ಯಸ್ಯಾಃ ಕಟಾಕ್ಷಮಾತ್ರೇಣ ಬ್ರಹ್ಮರುದ್ರೇಂದ್ರಪೂರ್ವಕಾಃ.
ಸುರಾಃ ಸ್ವೀಯಪದಾನ್ಯಾಪುಃ ಸಾ ಲಕ್ಷ್ಮೀರ್ಮೇ ಪ್ರಸೀದತು.
ಯಾಽನಾದಿಕಾಲತೋ ಮುಕ್ತಾ ಸರ್ವದೋಷವಿವರ್ಜಿತಾ.
ಅನಾದ್ಯನುಗ್ರಹಾದ್ವಿಷ್ಣೋಃ ಸಾ ಲಕ್ಷ್ಮೀ ಪ್ರಸೀದತು.
ದೇಶತಃ ಕಾಲತಶ್ಚೈವ ಸಮವ್ಯಾಪ್ತಾ ಚ ತೇನ ಯಾ.
ತಥಾಽಪ್ಯನುಗುಣಾ ವಿಷ್ಣೋಃ ಸಾ ಲಕ್ಷ್ಮೀರ್ಮೇ ಪ್ರಸೀದತು.
ಬ್ರಹ್ಮಾದಿಭ್ಯೋಽಧಿಕಂ ಪಾತ್ರಂ ಕೇಶವಾನುಗ್ರಹಸ್ಯ ಯಾ.
ಜನನೀ ಸರ್ವಲೋಕಾನಾಂ ಸಾ ಲಕ್ಷ್ಮೀರ್ಮೇ ಪ್ರಸೀದತು.
ವಿಶ್ವೋತ್ಪತ್ತಿಸ್ಥಿತಿಲಯಾ ಯಸ್ಯಾ ಮಂದಕಟಾಕ್ಷತಃ.
ಭವಂತಿ ವಲ್ಲಭಾ ವಿಷ್ಣೋಃ ಸಾ ಲಕ್ಷ್ಮೀರ್ಮೇ ಪ್ರಸೀದತು.
ಯದುಪಾಸನಯಾ ನಿತ್ಯಂ ಭಕ್ತಿಜ್ಞಾನಾದಿಕಾನ್ ಗುಣಾನ್.
ಸಮಾಪ್ನುವಂತಿ ಮುನಯಃ ಸಾ ಲಕ್ಷ್ಮೀರ್ಮೇ ಪ್ರಸೀದತು.
ಅನಾಲೋಚ್ಯಾಽಪಿ ಯಜ್ಜ್ಞಾನಮೀಶಾದನ್ಯತ್ರ ಸರ್ವದಾ.
ಸಮಸ್ತವಸ್ತುವಿಷಯಂ ಸಾ ಲಕ್ಷ್ಮೀರ್ಮೇ ಪ್ರಸೀದತು.
ಅಭೀಷ್ಟದಾನೇ ಭಕ್ತಾನಾಂ ಕಲ್ಪವೃಕ್ಷಾಯಿತಾ ತು ಯಾ.
ಸಾ ಲಕ್ಷ್ಮೀರ್ಮೇ ದದಾತ್ವಿಷ್ಟಮೃಜುಸಂಘಸಮರ್ಚಿತಾ.
ಏತಲ್ಲಕ್ಷ್ಮ್ಯಷ್ಟಕಂ ಪುಣ್ಯಂ ಯಃ ಪಠೇದ್ಭಕ್ತಿಮಾನ್ ನರಃ.
ಭಕ್ತಿಜ್ಞಾನಾದಿ ಲಭತೇ ಸರ್ವಾನ್ ಕಾಮಾನವಾಪ್ನುಯಾತ್.
ಋಣ ವಿಮೋಚನ ಅಂಗಾರಕ ಸ್ತೋತ್ರ
ಅಥ ಋಣಗ್ರಸ್ತಸ್ಯ ಋಣವಿಮೋಚನಾರ್ಥಂ ಅಂಗಾರಕಸ್ತೋತ್ರಂ. ಸ್ಕಂದ ಉವಾ....
Click here to know more..ಗಣಾಧ್ಯಕ್ಷ ಸ್ತೋತ್ರ
ಆದಿಪೂಜ್ಯಂ ಗಣಾಧ್ಯಕ್ಷಮುಮಾಪುತ್ರಂ ವಿನಾಯಕಂ. ಮಂಗಲಂ ಪರಮಂ ರೂಪಂ....
Click here to know more..ಪ್ರಸಿದ್ಧರಾಗಲು ಮಂತ್ರ
ಓಂ ಆದಿತ್ಯಾಯ ವಿದ್ಮಹೇ ಮಾರ್ತಾಂಡಾಯ ಧೀಮಹಿ . ತನ್ನೋ ಭಾನುಃ ಪ್ರಚ....
Click here to know more..