ബാലാംബികാ സ്തോത്രം

വേലാതിലംഘ്യകരുണേ വിബുധേന്ദ്രവന്ദ്യേ
ലീലാവിനിർമിത- ചരാചരഹൃന്നിവാസേ.
മാലാകിരീട- മണികുണ്ഡല മണ്ഡിതാംഗേ
ബാലാംബികേ മയി നിധേഹി കൃപാകടാക്ഷം.
കഞ്ജാസനാദിമണി- മഞ്ജുകിരീടകോടി-
പ്രത്യുപ്തരത്നരുചി- രഞ്ജിതപാദപദ്മേ.
മഞ്ജീരമഞ്ജുല- വിനിർജിതഹംസനാദേ
ബാലാംബികേ മയി നിധേഹി കൃപാകടാക്ഷം.
പ്രാലേയഭാനുകലി- കാകലിതാതിരമ്യേ
പാദാഗ്രജാവലി- വിനിർജിതമൗക്തികാഭേ.
പ്രാണേശ്വരി പ്രമഥലോകപതേഃ പ്രഗൽഭേ
ബാലാംബികേ മയി നിധേഹി കൃപാകടാക്ഷം.
ജംഘാദിഭിർവിജിത- ചിത്തജതൂണിഭാഗേ
രംഭാദിമാർദവ- കരീന്ദ്രകരോരുയുഗ്മേ.
ശമ്പാശതാധിക- സമുജ്വലചേലലീലേ
ബാലാംബികേ മയി നിധേഹി കൃപാകടാക്ഷം.
മാണിക്യമൗക്തിക- വിനിർമിതമേഖലാഢ്യേ
മായാവിലഗ്ന- വിലസന്മണിപട്ടബന്ധേ.
ലോലംബരാജി- വിലസന്നവരോമജാലേ
ബാലാംബികേ മയി നിധേഹി കൃപാകടാക്ഷം.
ന്യഗ്രോധപല്ലവ- തലോദരനിമ്നനാഭേ
നിർധൂതഹാരവിലസത്- കുചചക്രവാകേ.
നിഷ്കാദിമഞ്ജുമണി- ഭൂഷണഭൂഷിതാംഗേ
ബാലാംബികേ മയി നിധേഹി കൃപാകടാക്ഷം.
കന്ദർപചാപമദഭംഗ- കൃതാതിരമ്യേ
ഭ്രൂവല്ലരീവിവിധ- ചേഷ്ടിതരമ്യമാനേ.
കന്ദർപസോദര- സമാകൃതിഫാലദേശേ
ബാലാംബികേ മയി നിധേഹി കൃപാകടാക്ഷം.
മുക്താവലീവിലസ- ദൂർജിതകംബുകണ്ഠേ
മന്ദസ്മിതാനന- വിനിർജിതചന്ദ്രബിംബേ.
ഭക്തേഷ്ടദാന- നിരതാമൃതപൂർണദൃഷ്ടേ
ബാലാംബികേ മയി നിധേഹി കൃപാകടാക്ഷം.
കർണാവലംബിമണി- കുണ്ഡലഗണ്ഡഭാഗേ
കർണാന്തദീർഘ- നവനീരജപത്രനേത്രേ.
സ്വർണായകാദിമണി- മൗക്തികശോഭിനാസേ
ബാലാംബികേ മയി നിധേഹി കൃപാകടാക്ഷം.
ലോലംബരാജി- ലലിതാലകജാലശോഭേ
മല്ലീനവീനകലികാ- നവകുന്ദജാലേ.
ബാലാംബികേ മയി നിധേഹി കൃപാകടാക്ഷം.