Mandakini Stotram

जयतु जयतु मन्दाकिनि तव सलिलं धवलम् ।
नय विलयं भागीरथि नम दुरितं निखिलम् ॥

शं तनु शन्तनुदयिते सदया भव भवपतिते ।
शमय विषयमलमलिनं मे जननि मानसम् ॥

सुरतटिनी सुरसुखदा वसुजननी त्वं वसुधा ।
अघनाशिनि सुखदा त्वं भवसि जननि सततम् ॥

मीना ये तव सलिले तरवस्तव ये पुलिने ।
अमरा अपि काङक्षन्ते तद्भाग्यं विपुलम् ॥

सुरसेव्यं तव तीरं मधुमधुरं तव नीरम् ।
भवतु सदा गङ्गे तव चरणं मम शरणम् ॥

हरिचरणान्निर्याता हरशीर्षे विश्रान्ता ।
अपनय मम मानसमलमधुना त्वं प्रबलम् ॥

हिमशिशिरं विधुधवलं पावनतरमतिरुचिरम् ।
विलसतु मम वदने तव गङ्गे जलमनिशम् ॥

तव चरणे लीनोऽहं स्मरणे तव मग्नोऽहम् ।
शरणागतदीनं मां जननि पाहि तनयम् ॥

भालचन्द्रशीर्षस्था तनुषे त्वं मङ्गलताम्
नवसुषमां मन्दाकिनि वहसि त्वं रम्याम् ॥

jayatu jayatu mandaakini tava salilam' dhavalam .
naya vilayam' bhaageerathi nama duritam' nikhilam ..

sham' tanu shantanudayite sadayaa bhava bhavapatite .
shamaya vishayamalamalinam' me janani maanasam ..

suratat'inee surasukhadaa vasujananee tvam' vasudhaa .
aghanaashini sukhadaa tvam' bhavasi janani satatam ..

meenaa ye tava salile taravastava ye puline .
amaraa api kaangakshante tadbhaagyam' vipulam ..

surasevyam' tava teeram' madhumadhuram' tava neeram .
bhavatu sadaa gange tava charanam' mama sharanam ..

haricharanaanniryaataa harasheershe vishraantaa .
apanaya mama maanasamalamadhunaa tvam' prabalam ..

himashishiram' vidhudhavalam' paavanataramatiruchiram .
vilasatu mama vadane tava gange jalamanisham ..

tava charane leeno'ham' smarane tava magno'ham .
sharanaagatadeenam' maam' janani paahi tanayam ..

bhaalachandrasheershasthaa tanushe tvam' mangalataam
navasushamaam' mandaakini vahasi tvam' ramyaam ..