യാ പ്രജ്ഞാ മോഹരാത്രിപ്രബലരിപുചയധ്വംസിനീ മുക്തിദാത്രീ
സാനന്ദാശാവിധാത്രീ മധുമയരുചിരാ പാവനീ പാതു ഭവ്യാ.
സൗജന്യാംഭോജശോഭാ വിലസതു വിമലാ സർവദാ സർവഥാഽത്ര
സാമ്യസ്നിഗ്ധാ വിശുദ്ധാ ഭവതു ച വസുധാ പുണ്യവാർതാവിമുഗ്ധാ.
യാ പ്രജ്ഞാ വിശ്വകാവ്യാമൃതരസലഹരീസാരതത്ത്വാനുസന്ധാ
സദ്ഭാവാനന്ദകന്ദാ ഹ്യഭയവിഭവദാ സാമ്യധർമാനുബദ്ധാ.
ശുദ്ധാചാരപ്രദാത്രീ നിരുപമരുചിരാ സത്യപൂതാഽനവദ്യാ
കല്യാണം സന്തതം സാ വിതരതു വിമലാ ശാന്തിദാ വേദവിദ്യാ.
യാ ജ്ഞാനാമൃതമിഷ്ടദം പ്രദദതേ യാ ലോകരക്ഷാകരീ .
യാ ചോദാരസുശീലശാന്തവിമലാ യാ ഭക്തിസഞ്ചാരിണീ.
യാ ഗോവൃന്ദനിയന്ത്രണാതികുശലാ സാ ശാരദാ പാതു നഃ.
ഗീതാവദ് ഗരകണ്ഠവദ് ഗഗനവദ് ഗൗരാംഗവദ് ഗോപവത്.
വിശ്വനാഥ സ്തോത്രം
ഗംഗാധരം ജടാവന്തം പാർവതീസഹിതം ശിവം| വാരാണസീപുരാധീശം വിശ....
Click here to know more..അഷ്ടഭുജ അഷ്ടക സ്തോത്രം
ഗജേന്ദ്രരക്ഷാത്വരിതം ഭവന്തം ഗ്രാഹൈരിവാഹം വിഷയൈർവികൃഷ....
Click here to know more..സമ്പത്തിനായി മഹാലക്ഷ്മി മന്ത്രം
ഓം നമഃ കമലവാസിന്യൈ സ്വാഹാ .....
Click here to know more..