Add to Favorites

Mahalakshmi Ashtakam

Other languages: HindiTamilMalayalamTeluguKannada

नमस्तेऽस्तु महामाये श्रीपीठे सुरपूजिते।
शङ्खचक्रगदाहस्ते महालक्ष्मि नमोऽस्तु ते।
नमस्ते गरुडारूढे कोलासुरभयङ्करि।
सर्वपापहरे देवि महालक्ष्मि नमोऽस्तु ते।
सर्वज्ञे सर्ववरदे सर्वदुष्टभयङ्करि।
सर्वदुःखहरे देवि महालक्ष्मि नमोऽस्तु ते।
सिद्धिबुद्धिप्रदे देवि भुक्तिमुक्तिप्रदायिनि।
मन्त्रमूर्ते सदा देवि महालक्ष्मि नमोऽस्तु ते।
आद्यन्तरहिते देवि आदिशक्ति महेश्वरि।
योगजे योगसंभूते महालक्ष्मि नमोऽस्तु ते।
स्थूलसूक्ष्ममहारौद्रे महाशक्ति महोदरे।
महापापहरे देवि महालक्ष्मि नमोऽस्तु ते।
पद्मासनस्थिते देवि परब्रह्मस्वरूपिणि।
परमेशि जगन्मातर्महालक्ष्मि नमोऽस्तु ते।
श्वेताम्बरधरे देवि नानालङ्कारभूषिते।
जगत्स्थिते जगन्मातर्महालक्ष्मि नमोऽस्तु ते।

namaste'stu mahaamaaye shreepeet'he surapoojite.
shankhachakragadaahaste mahaalakshmi namo'stu te.
namaste garud'aarood'he kolaasurabhayankari.
sarvapaapahare devi mahaalakshmi namo'stu te.
sarvajnye sarvavarade sarvadusht'abhayankari.
sarvaduh'khahare devi mahaalakshmi namo'stu te.
siddhibuddhiprade devi bhuktimuktipradaayini.
mantramoorte sadaa devi mahaalakshmi namo'stu te.
aadyantarahite devi aadishakti maheshvari.
yogaje yogasambhoote mahaalakshmi namo'stu te.
sthoolasookshmamahaaraudre mahaashakti mahodare.
mahaapaapahare devi mahaalakshmi namo'stu te.
padmaasanasthite devi parabrahmasvaroopini.
parameshi jaganmaatarmahaalakshmi namo'stu te.
shvetaambaradhare devi naanaalankaarabhooshite.
jagatsthite jaganmaatarmahaalakshmi namo'stu te.

Click below to listen to Mahalakshmi Ashtakam