കരവാണി വാണി കിം വാ ജഗതി പ്രചയായ ധർമമാർഗസ്യ.
കഥയാശു തത്കരോമ്യഹമഹർനിശം തത്ര മാ കൃഥാ വിശയം.
ഗണനാം വിധായ മത്കൃതപാപാനാം കിം ധൃതാക്ഷമാലികയാ.
താന്താദ്യാപ്യസമാപ്തേർനിശ്ചലതാം പാണിപങ്കജേ ധത്സേ.
വിവിധാശയാ മദീയം നികടം ദൂരാജ്ജനാഃ സമായാന്തി.
തേഷാം തസ്യാഃ കഥമിവ പൂരണമഹമംബ സത്വരം കുര്യാം.
ഗതിജിതമരാലഗർവാം മതിദാനധുരന്ധരാം പ്രണമ്രേഭ്യഃ.
യതിനാഥസേവിതപദാമതിഭക്ത്യാ നൗമി ശാരദാം സദയാം.
ജഗദംബാം നഗതനുജാധവസഹജാം ജാതരൂപതനുവല്ലീം.
നീലേന്ദീവരനയനാം ബാലേന്ദുകചാം നമാമി വിധിജായാം.
ഭാരോ ഭാരതി ന സ്യാദ്വസുധായാസ്തദ്വദംബ കുരു ശീഘ്രം.
നാസ്തികതാനാസ്തികതാകരണാത്കാരുണ്യദുഗ്ധവാരാശേ.
നികടേവസന്തമനിശം പക്ഷിണമപി പാലയാമി കരതോഽഹം.
കിമു ഭക്തിയുക്തലോകാനിതി ബോധാർഥം കരേ ശുകം ധത്സേ.
ശൃംഗാദ്രിസ്ഥിതജനതാമനേകരോഗൈരുപദ്രുതാം വാണി.
വിനിവാര്യ സകലരോഗാൻപാലയ കരുണാർദ്രദൃഷ്ടിപാതേന.
മദ്വിരഹാദതിഭീതാന്മദേകശരണാനതീവ ദുഃഖാർതാൻ.
മയി യദി കരുണാ തവ ഭോ പാലയ ശൃംഗാദ്രിവാസിനോ ലോകാൻ.
സദനമഹേതുകൃപായാ രദനവിനിർധൂതകുന്ദഗർവാലിം.
മദനാന്തകസഹജാതാം സരസിജഭവഭാമിനീം ഹൃദാ കലയേ.
ഗണേശ ഷോഡശ നാമ സ്തോത്രം
സുമുഖശ്ചൈകദന്തശ്ച കപിലോ ഗജകർണകഃ. ലംബോദരശ്ച വികടോ വിഘ്ന....
Click here to know more..സുദർശന കവചം
പ്രസീദ ഭഗവൻ ബ്രഹ്മൻ സർവമന്ത്രജ്ഞ നാരദ. സൗദർശനം തു കവചം പ....
Click here to know more..രുദ്രസാമഗാനം