ವೇಲಾತಿಲಂಘ್ಯಕರುಣೇ ವಿಬುಧೇಂದ್ರವಂದ್ಯೇ
ಲೀಲಾವಿನಿರ್ಮಿತ- ಚರಾಚರಹೃನ್ನಿವಾಸೇ.
ಮಾಲಾಕಿರೀಟ- ಮಣಿಕುಂಡಲ ಮಂಡಿತಾಂಗೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಂ.
ಕಂಜಾಸನಾದಿಮಣಿ- ಮಂಜುಕಿರೀಟಕೋಟಿ-
ಪ್ರತ್ಯುಪ್ತರತ್ನರುಚಿ- ರಂಜಿತಪಾದಪದ್ಮೇ.
ಮಂಜೀರಮಂಜುಲ- ವಿನಿರ್ಜಿತಹಂಸನಾದೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಂ.
ಪ್ರಾಲೇಯಭಾನುಕಲಿ- ಕಾಕಲಿತಾತಿರಮ್ಯೇ
ಪಾದಾಗ್ರಜಾವಲಿ- ವಿನಿರ್ಜಿತಮೌಕ್ತಿಕಾಭೇ.
ಪ್ರಾಣೇಶ್ವರಿ ಪ್ರಮಥಲೋಕಪತೇಃ ಪ್ರಗಲ್ಭೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಂ.
ಜಂಘಾದಿಭಿರ್ವಿಜಿತ- ಚಿತ್ತಜತೂಣಿಭಾಗೇ
ರಂಭಾದಿಮಾರ್ದವ- ಕರೀಂದ್ರಕರೋರುಯುಗ್ಮೇ.
ಶಂಪಾಶತಾಧಿಕ- ಸಮುಜ್ವಲಚೇಲಲೀಲೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಂ.
ಮಾಣಿಕ್ಯಮೌಕ್ತಿಕ- ವಿನಿರ್ಮಿತಮೇಖಲಾಢ್ಯೇ
ಮಾಯಾವಿಲಗ್ನ- ವಿಲಸನ್ಮಣಿಪಟ್ಟಬಂಧೇ.
ಲೋಲಂಬರಾಜಿ- ವಿಲಸನ್ನವರೋಮಜಾಲೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಂ.
ನ್ಯಗ್ರೋಧಪಲ್ಲವ- ತಲೋದರನಿಮ್ನನಾಭೇ
ನಿರ್ಧೂತಹಾರವಿಲಸತ್- ಕುಚಚಕ್ರವಾಕೇ.
ನಿಷ್ಕಾದಿಮಂಜುಮಣಿ- ಭೂಷಣಭೂಷಿತಾಂಗೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಂ.
ಕಂದರ್ಪಚಾಪಮದಭಂಗ- ಕೃತಾತಿರಮ್ಯೇ
ಭ್ರೂವಲ್ಲರೀವಿವಿಧ- ಚೇಷ್ಟಿತರಮ್ಯಮಾನೇ.
ಕಂದರ್ಪಸೋದರ- ಸಮಾಕೃತಿಫಾಲದೇಶೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಂ.
ಮುಕ್ತಾವಲೀವಿಲಸ- ದೂರ್ಜಿತಕಂಬುಕಂಠೇ
ಮಂದಸ್ಮಿತಾನನ- ವಿನಿರ್ಜಿತಚಂದ್ರಬಿಂಬೇ.
ಭಕ್ತೇಷ್ಟದಾನ- ನಿರತಾಮೃತಪೂರ್ಣದೃಷ್ಟೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಂ.
ಕರ್ಣಾವಲಂಬಿಮಣಿ- ಕುಂಡಲಗಂಡಭಾಗೇ
ಕರ್ಣಾಂತದೀರ್ಘ- ನವನೀರಜಪತ್ರನೇತ್ರೇ.
ಸ್ವರ್ಣಾಯಕಾದಿಮಣಿ- ಮೌಕ್ತಿಕಶೋಭಿನಾಸೇ
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಂ.
ಲೋಲಂಬರಾಜಿ- ಲಲಿತಾಲಕಜಾಲಶೋಭೇ
ಮಲ್ಲೀನವೀನಕಲಿಕಾ- ನವಕುಂದಜಾಲೇ.
ಬಾಲಾಂಬಿಕೇ ಮಯಿ ನಿಧೇಹಿ ಕೃಪಾಕಟಾಕ್ಷಂ.
ಶ್ರೀರಾಮ ಅಷ್ಟೋತ್ತರ ಶತನಾಮಾವಳಿ
ಓಂ ಶ್ರೀರಾಮಾಯ ನಮಃ . ಓಂ ರಾಮಭದ್ರಾಯ ನಮಃ . ಓಂ ರಾಮಚಂದ್ರಾಯ ನಮಃ . ಓಂ....
Click here to know more..ಏಕ ಶ್ಲೋಕಿ ಶಂಕರ ದಿಗ್ವಿಜಯಂ
ಆರ್ಯಾಂಬಾಜಠರೇ ಜನಿರ್ದ್ವಿಜಸತೀದಾರಿದ್ರ್ಯನಿರ್ಮೂಲನಂ ಸನ್ಯಾಸ....
Click here to know more..ಧನ್ವಂತರಿ ಭಗವಾನ್ ಆಶೀರ್ವಾದಕ್ಕಾಗಿ ಮಂತ್ರ
ಓಂ ನಮೋ ಭಗವತೇ ವಾಸುದೇವಾಯ ಧನ್ವಂತರಯೇ ಅಮೃತಕಲಶಹಸ್ತಾಯ ಸರ್ವಾಮಯ....
Click here to know more..