Surya Hridaya Stotram

व्यास उवाच -
अथोपतिष्ठेदादित्यमुदयन्तं समाहितः ।
मन्त्रैस्तु विविधैः सौरै ऋग्यजुःसामसम्भवैः ॥

उपस्थाय महायोगं देवदेवं दिवाकरम् ।
कुर्वीत प्रणतिं भूमौ मूर्ध्ना तेनैव मन्त्रतः ॥

ॐ खद्योताय च शान्ताय कारणत्रयहेतवे ।
निवेदयामि चात्मानं नमस्ते ज्ञानरूपिणे ॥

नमस्ते घृणिने तुभ्यं सूर्याय ब्रह्मरूपिणे ।
त्वमेव ब्रह्म परममापो ज्योती रसोऽमृतम् ।
भूर्भुवःस्वस्त्वमोङ्कारः शर्वरुद्रः सनातनः ॥

पुरुषः सन्महोऽन्तस्थं प्रणमामि कपर्दिनम् ।
त्वमेव विश्वं बहुधा जात यज्जायते च यत् ।
नमो रुद्राय सूर्याय त्वामहं शरणं गतः ॥

प्रचेतसे नमस्तुभ्यं नमो मीढुष्टमाय ते ।
नमो नमस्ते रुद्राय त्वामहं शरणं गतः ।
हिरण्यबाहवे तुभ्यं हिरण्यपतये नमः ॥

अम्बिकापतये तुभ्यमुमायाः पतये नमः ।
नमोऽस्तु नीलग्रीवाय नमस्तुभ्यं पिनाकिने ॥

विलोहिताय भर्गाय सहस्राक्षाय ते नमः ।
नमो हंसाय ते नित्यमादित्याय नमोऽस्तु ते ॥

नमस्ते वज्रहस्ताय त्र्यम्बकाय नमो नमः ।
प्रपद्ये त्वां विरूपाक्षं महान्तं परमेश्वरम् ॥

हिरण्मये गृहे गुप्तमात्मानं सर्वदेहिनाम् ।
नमस्यामि परं ज्योतिर्ब्रह्माणं त्वां परां गतिम् ॥

विश्वं पशुपतिं भीमं नरनारीशरीरिणम् ।
नमः सूर्याय रुद्राय भास्वते परमेष्ठिने ॥

उग्राय सर्वभक्षाय त्वां प्रपद्ये सदैव हि ।
एतद्वै सूर्यहृदयं जप्त्वा स्तवमनुत्तमम् ॥

प्रातः कालेऽथ मध्याह्ने नमस्कुर्याद्दिवाकरम् ।
इदं पुत्राय शिष्याय धार्मिकाय द्विजातये ॥

प्रदेयं सूर्यहृदयं ब्रह्मणा तु प्रदर्शितम् ।
सर्वपापप्रशमनं वेदसारसमुद्भवम् ।
ब्राह्मणानां हितं पुण्यमृषिसङ्घैर्निषेवितम् ॥

अथागम्य गृहं विप्रः समाचम्य यथाविधि ।
प्रज्वाल्य विह्निं विधिवज्जुहुयाज्जातवेदसम् ॥

ऋत्विक्पुत्रोऽथ पत्नी वा शिष्यो वाऽपि सहोदरः ।
प्राप्यानुज्ञां विशेषेण जुहुयुर्वा यताविधि ॥

पवित्रपाणिः पूतात्मा शुक्लाम्बरधरः शुचिः ।
अनन्यमानसो वह्निं जुहुयात् संयतेन्द्रियः ॥

vyaasa uvaacha -
athopatisht'hedaadityamudayantam' samaahitah' .
mantraistu vividhaih' saurai ri'gyajuh'saamasambhavaih' ..

upasthaaya mahaayogam' devadevam' divaakaram .
kurveeta pranatim' bhoomau moordhnaa tenaiva mantratah' ..

om khadyotaaya cha shaantaaya kaaranatrayahetave .
nivedayaami chaatmaanam' namaste jnyaanaroopine ..

namaste ghri'nine tubhyam' sooryaaya brahmaroopine .
tvameva brahma paramamaapo jyotee raso'mri'tam .
bhoorbhuvah'svastvamonkaarah' sharvarudrah' sanaatanah' ..

purushah' sanmaho'ntastham' pranamaami kapardinam .
tvameva vishvam' bahudhaa jaata yajjaayate cha yat .
namo rudraaya sooryaaya tvaamaham' sharanam' gatah' ..

prachetase namastubhyam' namo meed'husht'amaaya te .
namo namaste rudraaya tvaamaham' sharanam' gatah' .
hiranyabaahave tubhyam' hiranyapataye namah' ..

ambikaapataye tubhyamumaayaah' pataye namah' .
namo'stu neelagreevaaya namastubhyam' pinaakine ..

vilohitaaya bhargaaya sahasraakshaaya te namah' .
namo ham'saaya te nityamaadityaaya namo'stu te ..

namaste vajrahastaaya tryambakaaya namo namah' .
prapadye tvaam' viroopaaksham' mahaantam' parameshvaram ..

hiranmaye gri'he guptamaatmaanam' sarvadehinaam .
namasyaami param' jyotirbrahmaanam' tvaam' paraam' gatim ..

vishvam' pashupatim' bheemam' naranaareeshareerinam .
namah' sooryaaya rudraaya bhaasvate paramesht'hine ..

ugraaya sarvabhakshaaya tvaam' prapadye sadaiva hi .
etadvai sooryahri'dayam' japtvaa stavamanuttamam ..

praatah' kaale'tha madhyaahne namaskuryaaddivaakaram .
idam' putraaya shishyaaya dhaarmikaaya dvijaataye ..

pradeyam' sooryahri'dayam' brahmanaa tu pradarshitam .
sarvapaapaprashamanam' vedasaarasamudbhavam .
braahmanaanaam' hitam' punyamri'shisanghairnishevitam ..

athaagamya gri'ham' viprah' samaachamya yathaavidhi .
prajvaalya vihnim' vidhivajjuhuyaajjaatavedasam ..

ri'tvikputro'tha patnee vaa shishyo vaa'pi sahodarah' .
praapyaanujnyaam' visheshena juhuyurvaa yataavidhi ..

pavitrapaanih' pootaatmaa shuklaambaradharah' shuchih' .
ananyamaanaso vahnim' juhuyaat sam'yatendriyah' ..

Ramaswamy Sastry and Vighnesh Ghanapaathi

Other stotras