Triveni Stotram

मुक्तामयालङ्कृतमुद्रवेणी भक्ताभयत्राणसुबद्धवेणी।
मत्तालिगुञ्जन्मकरन्दवेणी श्रीमत्प्रयागे जयति त्रिवेणी।
लोकत्रयैश्वर्यनिदानवेणी तापत्रयोच्चाटनबद्धवेणी।
धर्माऽर्थकामाकलनैकवेणी श्रीमत्प्रयागे जयति त्रिवेणी।
मुक्ताङ्गनामोहन-सिद्धवेणी भक्तान्तरानन्द-सुबोधवेणी।
वृत्त्यन्तरोद्वेगविवेकवेणी श्रीमत्प्रयागे जयति त्रिवेणी।
दुग्धोदधिस्फूर्जसुभद्रवेणी नीलाभ्रशोभाललिता च वेणी।
स्वर्णप्रभाभासुरमध्यवेणी श्रीमत्प्रयागे जयति त्रिवेणी।
विश्वेश्वरोत्तुङ्गकपर्दिवेणी विरिञ्चिविष्णुप्रणतैकवेणी।
त्रयीपुराणा सुरसार्धवेणी श्रीमत्प्रयागे जयति त्रिवेणी।
माङ्गल्यसम्पत्तिसमृद्धवेणी मात्रान्तरन्यस्तनिदानवेणी।
परम्परापातकहारिवेणी श्रीमत्प्रयागे जयति त्रिवेणी।
निमज्जदुन्मज्जमनुष्यवेणी त्रयोदयोभाग्यविवेकवेणी।
विमुक्तजन्माविभवैकवेणी श्रीमत्प्रयागे जयति त्रिवेणी।
सौन्दर्यवेणी सुरसार्धवेणी माधुर्यवेणी महनीयवेणी।
रत्नैकवेणी रमणीयवेणी श्रीमत्प्रयागे जयति त्रिवेणी।
सारस्वताकारविघातवेणी कालिन्दकन्यामयलक्ष्यवेणी।
भागीरथीरूपमहेशवेणी श्रीमत्प्रयागे जयति त्रिवेणी।
श्रीमद्भवानीभवनैकवेणी लक्ष्मीसरस्वत्यभिमानवेणी।
माता त्रिवेणी त्रयीरत्नवेणी श्रीमत्प्रयागे जयति त्रिवेणी।
त्रिवेणीदशकं स्तोत्रं प्रातर्नित्यं पठेन्नरः।
तस्य वेणी प्रसन्ना स्याद् विष्णुलोकं स गच्छति।

muktaamayaalankri'tamudravenee bhaktaabhayatraanasubaddhavenee.
mattaaligunjanmakarandavenee shreematprayaage jayati trivenee.
lokatrayaishvaryanidaanavenee taapatrayochchaat'anabaddhavenee.
dharmaa'rthakaamaakalanaikavenee shreematprayaage jayati trivenee.
muktaanganaamohana-siddhavenee bhaktaantaraananda-subodhavenee.
vri'ttyantarodvegavivekavenee shreematprayaage jayati trivenee.
dugdhodadhisphoorjasubhadravenee neelaabhrashobhaalalitaa cha venee.
svarnaprabhaabhaasuramadhyavenee shreematprayaage jayati trivenee.
vishveshvarottungakapardivenee virinchivishnupranataikavenee.
trayeepuraanaa surasaardhavenee shreematprayaage jayati trivenee.
maangalyasampattisamri'ddhavenee maatraantaranyastanidaanavenee.
paramparaapaatakahaarivenee shreematprayaage jayati trivenee.
nimajjadunmajjamanushyavenee trayodayobhaagyavivekavenee.
vimuktajanmaavibhavaikavenee shreematprayaage jayati trivenee.
saundaryavenee surasaardhavenee maadhuryavenee mahaneeyavenee.
ratnaikavenee ramaneeyavenee shreematprayaage jayati trivenee.
saarasvataakaaravighaatavenee kaalindakanyaamayalakshyavenee.
bhaageeratheeroopamaheshavenee shreematprayaage jayati trivenee.
shreemadbhavaaneebhavanaikavenee lakshmeesarasvatyabhimaanavenee.
maataa trivenee trayeeratnavenee shreematprayaage jayati trivenee.
triveneedashakam stotram praatarnityam pat'hennarah'.
tasya venee prasannaa syaad vishnulokam sa gachchhati.

Ramaswamy Sastry and Vighnesh Ghanapaathi

Other stotras