ಲಕ್ಷ್ಮೀ ಲಹರೀ ಸ್ತೋತ್ರಂ

ಸಮುನ್ಮೀಲನ್ನೀಲಾಂಬುಜನಿಕರನೀರಾಜಿತರುಚಾ-ಸಮುನ್ಮೀಲನ್ನೀಲಾಂಬುಜನಿಕರನೀರಾಜಿತರುಚಾ-ಮಪಾಂಗಾನಾಂ ಭಂಗೈರಮೃತಲಹರೀಶ್ರೇಣಿಮಸೃಣೈಃ.ಹ್ರಿಯಾ ಹೀನಂ ದೀನಂ ಭೃಶಮುದರಲೀನಂ ಕರುಣಯಾಹರಿಶ್ಯಾಮಾ ಸಾ ಮಾಮವತು ಜಡಸಾಮಾಜಿಕಮಪಿ.ಸಮುನ್ಮೀಲತ್ವಂತಃಕರಣಕರುಣೋದ್ಗಾರಚತುರಃ ಕರಿಪ್ರಾಣತ್ರಾಣಪ್ರಣಯಿನಿ ದೃಗಂತಸ್ತವ ಮಯಿ.ಯಮಾಸಾದ್ಯೋನ್ಮಾದ್ಯದ್ದ್ವಿಪನಿಯುತಗಂಡಸ್ಥಲಗಲನ್-ಮದಕ್ಲಿನ್ನದ್ವಾರೋ ಭವತಿ ಸುಖಸಾರೋ ನರಪತಿಃ.ಉರಸ್ಯಸ್ಯ ಭ್ರಶ್ಯತ್ಕಬರಭರನಿರ್ಯತ್ಸುಮನಸಃಪತಂತಿ ಸ್ವರ್ಬಾಲಾಃ ಸ್ಮರಶರಪರಾಧೀನಮನಸಃ.ಸುರಾಸ್ತಂ ಗಾಯಂತಿ ಸ್ಫುರಿತತನುಗಂಗಾಧರಮುಖಾ-ಸ್ತವಾಯಂ ದೃಕ್ಪಾತೋ ಯದುಪರಿ ಕೃಪಾತೋ ವಿಲಸತಿ.ಸಮೀಪೇ ಸಂಗೀತಸ್ವರಮಧುರಭಂಗೀ ಮೃಗದೃಶಾಂ ವಿದೂರೇ ದಾನಾಂಧದ್ವಿರದಕಲಭೋದ್ದಾಮನಿನದಃ.ಬಹಿರ್ದ್ವಾರೇ ತೇಷಾಂ ಭವತಿ ಹಯಹೇಷಾಕಲಕಲೋ ದೃಗೇಷಾ ತೇ ಯೇಷಾಮುಪರಿ ಕಮಲೇ ದೇವಿ ಸದಯಾ.ಅಗಣ್ಯೈರಿಂದ್ರಾದ್ಯೈರಪಿ ಪರಮಪುಣ್ಯೈಃ ಪರಿಚಿತೋ ಜಗಜ್ಜನ್ಮಸ್ಥಾನಪ್ರಲಯರಚನಾಶಿಲ್ಪನಿಪುಣಃ.ಉದಂಚತ್ಪೀಯೂಷಾಂಬುಧಿಲಹರಿಲೀಲಾಮನುಹರನ್-ನಪಾಂಗಸ್ತೇಽಮಂದಂ ಮಮ ಕಲುಷವೃಂದಂ ದಲಯತು.ನಮನ್ಮೌಲಿಶ್ರೇಣಿತ್ರಿಪುರಪರಿಪಂಥಿಪ್ರತಿಲಸತ್-ಕಪರ್ದವ್ಯಾವೃತ್ತಿಸ್ಫುರಿತಫಣಿಫೂತ್ಕಾರಚಕಿತಃ.ಲಸತ್ಫುಲ್ಲಾಂಭೋಜಮ್ರದಿಮಹರಣಃ ಕೋಽಪಿ ಚರಣಶ್-ಚಿರಂ ಚೇತಶ್ಚಾರೀ ಮಮ ಭವತು ವಾರೀಶದುಹಿತುಃ.ಪ್ರವಾಲಾನಾಂ ದೀಕ್ಷಾಗುರುರಪಿ ಚ ಲಾಕ್ಷಾರುಣರುಚಾಂ ನಿಯಂತ್ರೀ ಬಂಧೂಕದ್ಯುತಿನಿಕರಬಂಧೂಕೃತಿಪಟುಃ.ನೃಣಾಮಂತರ್ಧ್ವಾಂತಂ ನಿಬಿಡಮಪಹರ್ತುಂ ತವ ಕಿಲ ಪ್ರಭಾತಶ್ರೀರೇಷಾ ಚರಣರುಚಿವೇಷಾ ವಿಜಯತೇ.ಪ್ರಭಾತಪ್ರೋನ್ಮೀಲತ್ಕಮಲವನಸಂಚಾರಸಮಯೇ ಶಿಖಾಃ ಕಿಂಜಲ್ಕಾನಾಂ ವಿದಧತಿ ರುಜಂ ಯತ್ರ ಮೃದುಲಾಃ.ತದೇತನ್ಮಾತಸ್ತೇ ಚರಣಮರುಣಶ್ಲಾಘ್ಯಕರುಣಂ ಕಠೋರಾ ಮದ್ವಾಣೀ ಕಥಮಿಯಮಿದಾನೀಂ ಪ್ರವಿಶತು.ಸ್ಮಿತಜ್ಯೋತ್ಸ್ನಾಮಜ್ಜದ್ದ್ವಿಜಮಣಿಮಯೂಖಾಮೃತಝರೈರ್-ನಿಷಿಂಚಂತೀಂ ವಿಶ್ವಂ ತವ ವಿಮಲಮೂರ್ತಿಂ ಸ್ಮರತಿ ಯಃ.ಅಮಂದಂ ಸ್ಯಂದಂತೇ ವದನಕಮಲಾದತ್ಯ ಕೃತಿನೋ ವಿವಿಕ್ತೌ ವೈ ಕಲ್ಪಾಃ ಸತತಮವಿಕಲ್ಪಾ ನವಗಿರಃ.ಶರೌ ಮಾಯಾಬೀಜೌ ಹಿಮಕರಕಲಾಕ್ರಾಂತಶಿರಸೌ ವಿಧಾಯೋರ್ಧ್ವಂ ಬಿಂದುಂ ಸ್ಫುರಿತಮಿತಿ ಬೀಜಂ ಜಲಧಿಜೇ.ಜಪೇದ್ಯಃ ಸ್ವಚ್ಛಂದಂ ಸ ಹಿ ಪುನರಮಂದಂ ಗಜಘಟಾಂ-ಅದಭ್ರಾಮ್ಯದ್ಭೃಂಗೈರ್ಮುಖರಯತಿ ವೇಶ್ಮಾನಿ ವಿದುಷಾಂ.ಸ್ಮರೋ ನಾಮಂ ನಾಮಂ ತ್ರಿಜಗದಭಿರಾಮಂ ತವ ಪದಂ ಪ್ರಪೇದೇ ಸಿದ್ಧಿಂ ಯಾಂ ಕಥಮಿವ ನರಸ್ತಾಂ ಕಥಯತು.ಯಯಾ ಪಾತಂ ಪಾತಂ ಪದಕಮಲಯೋಃ ಪರ್ವತಚರೋ ಹರೋ ಹಾ ರೋಷಾರ್ದ್ರಾಮನುನಯತಿ ಶೈಲೇಂದ್ರತನಯಾಂ.ಹರಂತೋ ನಿಃಶಂಕಂ ಹಿಮಕರಕಲಾನಾಂ ರುಚಿರತಾಂ ಕಿರಂತಃ ಸ್ವಚ್ಛಂದಂ ಕಿರಣಮಯಪೀಯೂಷನಿಕರಂ.ವಿಲುಂಪಂತು ಪ್ರೌಢಾ ಹರಿಹೃದಯಹಾರಾಃ ಪ್ರಿಯತಮಾ ಮಮಾಂತಃಸಂತಾಪಂ ತವ ಚರಣಶೋಣಾಂಬುಜನಖಾಃ.ಮಿಷಾನ್ಮಾಣಿಕ್ಯಾನಾಂ ವಿಗಲಿತನಿಮೇಷಂ ನಿಮಿಷತಾ-ಮಮಂದಂ ಸೌಂದರ್ಯ ತವ ಚರಣಯೋರಂಬುಧಿಸುತೇ.ಪದಾಲಂಕಾರಾಣಾಂ ಜಯತಿ ಕಲನಿಕ್ವಾಣನಪಟುರ್-ಉದಂಚನ್ನುದ್ದಾಮಃ ಸ್ತುತಿವಚನಲೀಲಾಕಲಕಲಃ.ಮಣಿಜ್ಯೋತ್ಸ್ನಾಜಾಲೈರ್ನಿಜತನುರುಚಾಂ ಮಾಂಸಲತಯಾ ಜಟಾಲಂ ತೇ ಜಂಘಾಯುಗಲಮಘಭಂಗಾಯ ಭವತು.ಭ್ರಮಂತೀ ಯನ್ಮಧ್ಯೇ ದರದಲಿತಶೋಣಾಂಬುಜರುಚಾಂ ದೃಶಾಂ ಮಾಲಾ ನೀರಾಜನಮಿವ ವಿಧತ್ತೇ ಮುರರಿಪೋಃ.ಹರದ್ಗರ್ವಂ ಸರ್ವಂ ಕರಿಪತಿಕರಾಣಾಂ ಮೃದುತಯಾ ಭೃಶಂ ಭಾಭಿರ್ದಂಭಂ ಕನಕಮಯರಂಭಾವನಿರುಹಾಂ.ಲಸಜ್ಜಾನುಜ್ಯೋತ್ಸ್ನಾ ತರಣಿಪರಿಣದ್ಧಂ ಜಲಧಿಜೇ ತವೋರುದ್ವಂದ್ವಂ ನಃ ಶ್ಲಥಯತು ಭವೋರುಜ್ವರಭಯಂ.ಕಲಕ್ವಾಣಾಂ ಕಾಂಚೀಂ ಮಣಿಗಣಜಟಾಲಾಮಧಿವಹನ್-ವಸಾನಃ ಕೌಸುಂಭಂ ವಸನಮಸನಂ ಕೌಸ್ತುಭರುಚಾಂ.ಮುನಿವ್ರಾತೈಃ ಪ್ರಾತಃ ಶುಚಿವಚನಜಾತೈರತಿನುತಂ ನಿತಂಬಸ್ತೇ ಬಿಂಬಂ ಹಸತಿ ನವಮಂಬಾಂಬರಮಣೇಃ.ಜಗನ್ಮಿಥ್ಯಾಭೂತಂ ಮಮ ನಿಗದತಾಂ ವೇದವಚಸಾಂ-ಅಭಿಪ್ರಾಯೋ ನಾದ್ಯಾವಧಿ ಹೃದಯಮಧ್ಯಾವಿಶದಯಂ.ಇದಾನೀಂ ವಿಶ್ವೇಷಾಂ ಜನಕಮುದರಂ ತೇ ವಿಮೃಶತೋವಿಸಂದೇಹಂ ಚೇತೋಽಜನಿ ಗರುಡಕೇತೋಃ ಪ್ರಿಯತಮೇ.ಅನಲ್ಪೈರ್ವಾದೀಂದ್ರೈರಗಣಿತಮಹಾಯುಕ್ತಿನಿವಹೈರ್-ನಿರಸ್ತಾ ವಿಸ್ತಾರಂ ಕ್ವಚಿದಕಲಯಂತೀ ತನುಮಪಿ.ಅಸತ್ಖ್ಯಾತಿವ್ಯಾಖ್ಯಾಧಿಕಚತುರಿಮಾಖ್ಯಾತಮಹಿಮಾ ವಲಗ್ನೇ ಲಗ್ನೇಯಂ ಸುಗತಮತಸಿದ್ಧಾಂತಸರಣಿಃ.ನಿದಾನಂ ಶೃಂಗಾಂರಪ್ರಕರಮಕರಂದಸ್ಯ ಕಮಲೇ ಮಹಾನೇವಾಲಂಬೋ ಹರಿನಯನರೋಲಂಬವರಯೋಃ.ನಿಧಾನಂ ಶೋಭಾನಾಂ ನಿಧನಮನುತಾಪಸ್ಯ ಜಗತೋ ಜವೇನಾಭೀತಿಂ ಮೇ ದಿಶತು ತವ ನಾಭೀಸರಸಿಜಂ.ಗಭೀರಾಮುದ್ವೇಲಾಂ ಪ್ರಥಮರಸಕಲ್ಲೋಲಮಿಲಿತಾಂ ವಿಗಾಢುಂ ತೇ ನಾಭೀವಿಮಲಸರಸೀಂ ಗೌರ್ಮಮ ಮನಾಕ್.ಪದಂ ಯಾವನ್ನಯಸ್ಯತ್ಯಹಹ ವಿನಿಮಗ್ನೈವ ಸಹಸಾ ನಹಿ ಕ್ಷೇಮಂ ಸೂತೇ ಗುರುಮಹಿಮಭೂತೇಷ್ವವಿನಯಃ.ಕುಚೌ ತೇ ದುಗ್ಧಾಂಭೋನಿಧಿಕುಲಶಿಖಾಮಂಡನಮಣೇ ಹರೇತೇ ಸೌಭಾಗ್ಯಂ ಯದಿ ಸುರಗಿರೇಶ್ಚಿತ್ರಮಿಹ ಕಿಂ.ತ್ರಿಲೋಕೀಲಾವಣ್ಯಾಹರಣನವಲೀಲಾನಿಪುಣಯೋರ್-ಯಯೋರ್ದತ್ತೇ ಭೂಯಃ ಕರಮಖಿಲನಾಥೋ ಮಧುರಿಪುಃ.ಹರಕ್ರೋಧತ್ರಸ್ಯನ್ಮದನನವದುರ್ಗದ್ವಯತುಲಾಂ ದಧತ್ಕೋಕದ್ವಂದ್ವದ್ಯುತಿದಮನದೀಕ್ಷಾಧಿಗುರುತಾಂ.ತವೈತದ್ವಕ್ಷೋಜದ್ವಿತಯಮರವಿಂದಾಕ್ಷಮಹಿಲೇ ಮಮ ಸ್ವಾಂತಧ್ವಾಂತಂ ಕಿಮಪಿ ಚ ನಿತಾಂತಂ ಗಮಯತು.ಅನೇಕಬ್ರಹ್ಮಾಂಡಸ್ಥಿತಿನಿಯಮಲೀಲಾವಿಲಸಿತೇ ದಯಾಪೀಯೂಷಾಂಭೋನಿಧಿಸಹಜಸಂವಾಸಭವನೇ.ವಿಧೋಶ್ಚಿತ್ತಾಯಾಮೇ ಹೃದಯಕಮಲೇ ತೇ ತು ಕಮಲೇ ಮನಾಂಗ ಮನ್ನಿಸ್ತಾರಸ್ಮೃತಿರಪಿ ಚ ಕೋಣೇ ನಿವಸತು.ಮೃಣಾಲೀನಾಂ ಲೀಲಾಃ ಸಹಜಲವಣಿಮ್ನಾ ಲಘಯತಾಂ ಚತುರ್ಣಾಂ ಸೌಭಾಗ್ಯಂ ತವ ಜನನಿ ದೋಷ್ಣಾಂ ವದತು ಕಃ.ಲುಠಂತಿ ಸ್ವಚ್ಛಂದಂ ಮರಕತಶಿಲಾಮಾಂಸಲರುಚಃ ಶ್ರುತೀನಾಂ ಸ್ಪರ್ಧಾಂ ಯೇ ದಧತ ಇವ ಕಂಠೇ ಮಧುರಿಪೋಃ.ಅಲಭ್ಯಂ ಸೌರಭ್ಯಂ ಕವಿಕುಲನಮಸ್ಯಾ ರುಚಿರತಾ ತಥಾಪಿ ತ್ವದ್ಧಸ್ತೇ ನಿವಸದರವಿಂದಂ ವಿಕಸಿತಂ.ಕಲಾಪೇ ಕಾವ್ಯಾನಾಂ ಪ್ರಕೃತಿಕಮನೀಯಸ್ತುತಿವಿಧೌ ಗುಣೋತ್ಕರ್ಷಾಧಾನಂ ಪ್ರಥಿತಮುಪಮಾನಂ ಸಮಜನಿ.ಅನಲ್ಪಂ ಜಲ್ಪಂತು ಪ್ರತಿಹತಧಿಯಃ ಪಲ್ಲವತುಲಾಂ ರಸಜ್ಞಾಮಜ್ಞಾನಾಂ ಕ ಇವ ಕಮಲೇ ಮಂಥರಯತು.ತ್ರಪಂತು ಶ್ರೀಭಿಕ್ಷಾವಿತರಣವಶೀಭೂತಜಗತಾಂ ಕರಾಣಾಂ ಸೌಭಾಗ್ಯಂ ತವ ತುಲಯಿತುಂ ತುಂಗರಸನಾಃ.ಸಮಾಹಾರಃ ಶ್ರೀಣಾಂ ವಿರಚಿತವಿಹಾರೋ ಹರಿದೃಶಾಂ ಪರೀಹಾರೋ ಭಕ್ತಪ್ರಭವಭವಸಂತಾಪಸರಣೇಃ.ಪ್ರಹಾರಃ ಸರ್ವಾಸಾಮಪಿ ಚ ವಿಪದಾಂ ವಿಷ್ಣುದಯಿತೇ ಮಮೋದ್ಧಾರೋಪಾಯಂ ತವ ಸಪದಿ ಹಾರೋ ವಿಮೃಶತು.ಅಲಂಕುರ್ವಾಣಾನಾಂ ಮಣಿಗಣಘೃಣೀನಾಂ ಲವಣಿಮಾ ಯದೀಯಾಭಿರ್ಭಾಭಿರ್ಭಜತಿ ಮಹಿಮಾನಂ ಲಘುರಪಿ.ಸುಪರ್ವಶ್ರೇಣೀನಾಂ ಜನಿತಪರಸೌಭಾಗ್ಯವಿಭವಾಸ್-ತವಾಂಗುಲ್ಯಸ್ತಾ ಮೇ ದದತು ಹರಿವಾಮೇಽಭಿಲಷಿತಂ.ತಪಸ್ತೇಪೇ ತೀವ್ರಂ ಕಿಮಪಿ ಪರಿತಪ್ಯ ಪ್ರತಿದಿನಂ ತವ ಗ್ರೀವಾಲಕ್ಷ್ಮೀಲವಪರಿಚಯಾದಾಪ್ತವಿಭವಂ.ಹರಿಃ ಕಂಬುಂ ಚುಂಬತ್ಯಥ ವಹತಿ ಪಾಣೌ ಕಿಮಧಿಕಂವದಾಮಸ್ತತ್ರಾಯಂ ಪ್ರಣಯವಶತೋಽಸ್ಯೈ ಸ್ಪೃಹಯತಿ.ಅಭೂದಪ್ರತ್ಯೂಹಃ ಸಕಲಹರಿದುಲ್ಲಾಸನವಿಧಿರ್-ವಿಲೀನೋ ಲೋಕಾನಾಂ ಸ ಹಿ ನಯನತಾಪೋಽಪಿ ಕಮಲೇ.ತವಾಸ್ಮಿನ್ಪೀಯೂಷಂ ಕಿರತಿ ವದನೇ ರಮ್ಯವದನೇ ಕುತೋ ಹೇತೋಶ್ಚೇತೋವಿಧುರಯಮುದೇತಿ ಸ್ಮ ಜಲಧೇಃ.ಮುಖಾಂಭೋಜೇ ಮಂದಸ್ಮಿತಮಧುರಕಾಂತ್ಯಾ ವಿಕಸತಾಂ ದ್ವಿಜಾನಾಂ ತೇ ಹೀರಾವಲಿವಿಹಿತನೀರಾಜನರುಚಾಂ.ಇಯಂ ಜ್ಯೋತ್ಸ್ನಾ ಕಾಪಿ ಸ್ರವದಮೃತಸಂದೋಹಸರಸಾಮಮೋದ್ಯದ್ದಾರಿದ್ರ್ಯಜ್ವರತರುಣತಾಪಂ ತಿರಯತು.ಕುಲೈಃ ಕಸ್ತೂರೀಣಾಂ ಭೃಶಮನಿಶಮಾಶಾಸ್ಯಮಪಿ ಚ ಪ್ರಭಾತಪ್ರೋನ್ಮೀಲನ್ನಲಿನನಿವಹೈರಶ್ರುತಚರಂ.ವಹಂತಃ ಸೌರಭ್ಯಂ ಮೃದುಗತಿವಿಲಾಸಾ ಮಮ ಶಿವಂ ತವ ಶ್ವಾಸಾ ನಾಸಾಪುಟವಿಹಿತವಾಸಾ ವಿದಧತಾಂ.ಕಪೋಲೇ ತೇ ದೋಲಾಯಿತಲಲಿತಲೋಲಾಲಕವೃತೇ ವಿಮುಕ್ತಾ ಧಮ್ಮಿಲ್ಲಾದಭಿಲಸತಿ ಮುಕ್ತಾವಲಿರಿಯಂ.ಸ್ವಕೀಯಾನಾಂ ಬಂದೀಕೃತಮಸಹಮಾನೈರಿವ ಬಲಾನ್-ನಿಬಧ್ಯೋರ್ಧ್ವಂ ಕೃಷ್ಟಾ ತಿಮಿರನಿಕುರಂಬೈರ್ವಿಧುಕಲಾ.ಪ್ರಸಾದೋ ಯಸ್ಯಾಯಂ ನಮದಮಿತಗೀರ್ವಾಣಮುಕುಟ-ಪ್ರಸರ್ಪಜ್ಜೋತ್ಸ್ನಾಭಿಶ್ಚರಣತಲಪೀಠಾರ್ಚಿತವಿಧಿಃ.ದೃಗಂಭೋಜಂ ತತ್ತೇ ಗತಿಹಸಿತಮತ್ತೇಭಗಮನೇವನೇ ಲೀನೈರ್ದೀನೈಃ ಕಥಯ ಕಥಮೀಯಾದಿಹ ತುಲಾಂ.ದುರಾಪಾ ದುರ್ವೃತ್ತೈರ್ದುರಿತದಮನೇ ದಾರಣಭರಾ ದಯಾರ್ದ್ರಾ ದೀನಾನಾಮುಪರಿ ದಲದಿಂದೀವರನಿಭಾ.ದಹಂತೀ ದಾರಿದ್ರ್ಯದ್ರುಮಕುಲಮುದಾರದ್ರವಿಣದಾ ತ್ವದೀಯಾ ದೃಷ್ಟಿರ್ಮೇ ಜನನಿ ದುರದೃಷ್ಟಂ ದಲಯತು.ತವ ಶ್ರೋತ್ರೇ ಫುಲ್ಲೋತ್ಪಲಸಕಲಸೌಭಾಗ್ಯಜಯಿನೀ ಸದೈವ ಶ್ರೀನಾರಾಯಣಗುಣಗಣೌಘಪ್ರಣಯಿನೀ.ರವೈರ್ದೀನಾಂ ಲೀನಾಮನಿಶಮವಧಾನಾತಿಶಯಿನೀ ಮಮಾಪ್ಯೇತಾಂ ವಾಚಂ ಜಲಧಿತನಯೇ ಗೋಚರಯತಾಂ.ಪ್ರಭಾಜಾಲೈಃ ಪ್ರಾಭಾತಿಕದಿನಕರಾಭಾಪನಯನಂ ತವೇದಂ ಖೇದಂ ಮೇ ವಿಘಟಯತು ತಾಟಂಕಯುಗಲಂ.ಮಹಿಮ್ನಾ ಯಸ್ಯಾಯಂ ಪ್ರಲಯಸಮಯೇಽಪಿ ಕ್ರತುಭುಜಾಂ ಜಗತ್ಪಾಯಂ ಪಾಯಂ ಸ್ವಪಿತಿ ನಿರಪಾಯಂ ತವ ಪತಿಃ.ನಿವಾಸೋ ಮುಕ್ತಾನಾಂ ನಿಬಿಡತರನೀಲಾಂಬುದನಿಭಸ್-ತವಾಯಂ ಧಮ್ಮಿಲ್ಲೋ ವಿಮಲಯತು ಮಲ್ಲೋಚನಯುಗಂ.ಭೃಶಂ ಯಸ್ಮಿನ್ಕಾಲಾಗರುಬಹುಲಸೌರಭ್ಯನಿವಹೈಃ ಪತಂತಿ ಶ್ರೀಭಿಕ್ಷಾರ್ಥಿನ ಇವ ಮದಾಂಧಾ ಮಧುಲಿಹಃ.ವಿಲಗ್ನೌ ತೇ ಪಾರ್ಶ್ವದ್ವಯಪರಿಸರೇ ಮತ್ತಕರಿಣೌ ಕರೋನ್ನೀತೈರಂಚನ್ಮಣಿಕಲಶಮುಗ್ಧಾಸ್ಯಗಲಿತೈಃ.ನಿಷಿಂಚಂತೌ ಮುಕ್ತಾಮಣಿಗಣಜಯೈಸ್ತ್ವಾಂ ಜಲಕಣೈರ್-ನಮಸ್ಯಾಮೋ ದಾಮೋದರಗೃಹಿಣೀ ದಾರಿದ್ರ್ಯದಲಿತಾಃ.ಅಯೇ ಮಾತರ್ಲಕ್ಷ್ಮಿ ತ್ವದರುಣಪದಾಂಭೋಜನಿಕಟೇಲುಠಂತಂ ಬಾಲಂ ಮಾಮವಿರಲಗಲದ್ಬಾಷ್ಪಜಟಿಲಂ.ಸುಧಾಸೇಕಸ್ನಿಗ್ಧೈರತಿಮಸೃಣಮುಗ್ಧೈಃ ಕರತಲೈಃಸ್ಪೃಶಂತೀ ಮಾ ರೋದೀರಿತಿ ವದ ಸಮಾಶ್ವಾಸ್ಯಸಿ ಕದಾ.ರಮೇ ಪದ್ಮೇ ಲಕ್ಷ್ಮಿ ಪ್ರಣತಜನಕಲ್ಪದ್ರುಮಲತೇ ಸುಧಾಂಭೋಧೇಃ ಪುತ್ರಿ ತ್ರಿದಶನಿಕರೋಪಾಸ್ತಚರಣೇ.ಪರೇ ನಿತ್ಯಂ ಮಾತರ್ಗುಣಮಯಿ ಪರಬ್ರಹ್ಮಮಹಿಲೇಜಗನ್ನಾಥಸ್ಯಾಕರ್ಣಯ ಮೃದುಲವರ್ಣಾವಲಿಮಿಮಾಂ

Ramaswamy Sastry and Vighnesh Ghanapaathi

Other stotras