ಶಾಸ್ತಾ ಸ್ತುತಿ

ವಿನತಭಕ್ತಸದಾರ್ತಿಹರಂ ಪರಂ
ಹರಸುತಂ ಸತತಪ್ರಿಯಸುವ್ರತಂ.
ಕನಕನೌಲಿಧರಂ ಮಣಿಶೋಭಿತಂ
ಪರಮಶಾಸ್ತೃಪದಂ ಪ್ರಣಮಾಮ್ಯಹಂ.
ಸುಕೃತಸಿದ್ಧಕೃತಾಭಿಧವಿಗ್ರಹಂ
ಮುದಿತಪೂರ್ಣಸುಧಾಂಶುಶುಭಾನನಂ.
ಅಮರಮಾಶ್ರಯದಂ ಸಕಲೋನ್ನತಂ
ಪರಮಶಾಸ್ತೃಪದಂ ಪ್ರಣಮಾಮ್ಯಹಂ.
ಕುಸುಮಕಾನನರಾಜಿತಮವ್ಯಯಂ
ವಿಧಿಹರೀಂದ್ರಸುರಾದಿಭಿರರ್ಚಿತಂ.
ಪತಿತಪಾವನಮಂಬುಜಲೋಚನಂ
ಪರಮಶಾಸ್ತೃಪದಂ ಪ್ರಣಮಾಮ್ಯಹಂ.
ವಿರತಲೋಕಫಲಂ ವನವಾಸಿನಂ
ಸ್ಮಿತಮುಖಂ ಸುರಸೇವ್ಯಪದಾಂಬುಜಂ.
ಸುಜನಧೀಜಯದಂ ಪರಮಕ್ಷರಂ
ಪರಮಶಾಸ್ತೃಪದಂ ಪ್ರಣಮಾಮ್ಯಹಂ.
ಶರಶರಾಸನಧಾರಿಣಮುತ್ತಮಂ
ಜನಿಮೃತಿಸ್ಥಿತಿಕಾಲವಿಮೋಚನಂ.
ಪರಮನಿರ್ಭರಮೇಧ್ಯಸುಮಾನಸಂ
ಪರಮಶಾಸ್ತೃಪದಂ ಪ್ರಣಮಾಮ್ಯಹಂ.
ಸುಕವಿಭಿರ್ಮುನಿಭಿಶ್ಚ ಮಹೀಕೃತಂ
ಗಿರಿಶನಂದನಮೇಕಮನಾಮಯಂ.
ಅತುಲಯೌವನಭಾವಸುಸಂಯುತಂ
ಪರಮಶಾಸ್ತೃಪದಂ ಪ್ರಣಮಾಮ್ಯಹಂ.