகன்யே ஹ்ருʼதயத꞉
பய꞉பாராவார꞉ பரிவஹதி ஸாரஸ்வதமிவ.
தயாவத்யா தத்தம்ʼ த்ரவிடஶிஶுராஸ்வாத்ய தவ யத்
கவீனாம்ʼ ப்ரௌடாநாமஜனி கமனீய꞉ கவயிதா.
ஹரக்ரோதஜ்வாலாவலிபிரவலீடேன வபுஷா
கபீரே தே நாபீஸரஸி க்ருʼதஸங்கோ மனஸிஜ꞉.
ஸமுத்தஸ்தௌ தஸ்மாதசலதனயே தூமலதிகா
ஜனஸ்தாம்ʼ ஜானீதே தவ ஜனனி ரோமாவலிரிதி.
யதேதத் காலிந்தீதனுதரதரங்காக்ருʼதி ஶிவே
க்ருʼஶே மத்யே கிஞ்சிஜ்ஜனனி தவ யத்பாதி ஸுதியாம்.
விமர்தாதன்யோ(அ)ன்யம்ʼ குசகலஶயோரந்தரகதம்ʼ
தனூபூதம்ʼ வ்யோம ப்ரவிஶதிவ நாபிம்ʼ குஹரிணீம்.
ஸ்திரோ கங்காவர்த꞉ ஸ்தனமுகுலரோமாவலிலதா-
கலாவாலம்ʼ குண்டம்ʼ குஸுமஶரதேஜோஹுதபுஜ꞉.
ரதேர்லீலாகாரம்ʼ கிமபி தவ நாபிர்கிரிஸுதே
பிலத்வாரம்ʼ ஸித்தேர்கிரிஶநயனானாம்ʼ விஜயதே.
நிஸர்கக்ஷீணஸ்ய ஸ்தனதடபரேண க்லமஜுஷோ
நமன்மூர்தேர்நாரீதிலக ஶனகைஸ்த்ருட்யத இவ.
சிரம்ʼ தே மத்யஸ்ய த்ருடிததடினீதீரதருணா
ஸமாவஸ்தாஸ்தேம்னோ பவது குஶலம்ʼ ஶைலதனயே.
குசௌ ஸத்ய꞉ஸ்வித்யத்தடகடிதகூர்பாஸபிதுரௌ
கஷந்தௌ தோர்மூலே கனககலஶாபௌ கலயதா.
தவ த்ராதும்ʼ பங்காதலமிதி வலக்னம்ʼ தனுபுவா
த்ரிதா நத்தம்ʼ தேவி த்ரிவலி லவலீவல்லிபிரிவ.
குருத்வம்ʼ விஸ்தாரம்ʼ க்ஷிதிதரபதி꞉ பார்வதி நிஜா-
ந்நிதம்பாதாச்சித்ய த்வயி ஹரணரூபேண நிததே.
அதஸ்தே விஸ்தீர்ணோ குருரயமஶேஷாம்ʼ வஸுமதீம்ʼ
நிதம்பப்ராக்பார꞉ ஸ்தகயதி லகுத்வம்ʼ நயதி ச.
கரீந்த்ராணாம்ʼ ஶுண்டான் கனககதலீகாண்டபடலீ-
முபாப்யாமூருப்யாமுபயமபி நிர்ஜித்ய பவதீ.
ஸுவ்ருʼத்தாப்யாம்ʼ பத்யு꞉ ப்ரணதிகடிநாப்யாம்ʼ கிரிஸுதே
விதிஜ்ஞே ஜானுப்யாம்ʼ விபுதகரிகும்பத்வயமஸி.
பராஜேதும்ʼ ருத்ரம்ʼ த்விகுணஶரகர்பௌ கிரிஸுதே
நிஷங்கௌ ஜங்கே தே விஷமவிஶிகோ பாடமக்ருʼத.
யதக்ரே த்ருʼஶ்யந்தே தஶஶரபலா꞉ பாதயுகலீ-
நகாக்ரச்சத்மான꞉ ஸுரமகுடஶாணைகநிஶிதா꞉.
ஶ்ருதீனாம்ʼ மூர்தானோ தததி தவ யௌ ஶேகரதயா
மமாப்யேதௌ மாத꞉ ஶிரஸி தயயா தேஹி சரணௌ.
யயோ꞉ பாத்யம்ʼ பாத꞉ பஶுபதிஜடாஜூடதடினீ
யயோர்லாக்ஷாலக்ஷ்மீரருணஹரிசூடாமணிருசி꞉.
நமோவாகம்ʼ ப்ரூமோ நயனரமணீயாய பதயோ-
ஸ்தவாஸ்மை த்வந்த்வாய ஸ்புடருசிரஸாலக்தகவதே.
அஸூயத்யத்யந்தம்ʼ யதபிஹனனாய ஸ்ப்ருʼஹயதே
பஶூநாமீஶான꞉ ப்ரமதவனகங்கேலிதரவே.
ம்ருʼஷா க்ருʼத்வா கோத்ரஸ்கலனமத வைலக்ஷ்யனமிதம்ʼ
லலாடே பர்தாரம்ʼ சரணகமலே தாடயதி தே.
சிராதந்த꞉ஶல்யம்ʼ தஹனக்ருʼதமுன்மூலிதவதா
துலாகோடிக்வாணை꞉ கிலிகிலிதமீஶானரிபுணா.
ஹிமானீஹந்தவ்யம்ʼ ஹிமகிரிநிவாஸைகசதுரௌ
நிஶாயாம்ʼ நித்ராணம்ʼ நிஶி சரமபாகே ச விஶதௌ.
வரம்ʼ லக்ஷ்மீபாத்ரம்ʼ ஶ்ரியமதிஸ்ருʼஜந்தௌ ஸமயினாம்ʼ
ஸரோஜம்ʼ த்வத்பாதௌ ஜனனி ஜயதஶ்சித்ரமிஹ கிம்.
பதம்ʼ தே கீர்தீனாம்ʼ ப்ரபதமபதம்ʼ தேவி விபதாம்ʼ
கதம்ʼ நீதம்ʼ ஸத்பி꞉ கடினகமடீகர்பரதுலாம்.
கதம்ʼ வா பாஹுப்யாமுபயமனகாலே புரபிதா
யதாதாய ந்யஸ்தம்ʼ த்ருʼஷதி தயமானேன மனஸா.
நகைர்னாகஸ்த்ரீணாம்ʼ கரகமலஸங்கோசஶஶிபி-
ஸ்தரூணாம்ʼ திவ்யானாம்ʼ ஹஸத இவ தே சண்டி சரணௌ.
பலானி ஸ்வ꞉ஸ்தேப்ய꞉ கிஸலயகராக்ரேண தததாம்ʼ
தரித்ரேப்யோ பத்ராம்ʼ ஶ்ரியமநிஶமஹ்னாய தததௌ.
ததானே தீனேப்ய꞉ ஶ்ரியமநிஶமாஶானுஸத்ருʼஶீ-
மமந்தம்ʼ ஸௌந்தர்யப்ரகரமகரந்தம் விகிரதி.
தவாஸ்மின் மந்தாரஸ்தபகஸுபகே யாது சரணே
நிமஜ்ஜன்மஜ்ஜீவ꞉ கரணசரண꞉ ஷட்சரணதாம்.
பதந்யாஸக்ரீடாபரிசயமிவாரப்துமனஸ꞉
ஸ்கலந்தஸ்தே கேலம்ʼ பவனகலஹம்ʼஸா ந ஜஹதி.
அதஸ்தேஷாம்ʼ ஶிக்ஷாம்ʼ ஸுபகமணிமஞ்ஜீரரணித-
ச்சலாதாசக்ஷாணம்ʼ சரணகமலம்ʼ சாருசரிதே.
கதாஸ்தே மஞ்சத்வம்ʼ த்ருஹிணஹரிருத்ரேஶ்வரப்ருʼத꞉
ஶிவ꞉ ஸ்வச்சச்சாயாகடிதகபடப்ரச்சதபட꞉.
த்வதீயானாம்ʼ பாஸாம்ʼ ப்ரதிபலனராகாருணதயா
ஶரீரீ ஶ்ருʼங்காரோ ரஸ இவ த்ருʼஶாம்ʼ தோக்தி குதுகம்.
அராலா கேஶேஷு ப்ரக்ருʼதிஸரலா மந்தஹஸிதே
ஶிரீஷாபா சித்தே த்ருʼஷதுபலஶோபா குசதடே.
ப்ருʼஶம்ʼ தன்வீ மத்யே ப்ருʼதுருரஸிஜாரோஹவிஷயே
ஜகத்த்ராதும்ʼ ஶம்போர்ஜயதி கருணா காசிதருணா.
கலங்க꞉ கஸ்தூரீ ரஜநிகரபிம்பம்ʼ ஜலமயம்ʼ
கலாபி꞉ கர்பூரைர்மரகதகரண்டம்ʼ நிபிடிதம்.
அதஸ்த்வத்போகேன ப்ரதிதினமிதம்ʼ ரிக்தகுஹரம்ʼ
விதிர்பூயோ பூயோ நிபிடயதி நூனம்ʼ தவ க்ருʼதே.
புராராதேரந்த꞉புரமஸி ததஸ்த்வச்சரணயோ꞉
ஸபர்யாமர்யாதா தரலகரணாநாமஸுலபா.
ததா ஹ்யேதே நீதா꞉ ஶதமகமுகா꞉ ஸித்திமதுலாம்ʼ
தவ த்வாரோபாந்தஸ்திதிபிரணிமாத்யாபிரமரா꞉.
கலத்ரம்ʼ வைதாத்ரம்ʼ கதிகதி பஜந்தே ந கவய꞉
ஶ்ரியோ தேவ்யா꞉ கோ வா ந பவதி பதி꞉ கைரபி தனை꞉.
மஹாதேவம்ʼ ஹித்வா தவ ஸதி ஸதீநாமசரமே
குசாப்யாமாஸங்க꞉ குரவகதரோரப்யஸுலப꞉.
கிராமாஹுர்தேவீம்ʼ த்ருஹிணக்ருʼஹிணீமாகமவிதோ
ஹரே꞉ பத்னீம்ʼ பத்மாம்ʼ ஹரஸஹசரீமத்ரிதனயாம்.
துரீயா காபி த்வம்ʼ துரதிகமநி꞉ஸீமமஹிமா
மஹாமாயா விஶ்வம்ʼ ப்ரமயஸி பரப்ரஹ்மமஹிஷி.
கதா காலே மாத꞉ கதய கலிதாலக்தகரஸம்ʼ
பிபேயம்ʼ வித்யார்தீ தவ சரணநிர்ணேஜனஜலம்.
ப்ரக்ருʼத்யா மூகாநாமபி ச கவிதாகாரணதயா
கதா தத்தே வாணீமுககமலதாம்பூலரஸதாம்.
ஸரஸ்வத்யா லக்ஷ்ம்யா விதிஹரிஸபத்னோ விஹரதே
ரதே꞉ பாதிவ்ரத்யம்ʼ ஶிதிலயதி ரம்யேண வபுஷா.
சிரம்ʼ ஜீவன்னேவ க்ஷபிதபஶுபாஶவ்யதிகர꞉
பரானந்தாபிக்யம் ரஸயதி ரஸம்ʼ த்வத்பஜனவான்.
ப்ரதீபஜ்வாலாபிர்திவஸகரநீராஜனவிதி꞉
ஸுதாஸூதேஶ்சந்த்ரோபலஜலலவைரர்க்யரசனா.
ஸ்வகீயைரம்போபி꞉ ஸலிலநிதிஸௌஹித்யகரணம்ʼ
த்வதீயாபிர்வாக்பிஸ்தவ ஜனனி வாசாம்ʼ ஸ்துதிரியம்.
ஸமானீத꞉ பத்ப்யாம்ʼ மணிமுகுரதாமம்பரமணி-
ர்பயாதாஸ்யாதந்த꞉ஸ்திமிதகிரணஶ்ரேணிமஸ்ருʼண꞉.
ததாதி த்வத்வக்த்ரம்ப்ரதிபலநமஶ்ராந்தவிகசம்ʼ
நிராதங்கம்ʼ சந்த்ராந்நிஜஹ்ருʼதயபங்கேருஹமிவ.
ஸமுத்பூதஸ்தூலஸ்தனபரமுரஶ்சாரு ஹஸிதம்ʼ
கடாக்ஷே கந்தர்ப꞉ கதிசன கதம்பத்யுதி வபு꞉.
ஹரஸ்ய த்வத்ப்ராந்திம்ʼ மனஸி ஜனயந்தி ஸ்ம விமலா꞉
பவத்யா யே பக்தா꞉ பரிணதிரமீஷாமியமுமே.
நிதே நித்யஸ்மேரே நிரவதிகுணே நீதிநிபுணே
நிராகாதஜ்ஞானே நியமபரசித்தைகநிலயே.
நியத்யா நிர்முக்தே நிகிலநிகமாந்தஸ்துதிபதே
நிராதங்கே நித்யே நிகமய மமாபி ஸ்துதிமிமாம்.

Ramaswamy Sastry and Vighnesh Ghanapaathi

Other stotras