Shasta Bhujanga Stotram

श्रितानन्दचिन्ता- मणिश्रीनिवासं
सदा सच्चिदानन्द- पूर्णप्रकाशम्।
उदारं सदारं सुराधारमीशं
परं ज्योतिरूपं भजे भूतनाथम्।
विभुं वेदवेदान्तवेद्यं वरिष्ठं
विभूतिप्रदं विश्रुतं ब्रह्मनिष्ठम्।
विभास्वत्प्रभावप्रभं पुष्कलेषुं
परं ज्योतिरूपं भजे भूतनाथम्।
परित्राणदक्षं परब्रह्मसूत्रं
स्फुरच्चारुगात्रं भवध्वान्तमित्रम्।
परं प्रेमपात्रं पवित्रं विचित्रं
परं ज्योतिरूपं भजे भूतनाथम्।
परेशं प्रभुं पूर्णकारुण्यरूपं
गिरीशाधि- पीठोज्ज्वलच्चारुदीपम्।
सुरेशादिसं- सेवितं सुप्रतापं
परं ज्योतिरूपं भजे भूतनाथम्।
गुरुं पूर्णलावण्य- पादादिकेशं
गरिष्ठं महाकोटि- सूर्यप्रकाशम् ।
कराम्भोरुह- न्यस्तवेत्रं सुरेशं
परं ज्योतिरूपं भजे भूतनाथम्।
हरीशानसंयुक्त- शक्त्येकवीरं
किरातावतारं कृपापाङ्गपूरम्।
किरीटावतंसो- ज्ज्वलत्पिञ्छभारं
परं ज्योतिरूपं भजे भूतनाथम्।
महायोगपीठे ज्वलन्तं महान्तं
महावाक्य- सारोपदेशं सुशान्तम् ।
महर्षिप्रहर्षप्रदं ज्ञानकन्दं
परं ज्योतिरूपं भजे भूतनाथम्।
महारण्य- मन्मानसान्तर्निवासा-
नहङ्कार दुर्वारहिंस्रान्मृगादीन्।
निहन्तुं किरातावतारं चरन्तं
परं ज्योतिरूपं भजे भूतनाथम्।
पृथिव्यादि भूतप्रपञ्चान्तरस्थं
पृथग्भूतचैतन्य- जन्यं प्रशस्तम्।
प्रधानं प्रमाणं पुराणं प्रसिद्धं
परं ज्योतिरूपं भजे भूतनाथम्।
जगज्जीवनं पावनं भावनीयं
जगद्व्यापकं दीपकं मोहनीयम्।
सुखाधारमाधारभूतं तुरीयं
परं ज्योतिरूपं भजे भूतनाथम्।
इहामुत्रसत्सौख्य- सम्पन्निधानं
महद्योनिमव्याहृता- त्माभिधानम्।
अहः पुण्डरीकाननं दीप्यमानं
परं ज्योतिरूपं भजे भूतनाथम्।
त्रिकालस्थितं सुस्थिरं ज्ञानसंस्थं
त्रिधामत्रिमूर्त्यात्मकं ब्रह्मसंस्थम्।
त्रयीमूर्तिमार्तिच्छिदं शक्तियुक्तं
परं ज्योतिरूपं भजे भूतनाथम्।
इडां पिङ्गळां सत्सुषुम्नां विशन्तं
स्फुटं ब्रह्मरन्ध्रस्वतन्त्रं सुशान्तम्।
दृढं नित्य निर्वाणमुद्भासयन्तं
परं ज्योतिरूपं भजे भूतनाथम्।
अनुब्रह्मपर्यन्त- जीवैक्यबिम्बं
गुणाकारमत्यन्त- भक्तानुकम्पम्।
अनर्घं शुभोदर्क- मात्मावलम्बं
परं ज्योतिरूपं भजे भूतनाथम्।

shritaanandachintaa- manishreenivaasam
sadaa sachchidaananda- poornaprakaasham.
udaaram sadaaram suraadhaarameesham
param jyotiroopam bhaje bhootanaatham.
vibhum vedavedaantavedyam varisht'ham
vibhootipradam vishrutam brahmanisht'ham.
vibhaasvatprabhaavaprabham pushkaleshum
param jyotiroopam bhaje bhootanaatham.
paritraanadaksham parabrahmasootram
sphurachchaarugaatram bhavadhvaantamitram.
param premapaatram pavitram vichitram
param jyotiroopam bhaje bhootanaatham.
paresham prabhum poornakaarunyaroopam
gireeshaadhi- peet'hojjvalachchaarudeepam.
sureshaadisam- sevitam suprataapam
param jyotiroopam bhaje bhootanaatham.
gurum poornalaavanya- paadaadikesham
garisht'ham mahaakot'i- sooryaprakaasham .
karaambhoruha- nyastavetram suresham
param jyotiroopam bhaje bhootanaatham.
hareeshaanasamyukta- shaktyekaveeram
kiraataavataaram kri'paapaangapooram.
kireet'aavatamso- jjvalatpinchhabhaaram
param jyotiroopam bhaje bhootanaatham.
mahaayogapeet'he jvalantam mahaantam
mahaavaakya- saaropadesham sushaantam .
maharshipraharshapradam jnyaanakandam
param jyotiroopam bhaje bhootanaatham.
mahaaranya- manmaanasaantarnivaasaa-
nahankaara durvaarahimsraanmri'gaadeen.
nihantum kiraataavataaram charantam
param jyotiroopam bhaje bhootanaatham.
pri'thivyaadi bhootaprapanchaantarastham
pri'thagbhootachaitanya- janyam prashastam.
pradhaanam pramaanam puraanam prasiddham
param jyotiroopam bhaje bhootanaatham.
jagajjeevanam paavanam bhaavaneeyam
jagadvyaapakam deepakam mohaneeyam.
sukhaadhaaramaadhaarabhootam tureeyam
param jyotiroopam bhaje bhootanaatham.
ihaamutrasatsaukhya- sampannidhaanam
mahadyonimavyaahri'taa- tmaabhidhaanam.
ahah' pund'areekaananam deepyamaanam
param jyotiroopam bhaje bhootanaatham.
trikaalasthitam susthiram jnyaanasamstham
tridhaamatrimoortyaatmakam brahmasamstham.
trayeemoortimaartichchhidam shaktiyuktam
param jyotiroopam bhaje bhootanaatham.
id'aam pingal'aam satsushumnaam vishantam
sphut'am brahmarandhrasvatantram sushaantam.
dri'd'ham nitya nirvaanamudbhaasayantam
param jyotiroopam bhaje bhootanaatham.
anubrahmaparyanta- jeevaikyabimbam
gunaakaaramatyanta- bhaktaanukampam.
anargham shubhodarka- maatmaavalambam
param jyotiroopam bhaje bhootanaatham.