ಅಷ್ಟಲಕ್ಷ್ಮೀ ಸ್ತೋತ್ರ

ಸುಮನಸವಂದಿತಸುಂದರಿ ಮಾಧವಿ ಚಂದ್ರಸಹೋದರಿ ಹೇಮಮಯೇ
ಮುನಿಗಣಮಂಡಿತಮೋಕ್ಷಪ್ರದಾಯಿನಿ ಮಂಜುಲಭಾಷಿಣಿ ವೇದನುತೇ.
ಪಂಕಜವಾಸಿನಿ ದೇವಸುಪೂಜಿತಸದ್ಗುಣವರ್ಷಿಣಿ ಶಾಂತಿಯುತೇ
ಜಯಜಯ ಹೇ ಮಧುಸೂದನಕಾಮಿನಿ ಆದಿಲಕ್ಷ್ಮಿ ಸದಾ ಪಾಲಯ ಮಾಂ.
ಅಯಿ ಕಲಿಕಲ್ಮಷನಾಶಿನಿ ಕಾಮಿನಿ ವೈದಿಕರೂಪಿಣಿ ವೇದಮಯೇ
ಕ್ಷೀರಸಮುದ್ಭವಮಂಗಲರೂಪಿಣಿ ಮಂತ್ರನಿವಾಸಿನಿ ಮಂತ್ರನುತೇ.
ಮಂಗಲದಾಯಿನಿ ಅಂಬುಜವಾಸಿನಿ ದೇವಗಣಾಶ್ರಿತಪಾದಯುತೇ
ಜಯಜಯ ಹೇ ಮಧುಸೂದನಕಾಮಿನಿ ಧಾನ್ಯಲಕ್ಷ್ಮಿ ಸದಾ ಪಾಲಯ ಮಾಂ.
ಜಯವರವರ್ಣಿನಿ ವೈಷ್ಣವಿ ಭಾರ್ಗವಿ ಮಂತ್ರಸ್ವರೂಪಿಣಿ ಮಂತ್ರಮಯೇ
ಸುರಗಣಪೂಜಿತಶೀಘ್ರಫಲ- ಪ್ರದಜ್ಞಾನವಿಕಾಸಿನಿ ಶಾಸ್ತ್ರನುತೇ.
ಭವಭಯಹಾರಿಣಿ ಪಾಪವಿಮೋಚನಿ ಸಾಧುಜನಾಶ್ರಿತಪಾದಯುತೇ
ಜಯಜಯ ಹೇ ಮಧುಸೂದನಕಾಮಿನಿ ಧೈರ್ಯಲಕ್ಷ್ಮಿ ಸದಾ ಪಾಲಯ ಮಾಂ.
ಜಯಜಯ ದುರ್ಗತಿನಾಶಿನಿ ಕಾಮಿನಿ ಸರ್ವಫಲಪ್ರದಶಾಸ್ತ್ರಮಯೇ
ರಥಗಜತುರಗಪದಾತಿಸಮಾವೃತ- ಪರಿಜನಮಂಡಿತಲೋಕನುತೇ.
ಹರಿಹರಬ್ರಹ್ಮಸುಪೂಜಿತ- ಸೇವಿತತಾಪನಿವಾರಿಣಿ ಪಾದಯುತೇ
ಜಯಜಯ ಹೇ ಮಧುಸೂದನಕಾಮಿನಿ ಗಜಲಕ್ಷ್ಮಿರೂಪೇಣ ಪಾಲಯ ಮಾಂ.
ಅಹಿಖಗವಾಹಿನಿ ಮೋಹಿನಿ ಚಕ್ರಿಣಿ ರಾಗವಿವರ್ಧಿನಿ ಜ್ಞಾನಮಯೇ
ಗುಣಗಣವಾರಿಧಿಲೋಕಹಿತೈಷಿಣಿ ಸ್ವರಸಪ್ತಭೂಷಿತಗಾನನುತೇ.
ಸಕಲಸುರಾಸುರದೇವ- ಮುನೀಶ್ವರಮಾನವವಂದಿತಪಾದಯುತೇ
ಜಯಜಯ ಹೇ ಮಧುಸೂದನಕಾಮಿನಿ ಸಂತಾನಲಕ್ಷ್ಮಿ ತ್ವಂ ಪಾಲಯ ಮಾಂ.
ಜಯ ಕಮಲಾಸನಿ ಸದ್ಗತಿದಾಯಿನಿ ಜ್ಞಾನವಿಕಾಸಿನಿ ಗಾನಮಯೇ
ಅನುದಿನಮರ್ಚಿತಕುಂಕುಮಧೂಸರ- ಭೂಷಿತವಾಸಿತವಾದ್ಯನುತೇ.
ಕನಕಧರಾಸ್ತುತಿವೈಭವ- ವಂದಿತಶಂಕರದೇಶಿಕಮಾನ್ಯಪದೇ
ಜಯಜಯ ಹೇ ಮಧುಸೂದನಕಾಮಿನಿ ವಿಜಯಲಕ್ಷ್ಮಿ ಸದಾ ಪಾಲಯ ಮಾಂ.
ಪ್ರಣತಸುರೇಶ್ವರಿ ಭಾರತಿ ಭಾರ್ಗವಿ ಶೋಕವಿನಾಶಿನಿ ರತ್ನಮಯೇ
ಮಣಿಮಯಭೂಷಿತಕರ್ಣವಿಭೂಷಣ- ಶಾಂತಿಸಮಾವೃತಹಾಸ್ಯಮುಖೇ.
ನವನಿಧಿದಾಯಿನಿ ಕಲಿಮಲಹಾರಿಣಿ ಕಾಮಿತಫಲಪ್ರದಹಸ್ತಯುತೇ
ಜಯಜಯ ಹೇ ಮಧುಸೂದನಕಾಮಿನಿ ವಿದ್ಯಾಲಕ್ಷ್ಮಿ ಸದಾ ಪಾಲಯ ಮಾಂ.
ಧಿಮಿಧಿಮಿಧಿಂಧಿಮಿಧಿಂಧಿಮಿ- ಧಿಂಧಿಮಿದುಂದುಭಿನಾದಸುಪೂರ್ಣಮಯೇ
ಘುಮಘುಮಘುಂಘುಮ- ಘುಂಘುಮಘುಂಘುಮ- ಶಂಖನಿನಾದಸುವಾದ್ಯನುತೇ.
ವೇದಪುರಾಣೇತಿಹಾಸಸುಪೂಜಿತ- ವೈದಿಕಮಾರ್ಗಪ್ರದರ್ಶಯುತೇ
ಜಯಜಯ ಹೇ ಮಧುಸೂದನಕಾಮಿನಿ ಧನಲಕ್ಷ್ಮಿರೂಪೇಣ ಪಾಲಯ ಮಾಂ.