ఓంకారమృత- బిందుసుందరతనుం మోహాంధకారారుణం
దీనానాం శరణం భవాబ్ధితరణం భక్తైకసంరక్షణం.
దిష్ట్యా త్వాం శబరీశ దివ్యకరుణా- పీయూషవారాన్నిధిం
దృష్ట్యోపోషితయా పిబన్నయి విభో ధన్యోఽస్మి ధన్యాఽస్మ్యహం.
ఘ్రూంకారాత్మకముగ్ర- భావవిలసద్రూపం కరాగ్రోల్లసత్-
కోదండాధికచండ- మాశుగమహావేగే తురంగే స్థితం.
దృష్ట్యైవారివిమర్ద- దక్షమభయంకారం శరణ్యం సతాం
శాస్తారం మణికంఠమద్భుత- మహావీరం సమారాధయే.
నభ్రాణం హృదయాంతరేషు మహితే పంపాత్రివేణీజలే
ప్రౌఢారణ్యపరంపరాసు గిరికూటేప్వంబరోల్లంఘిషు.
హంహో కిం బహునా విభాంతమనిశం సర్వత్ర తేజోమయం
కారుణ్యామృతవర్షిణం హరిహరానందాంకురం భావయే.
మత్ర్యాస్తాపనివృత్తయే భజత మాం సత్యం శివం సుందరం
శాస్తారం శబరీశ్వరం చ భవతాం భూయాత్ కృతార్థే జనుః.
లోలానంతతరంగభంగ- రసనాజాలైరితీయం ముదా
పంపా గాయతి భుతనాథచరణప్రక్షాలనీ పావనీ.
పంక్తిస్థా ఇహ సంఘగానకుశలాః నీలీవనే పావనే
త్వన్మాహాత్మ్యగుణాను- కీర్తనమహానందే నిమగ్నా ద్విజాః.
భక్తానాం శ్రవణేషు నాదలహరీపీయుషధారాం నవాం
నిత్యానందధనాం విభో విదధతే దేవాయ తుభ్యం నమః.
రాజంతే పరితో జరద్విటపినో వల్లీజటోద్భాసిన-
స్త్వద్ధ్యానైకపరాయణాః స్థిరతమాం శాంతిం సమాసాదితాః.
ఆనీలాంబర- మధ్ర్యభాండమనిశం మూధ్ర్నా వహంతః స్థితా-
స్తం త్వాం శ్రీశబరీశ్వరం శరణదం యోగాసనస్థం భజే.
యస్మిన్ లబ్ధపదా ప్రశాంతినిలయే లీలావనే తావకే
సంగీతైకమయే నిరంతరసమారోహా వరోహాత్మకే.
ఏషా మామకచేతనా పరచిదానంద- స్ఫురద్గాత్రికా
హా! హా! తామ్యతి హంత! తామనుగృహాణానందమూర్తే విభో.
గోప్త్రే విశ్వస్య హర్త్రే బహుదురితకృతో మత్ర్యలోకస్య శశ్వత్
కర్త్రే భవ్యోదయానాం నిజచరణజుషో భక్తలోకస్య నిత్యం.
శాస్త్రే ధర్మస్య నేత్రే శ్రుతిపథచరణాభ్యుద్యతానాం త్రిలోకీ-
భర్త్రే భూతాధిభర్త్రే శబరగిరినివాసాయ తుభ్యం నమోఽస్తు.
సంతోషీ మాతా అష్టోత్తర శతనామావలి
ఓం శ్రీదేవ్యై నమః . శ్రీపదారాధ్యాయై . శివమంగలరూపిణ్యై . శ....
Click here to know more..నరసింహ పంచరత్న స్తోత్రం
భవనాశనైకసముద్యమం కరుణాకరం సుగుణాలయం నిజభక్తతారణరక్షణ....
Click here to know more..ఉద్యోగంలో స్థిరత్వం కోసం దుర్గా మంత్రం
ఓం ఐం క్రౌం నమః దుర్గాం దేవీం శరణమహం ప్రపద్యే....
Click here to know more..