ಸಪ್ತನದೀ ಅಪರಾಧ ಕ್ಷಮಾಪಣ ಸ್ತೋತ್ರ

ಗಂಗೇ ಮಮಾಪರಾಧಾನಿ ಕ್ಷಮಸ್ವ ಶಿವಜೂಟಜೇ.
ಸರ್ವಪಾಪವಿನಾಶಯ ತ್ವಾಂ ಸದಾ ಭಕ್ತ ಆಶ್ರಯೇ..

ಯಮುನೇ ಕೃತಪಾಪೇಭ್ಯಃ ಕ್ಷೀಣಂ ಸದ್ಗತಿಯಾಚಕಂ.
ಕ್ಷಮಸ್ವ ದೀನಂ ಮಾಂ ದೇವಿ ತ್ವಾಮಹಂ ಶರಣಂ ಗತಃ..

ಗೋದಾವರಿ ಕೃತಾನ್ಯೇವಂ ಪಾಪಾನೀಹ ಮಯಾ ಭುವಿ.
ಕ್ಷಂತವ್ಯೋಽಹಂ ತ್ವಯಾ ದೇವಿ ಶಾಂತಿಂ ಕುರು ಕೃಪಾನ್ವಿತೇ..

ನರ್ಮದೇ ಪಾಪಶಮನಿ ಪಾದಯೋಃ ಪ್ರಣಮಾಮಿ ತೇ.
ಅಜ್ಞಾನಕೃತಪಾಪಾನಿ ಕ್ಷಮಸ್ವ ದಯಯಾ ಮಮ..

ಸರಸ್ವತಿ ಶರಣ್ಯಾ ತ್ವಂ ಭಕ್ತಪಾಪಹರೇಶ್ವರಿ.
ಕ್ಷಮಸ್ವ ದಯಯಾ ದೇವಿ ದೀನಸ್ಯ ಕಲುಷಂ ಮಮ..

ಸಿಂಧೋ ತವ ಕೃಪಾಯಾಶ್ಚ ಪಾತ್ರಂ ಭೂಯಾಸಮದ್ರಿಜೇ.
ಕ್ಷಮಸ್ವ ಕೃಪಯಾ ಪಾಪಂ ತ್ವಂ ಸದಾ ಶರಣಂ ಮಮ..

ಕಾವೇರಿ ಪಾಪಹರಿಣಿ ದೀನಾರ್ತಿಹರಣೇ ಶಿವೇ.
ಪಾಪಂ ಹರ ಮಮ ಕ್ಷಿಪ್ರಂ ಶರಣಾಗತವತ್ಸಲೇ..