హరిహరపుత్ర ఉదార స్తోత్రం

హరికలభతురంగతుంగవాహం హరిమణిమోహనహారచారుదేహం .
హరిదధీపనతం గిరీంద్రగేహం హరిహరపుత్రముదారమాశ్రయామి ..

నిరుపమపరమాత్మనిత్యబోధం గురువరమద్భుతమాదిభూతనాథం .
సురుచిరతరదివ్యనృత్తగీతం హరిహరపుత్రముదారమాశ్రయామి ..

అగణితఫలదానలోలశీలం నగనిలయం నిగమాగమాదిమూలం .
అఖిలభువనపాలకం విశాలం హరిహరపుత్రముదారమాశ్రయామి ..

ఘనరసకలభాభిరమ్యగాత్రం కనకకరోజ్వలకమనీయవేత్రం .
అనఘసనకతాపసైకమిత్రం హరిహరపుత్రముదారమాశ్రయామి ..

సుకృతసుమనసాం సతాం శరణ్యం సకృదుపసేవకసాధులోకవర్ణ్యం .
సకలభువనపాలకం వరేణ్యం హరిహరపుత్రముదారమాశ్రయేఽహం ..

విజయకరవిభూతివేత్రహస్తం విజయకరం వివిధాయుధప్రశస్తం .
విజితమనసిజంచరాచరస్థం హరిహరపుత్రముదారమాశ్రయేఽహం ..

సకలవిషయమహారుజాపహారం జగదుదయస్థితినాశహేతుభూతం .
అగనగమృగయామహావినోదం హరిహరపుత్రముదారమాశ్రయేఽహం ..

త్రిభువనశరణం దయాపయోధిం ప్రభుమమరాభరణం రిపుప్రమాథిం .
అభయవరకరోజ్జ్వలత్సమాధిం హరిహరపుత్రముదారమాశ్రయేఽహం ..

జయజయ మణికంఠ వేత్రదండ జయ కరుణాకర పూర్ణచంద్రతుండ .
జయజయ జగదీశ శాసితాండ జయరిపుఖండవఖండ చారుఖండ ..