ലളിതാംബാ സ്തോത്രം
സഹസ്രനാമസന്തുഷ്ടാം ദേവികാം ത്രിശതീപ്രിയാം|
ശതനാമസ്തുതിപ്രീതാം ലളിതാംബാം നമാമ്യഹം|
ചതുർഭുജാം ചിദാകാരാം ചതുഃഷഷ്ടികലാത്മികാം|
ഭക്താർതിനാശിനീം നമ്യാം ലളിതാംബാം നമാമ്യഹം|
കഞ്ജപത്രായതാക്ഷീം താം കല്യാണഗുണശാലിനീം|
കാരുണ്യസാഗരാം കാന്താം ലളിതാംബാം നമാമ്യഹം|
ആദിരൂപാം മഹാമായാം ശുദ്ധജാംബൂനദപ്രഭാം|
സർവേശനായികാം ശുദ്ധാം ലളിതാംബാം നമാമ്യഹം|
ഭക്തകാമ്യപ്രദാം ഭവ്യാം ഭണ്ഡാസുരവധോദ്യതാം|
ബന്ധത്രയവിമുക്താം ച ലളിതാംബാം നമാമ്യഹം|
ഭൂതിപ്രദാം ഭുവന്യസ്ഥാം ബ്രാഹ്മണാദ്യൈർനമസ്കൃതാം|
ബ്രഹ്മാദിഭിഃ സർജിതാണ്ഡാം ലളിതാംബാം നമാമ്യഹം|
രൂപ്യനിർമിതവക്ഷോജ- ഭൂഷണാമുന്നതസ്തനാം|
കൃശകട്യന്വിതാം രമ്യാം ലളിതാംബാം നമാമ്യഹം|
മാഹേശ്വരീം മനോഗമ്യാം ജ്വാലാമാലാവിഭൂഷിതാം|
നിത്യാനന്ദാം സദാനന്ദാം ലളിതാംബാം നമാമ്യഹം|
മഞ്ജുസംഭാഷിണീം മേയാം സ്മിതാസ്യാമമിതപ്രഭാം|
മന്ത്രാക്ഷരമയീം മായാം ലളിതാംബാം നമാമ്യഹം|
സംസാരസാഗരത്രാത്രീം സുരാഭയവിധായിനീം|
രാജരാജേശ്വരീം നിത്യം ലളിതാംബാം നമാമ്യഹം|
Recommended for you
സരസ്വതീ അഷ്ടക സ്തോത്രം
അമലാ വിശ്വവന്ദ്യാ സാ കമലാകരമാലിനീ. വിമലാഭ്രനിഭാ വോഽവ്യ....
Click here to know more..ബുധ കവചം
അസ്യ ശ്രീബുധകവചസ്തോത്രമന്ത്രസ്യ. കശ്യപ ഋഷിഃ. അനുഷ്ടുപ്....
Click here to know more..മൃത്യുഞ്ജയ ത്ര്യക്ഷരി മന്ത്രം
ഓം ജൂം സഃ....
Click here to know more..
