Narmada Ashtakam

सबिन्दुसिन्धुसुस्खलत्तरङ्गभङ्गरञ्जितं
द्विषत्सु पापजातजातकादिवारिसंयुतम्।
कृतान्तदूतकालभूतभीतिहारिवर्मदे
त्वदीयपादपङ्कजं नमामि देवि नर्मदे।
त्वदम्बुलीनदीनमीनदिव्यसंप्रदायकं
कलौ मलौघभारहारिसर्वतीर्थनायकम्।
सुमच्छकच्छनक्रचक्रवाकचक्रशर्मदे
त्वदीयपादपङ्कजं नमामि देवि नर्मदे।
महागभीरनीरपूरपापधूतभूतलं
ध्वनत्समस्तपातकारिदारितापदाचलम्।
जगल्लये महाभये मृकण्डुसूनुहर्म्यदे
त्वदीयपादपङ्कजं नमामि देवि नर्मदे।
गतं तदैव मे भयं त्वदम्बु वीक्षितं यदा
मृकण्डुसूनुशौनकासुरारिसेवितं सदा।
पुनर्भवाब्धिजन्मजं भवाब्धिदुःखवर्मदे
त्वदीयपादपङ्कजं नमामि देवि नर्मदे।
अलक्ष्यलक्षकिन्नरामरासुरादिपूजितं
सुलक्षनीरतीरधीरपक्षिलक्षकूजितम्।
वसिष्ठशिष्टपिप्पलादिकर्दमादिशर्मदे
त्वदीयपादपङ्कजं नमामि देवि नर्मदे।
सनत्कुमारनाचिकेतकश्यपात्रिषट्पदै-
र्धृतं स्वकीयमानसेषु नारदादिषट्पदैः।
रवीन्दुरन्तिदेवदेवराजकर्मशर्मदे
त्वदीयपादपङ्कजं नमामि देवि नर्मदे।
अलक्षलक्षलक्षपापलक्षसारसायुधं
ततस्तु जीवजन्तुतन्तुभुक्तिमुक्तिदायकम्।
विरिञ्चिविष्णुशङ्करस्वकीयधामवर्मदे
त्वदीयपादपङ्कजं नमामि देवि नर्मदे।
अहो धृतं स्वनं श्रुतं महेशिकेशजातटे
किरातसूतवाडवेषु पण्डिते शठे नटे।
दुरन्तपापतापहारि सर्वजन्तुशर्मदे
त्वदीयपादपङ्कजं नमामि देवि नर्मदे।
इदं तु नर्मदाष्टकं त्रिकालमेव ये सदा
पठन्ति ते निरन्तरं न यान्ति दुर्गतिं कदा।
सुलभ्यदेहदुर्लभं महेशधामगौरवं
पुनर्भवा नरा न वै विलोकयन्ति रौरवम्।

sabindusindhususkhalat-
tarangabhangaranjitam
dvishatsu paapajaatajaatakaadivaarisamyutam.
kri'taantadootakaalabhoota-
bheetihaarivarmade
tvadeeyapaadapankajam namaami devi narmade.
tvadambuleenadeenameena-
divyasampradaayakam
kalau malaughabhaarahaarisarva-
teerthanaayakam.
sumachchhakachchhanakra-
chakravaakachakrasharmade
tvadeeyapaadapankajam namaami devi narmade.
mahaagabheeraneerapoora-
paapadhootabhootalam
dhvanatsamastapaatakaari-
daaritaapadaachalam.
jagallaye mahaabhaye mri'kand'usoonuharmyade
tvadeeyapaadapankajam namaami devi narmade.
gatam tadaiva me bhayam tvadambu veekshitam yadaa
mri'kand'usoonushaunaka-
asuraarisevitam sadaa.
punarbhavaabdhijanmajam bhavaabdhiduh'khavarmade
tvadeeyapaadapankajam namaami devi narmade.
alakshyalakshakinnaraamara-
asuraadipoojitam
sulakshaneerateeradheera-
pakshilakshakoojitam.
vasisht'hashisht'apippalaadi-
kardamaadisharmade
tvadeeyapaadapankajam namaami devi narmade.
sanatkumaaranaachiketa-
kashyapaatrishat'padai-
rdhri'tam svakeeyamaanaseshu naaradaadishat'padaih'.
raveendurantidevadeva-
raajakarmasharmade
tvadeeyapaadapankajam namaami devi narmade.
alakshalakshalakshapaapa-
lakshasaarasaayudham
tatastu jeevajantutantu-
bhuktimuktidaayakam.
virinchivishnushankara-
svakeeyadhaamavarmade
tvadeeyapaadapankajam namaami devi narmade.
aho dhri'tam svanam shrutam maheshikeshajaatat'e
kiraatasootavaad'aveshu pand'ite shat'he nat'e.
durantapaapataapahaari sarvajantusharmade
tvadeeyapaadapankajam namaami devi narmade.
idam tu narmadaasht'akam trikaalameva ye sadaa
pat'hanti te nirantaram na yaanti durgatim kadaa.
sulabhyadehadurlabham maheshadhaamagauravam
punarbhavaa naraa na vai vilokayanti rauravam.