బాలాంబికా స్తోత్రం
వేలాతిలంఘ్యకరుణే విబుధేంద్రవంద్యే
లీలావినిర్మిత- చరాచరహృన్నివాసే.
మాలాకిరీట- మణికుండల మండితాంగే
బాలాంబికే మయి నిధేహి కృపాకటాక్షం.
కంజాసనాదిమణి- మంజుకిరీటకోటి-
ప్రత్యుప్తరత్నరుచి- రంజితపాదపద్మే.
మంజీరమంజుల- వినిర్జితహంసనాదే
బాలాంబికే మయి నిధేహి కృపాకటాక్షం.
ప్రాలేయభానుకలి- కాకలితాతిరమ్యే
పాదాగ్రజావలి- వినిర్జితమౌక్తికాభే.
ప్రాణేశ్వరి ప్రమథలోకపతేః ప్రగల్భే
బాలాంబికే మయి నిధేహి కృపాకటాక్షం.
జంఘాదిభిర్విజిత- చిత్తజతూణిభాగే
రంభాదిమార్దవ- కరీంద్రకరోరుయుగ్మే.
శంపాశతాధిక- సముజ్వలచేలలీలే
బాలాంబికే మయి నిధేహి కృపాకటాక్షం.
మాణిక్యమౌక్తిక- వినిర్మితమేఖలాఢ్యే
మాయావిలగ్న- విలసన్మణిపట్టబంధే.
లోలంబరాజి- విలసన్నవరోమజాలే
బాలాంబికే మయి నిధేహి కృపాకటాక్షం.
న్యగ్రోధపల్లవ- తలోదరనిమ్ననాభే
నిర్ధూతహారవిలసత్- కుచచక్రవాకే.
నిష్కాదిమంజుమణి- భూషణభూషితాంగే
బాలాంబికే మయి నిధేహి కృపాకటాక్షం.
కందర్పచాపమదభంగ- కృతాతిరమ్యే
భ్రూవల్లరీవివిధ- చేష్టితరమ్యమానే.
కందర్పసోదర- సమాకృతిఫాలదేశే
బాలాంబికే మయి నిధేహి కృపాకటాక్షం.
ముక్తావలీవిలస- దూర్జితకంబుకంఠే
మందస్మితానన- వినిర్జితచంద్రబింబే.
భక్తేష్టదాన- నిరతామృతపూర్ణదృష్టే
బాలాంబికే మయి నిధేహి కృపాకటాక్షం.
కర్ణావలంబిమణి- కుండలగండభాగే
కర్ణాంతదీర్ఘ- నవనీరజపత్రనేత్రే.
స్వర్ణాయకాదిమణి- మౌక్తికశోభినాసే
బాలాంబికే మయి నిధేహి కృపాకటాక్షం.
లోలంబరాజి- లలితాలకజాలశోభే
మల్లీనవీనకలికా- నవకుందజాలే.
బాలాంబికే మయి నిధేహి కృపాకటాక్షం.
Recommended for you
అన్నపూర్ణా స్తోత్రం
నిత్యానందకరీ వరాభయకరీ సౌందర్యరత్నాకరీ నిర్ధూతాఖిలఘోర....
Click here to know more..శారదా పంచ రత్న స్తోత్రం
వారారాంభసముజ్జృంభరవికోటిసమప్రభా. పాతు మాం వరదా దేవీ శా....
Click here to know more..శివ కవచం
ఓం నమో భగవతే సదాశివాయ సకలతత్త్వాత్మకాయ సకలతత్త్వవిహార....
Click here to know more..
