Yamuna Ashtakam

Add to Favorites

Other languages: HindiTamilMalayalamTeluguKannada

मुरारिकायकालिमाललामवारिधारिणी
तृणीकृतत्रिविष्टपा त्रिलोकशोकहारिणी।
मनोनुकूलकूलकुञ्जपुञ्जधूतदुर्मदा
धुनोतु नो मनोमलं कलिन्दनन्दिनी सदा।
मलापहारिवारिपूरिभूरिमण्डितामृता
भृशं प्रवातकप्रपञ्चनातिपण्डितानिशा।
सुनन्दनन्दिनाङ्गसङ्गरागरञ्जिता हिता
धुनोतु नो मनोमलं कलिन्दनन्दिनी सदा।
लसत्तरङ्गसङ्गधूतभूतजातपातका
नवीनमाधुरीधुरीणभक्तिजातचातका।
तटान्तवासदासहंससंवृताह्निकामदा
धुनोतु नो मनोमलं कलिन्दनन्दिनी सदा।
विहाररासखेदभेदधीरतीरमारुता
गता गिरामगोचरे यदीयनीरचारुता।
प्रवाहसाहचर्यपूतमेदिनीनदीनदा
धुनोतु नो मनोमलं कलिन्दनन्दिनी सदा।
तरङ्गसङ्गसैकतान्तरातितं सदासिता
शरन्निशाकरांशुमञ्जुमञ्जरी सभाजिता।
भवार्चनाप्रचारुणाम्बुनाधुना विशारदा
धुनोतु नो मनोमलं कलिन्दनन्दिनी सदा।
जलान्तकेलिकारिचारुराधिकाङ्गरागिणी
स्वभर्त्तुरन्यदुर्लभाङ्गताङ्गताम्शभागिनी।
स्वदत्तसुप्तसप्तसिन्धुभेदिनातिकोविदा
धुनोतु नो मनोमलं कलिन्दनन्दिनी सदा।
जलच्युताच्युताङ्गरागलम्पटालिशालिनी
विलोलराधिकाकचान्तचम्पकालिमालिनी।
सदावगाहनावतीर्णभर्तृभृत्यनारदा
धुनोतु नो मनोमलं कलिन्दनन्दिनी सदा।
सदैव नन्दिनन्दकेलिशालिकुञ्जमञ्जुला
तटोत्थफुल्लमल्लिकाकदम्बरेणुसूज्ज्वला।
जलावगाहिणां नृणां भवाब्धिसिन्धुपारदा
धुनोतु नो मनोमलं कलिन्दनन्दिनी सदा।

 

muraarikaayakaalimaa-
lalaamavaaridhaarinee
tri'neekri'tatrivisht'apaa trilokashokahaarinee.
manonukoolakoolakunja-
punjadhootadurmadaa
dhunotu no manomalam kalindanandinee sadaa.
malaapahaarivaaripoori-
bhoorimand'itaamri'taa
bhri'sham pravaatakaprapancha-
naatipand'itaanishaa.
sunandanandinaangasangaraagaranjitaa hitaa
dhunotu no manomalam kalindanandinee sadaa.
lasattarangasangadhoota-
bhootajaatapaatakaa
naveenamaadhureedhureena-
bhaktijaatachaatakaa.
tat'aantavaasadaasahamsa-
samvri'taahnikaamadaa
dhunotu no manomalam kalindanandinee sadaa.
vihaararaasakhedabheda-
dheerateeramaarutaa
gataa giraamagochare yadeeyaneerachaarutaa.
pravaahasaahacharyapoota-
medineenadeenadaa
dhunotu no manomalam kalindanandinee sadaa.
tarangasangasaikataantaraatitam sadaasitaa
sharannishaakaraamshumanjumanjaree sabhaajitaa.
bhavaarchanaaprachaaruna-
ambunaadhunaa vishaaradaa
dhunotu no manomalam kalindanandinee sadaa.
jalaantakelikaarichaaru-
raadhikaangaraaginee
svabhartturanyadurlabha-
angataangataamshabhaaginee.
svadattasuptasaptasindhu-
bhedinaatikovidaa
dhunotu no manomalam kalindanandinee sadaa.
jalachyutaachyutaanga-
raagalampat'aalishaalinee
vilolaraadhikaakachaanta-
champakaalimaalinee.
sadaavagaahanaavateerna-
bhartri'bhri'tyanaaradaa
dhunotu no manomalam kalindanandinee sadaa.
sadaiva nandinandakelishaalikunjamanjulaa
tat'otthaphullamallikaa-
kadambarenusoojjvalaa.
jalaavagaahinaam nri'naam bhavaabdhisindhupaaradaa
dhunotu no manomalam kalindanandinee sadaa.

Other stotras

Copyright © 2022 | Vedadhara | All Rights Reserved. | Designed & Developed by Claps and Whistles
| | | | |
Active Visitors:
3634996