ലളിതാ പുഷ്പാഞ്ജലി സ്തോത്രം
സമസ്തമുനിയക്ഷ- കിമ്പുരുഷസിദ്ധ- വിദ്യാധര-
ഗ്രഹാസുരസുരാപ്സരോ- ഗണമുഖൈർഗണൈഃ സേവിതേ.
നിവൃത്തിതിലകാംബരാ- പ്രകൃതിശാന്തിവിദ്യാകലാ-
കലാപമധുരാകൃതേ കലിത ഏഷ പുഷ്പാഞ്ജലിഃ.
ത്രിവേദകൃതവിഗ്രഹേ ത്രിവിധകൃത്യസന്ധായിനി
ത്രിരൂപസമവായിനി ത്രിപുരമാർഗസഞ്ചാരിണി.
ത്രിലോചനകുടുംബിനി ത്രിഗുണസംവിദുദ്യുത്പദേ
ത്രയി ത്രിപുരസുന്ദരി ത്രിജഗദീശി പുഷ്പാഞ്ജലിഃ.
പുരന്ദരജലാധിപാന്തക- കുബേരരക്ഷോഹര-
പ്രഭഞ്ജനധനഞ്ജയ- പ്രഭൃതിവന്ദനാനന്ദിതേ.
പ്രവാലപദപീഠീകാ- നികടനിത്യവർതിസ്വഭൂ-
വിരിഞ്ചിവിഹിതസ്തുതേ വിഹിത ഏഷ പുഷ്പാഞ്ജലിഃ.
യദാ നതിബലാദഹങ്കൃതിരുദേതി വിദ്യാവയ-
സ്തപോദ്രവിണരൂപ- സൗരഭകവിത്വസംവിന്മയി.
ജരാമരണജന്മജം ഭയമുപൈതി തസ്യൈ സമാ-
ഖിലസമീഹിത- പ്രസവഭൂമി തുഭ്യം നമഃ.
നിരാവരണസംവിദുദ്ഭ്രമ- പരാസ്തഭേദോല്ലസത്-
പരാത്പരചിദേകതാ- വരശരീരിണി സ്വൈരിണി.
രസായനതരംഗിണീ- രുചിതരംഗസഞ്ചാരിണി
പ്രകാമപരിപൂരിണി പ്രകൃത ഏഷ പുഷ്പാഞ്ജലിഃ.
തരംഗയതി സമ്പദം തദനുസംഹരത്യാപദം
സുഖം വിതരതി ശ്രിയം പരിചിനോതി ഹന്തി ദ്വിഷഃ.
ക്ഷിണോതി ദുരിതാനി യത് പ്രണതിരംബ തസ്യൈ സദാ
ശിവങ്കരി ശിവേ പദേ ശിവപുരന്ധ്രി തുഭ്യം നമഃ.
ശിവേ ശിവസുശീതലാമൃത- തരംഗഗന്ധോല്ലസ-
ന്നവാവരണദേവതേ നവനവാമൃതസ്പന്ദിനീ.
ഗുരുക്രമപുരസ്കൃതേ ഗുണശരീരനിത്യോജ്ജ്വലേ
ഷഡംഗപരിവാരിതേ കലിത ഏഷ പുഷ്പാഞ്ജലിഃ.
ത്വമേവ ജനനീ പിതാ ത്വമഥ ബന്ധവസ്ത്വം സഖാ
ത്വമായുരപരാ ത്വമാഭരണമാത്മനസ്ത്വം കലാഃ.
ത്വമേവ വപുഷഃ സ്ഥിതിസ്ത്വമഖിലാ യതിസ്ത്വം ഗുരുഃ
പ്രസീദ പരമേശ്വരി പ്രണതപാത്രി തുഭ്യം നമഃ.
കഞ്ജാസനാദിസുരവൃന്ദല- സത്കിരീടകോടിപ്രഘർഷണ- സമുജ്ജ്വലദംഘ്രിപീഠേ.
ത്വാമേവ യാമി ശരണം വിഗതാന്യഭാവം ദീനം വിലോകയ യദാർദ്രവിലോകനേന.
Recommended for you
ദുർഗാ പഞ്ചക സ്തോത്രം
കർപൂരേണ വരേണ പാവകശിഖാ ശാഖായതേ തേജസാ വാസസ്തേന സുകമ്പതേ ....
Click here to know more..ഭൂതനാഥ അഷ്ടക സ്തോത്രം
ശ്രീവിഷ്ണുപുത്രം ശിവദിവ്യബാലം മോക്ഷപ്രദം ദിവ്യജനാഭിവ....
Click here to know more..സൂര്യന്‍ ഓരോ രാശിയിലും നിന്നാലുള്ള ഫലം
ജാതകത്തില്‍ സൂര്യന്‍ ഓരോ രാശിയിലും നിന്നാലുള്ള ഫലം അറി....
Click here to know more..
