Tungabhadraa Stotram

तुङ्गा तुङ्गतरङ्गवेगसुभगा गङ्गासमा निम्नगा
रोगान्ताऽवतु सह्यसंज्ञितनगाज्जातापि पूर्वाब्धिगा।
रागाद्यान्तरदोषहृद्वरभगा वागादिमार्गातिगा
योगादीष्टसुसिद्धिदा हतभगा स्वङ्गा सुवेगापगा।
स्वसा कृष्णावेणीसरित उत वेणीवसुमणी-
प्रभापूतक्षोणीचकितवरवाणीसुसरणिः।
अशेषाघश्रेणीहृदखिलमनोध्वान्ततरणिर्दृढा
स्वर्निश्रेणिर्जयति धरणीवस्त्ररमणी।
दृढं बध्वा क्षिप्ता भवजलनिधौ भद्रविधुता
भ्रमच्चित्तास्त्रस्ता उपगत सुपोता अपि गताः।
अधोधस्तान्भ्रान्तान्परमकृपया वीक्ष्य तरणिः
स्वयं तुङ्गा गङ्गाभवदशुभभङ्गापहरणी।
वर्धा सधर्मा मिलितात्र पूर्वतो भद्रा कुमुद्वत्यपि वारुणीतः।
तन्मध्यदेशेऽखिलपापहारिणी व्यालोकि तुङ्गाऽखिलतापहारिणी।
भद्रया राजते कीत्र्या या तुङ्गा सह भद्रया।
सन्निधिं सा करोत्वेतं श्रीदत्तं लघुसन्निधिम्।
गङ्गास्नानं तुङ्गापानं भीमातीरे यस्य ध्यानं
लक्ष्मीपुर्या भिक्षादानं कृष्णातीरे चानुष्ठानम्।
सिंहाख्याद्रौ निद्रास्थानं सेवा यस्य प्रीत्या ध्यानं
सद्भक्तायाक्षय्यं दानं श्रीदत्तास्यास्यास्तु ध्यानम्।
तुङ्गापगा महाभङ्गा पातु पापविनाशिनी।
रागातिगा महागङ्गा जन्तुतापविनाशिनी।
हर परमरये समस्तमदामयान्
खलबलदलनेऽघमप्यमले मम।
हरसि रसरसे समस्तमनामलं
कुरु गुरुकरुणां समस्तमते मयि।
वेगातुङ्गापगाघं हरतु रथरया देवदेवर्षिवन्द्या
वारं वारं वरं यज्जलमलमलघुप्राशने शस्तशर्म।
श्रीदत्तो दत्तदक्षः पिबति बत बहु स्याः पयः पद्मपत्रा-
क्षीं तामेतामितार्थां भज भज भजतां तारकां रम्यरम्याम्।

tungaa tungatarangavegasubhagaa gangaasamaa nimnagaa
rogaantaa'vatu sahyasanjnyitanagaajjaataapi poorvaabdhigaa.
raagaadyaantaradoshahri'dvarabhagaa vaagaadimaargaatigaa
yogaadeesht'asusiddhidaa hatabhagaa svangaa suvegaapagaa.
svasaa kri'shnaaveneesarita uta veneevasumanee-
prabhaapootakshoneecha- kitavaravaaneesusaranih'.
asheshaaghashreneehri'dakhila- manodhvaantataranirdri'd'haa
svarnishrenirjayati dharaneevastraramanee.
dri'd'ham badhvaa kshiptaa bhavajalanidhau bhadravidhutaa
bhramachchittaastrastaa upagata supotaa api gataah'.
adhodhastaanbhraanta- anparamakri'payaa veekshya taranih'
svayam tungaa gangaabhavadashubha- bhangaapaharanee.
vardhaa sadharmaa militaatra poorvato bhadraa kumudvatyapi vaaruneetah'.
tanmadhyadeshe'khilapaapahaarinee vyaaloki tungaa'khilataapahaarinee.
bhadrayaa raajate keetryaa yaa tungaa saha bhadrayaa.
sannidhim saa karotvetam shreedattam laghusannidhim.
gangaasnaanam tungaapaanam bheemaateere yasya dhyaanam
lakshmeepuryaa bhikshaadaanam kri'shnaateere chaanusht'haanam.
simhaakhyaadrau nidraasthaanam sevaa yasya preetyaa dhyaanam
sadbhaktaayaakshayyam daanam shreedattaasyaasyaastu dhyaanam.
tungaapagaa mahaabhangaa paatu paapavinaashinee.
raagaatigaa mahaagangaa jantutaapavinaashinee.
hara paramaraye samastamadaamayaan
khalabaladalane'ghamapyamale mama.
harasi rasarase samastamanaamalam
kuru gurukarunaam samastamate mayi.
vegaatungaapagaagham haratu ratharayaa devadevarshivandyaa
vaaram vaaram varam yajjalamalamalaghupraashane shastasharma.
shreedatto dattadakshah' pibati bata bahu syaah' payah' padmapatraa-
ksheem taametaamitaarthaam bhaja bhaja bhajataam taarakaam ramyaramyaam.