Manikantha Ashtakam

हरिकलभतुरङ्गतुङ्गवाहनं हरिमणिमोहनहारचारुदेहम्।
हरिदधीपनतं गिरीन्द्रगेहं हरिहरपुत्रमुदारमाश्रयामि।
निरुपम परमात्मनित्यबोधं गुरुवरमद्भुतमादिभूतनाथम्।
सुरुचिरतरदिव्यनृत्तगीतं हरिहरपुत्रमुदारमाश्रयामि।
अगणितफलदानलोलशीलं नगनिलयं निगमागमादिमूलम्।
अखिलभुवनपालकं विशालं हरिहरपुत्रमुदारमाश्रयामि।
घनरसकलभाभिरम्यगात्रं कनककरोज्वल कमनीयवेत्रम्।
अनघसनकतापसैकमित्रं हरिहरपुत्रमुदारमाश्रयामि।
सुकृतसुमनसां सतां शरण्यं सकृदुपसेवकसाधुलोकवर्ण्यम्।
सकलभुवनपालकं वरेण्यं हरिहरपुत्रमुदारमाश्रयामि।
विजयकर विभूतिवेत्रहस्तं विजयकरं विविधायुध प्रशस्तम्।
विजित मनसिजं चराचरस्थं हरिहरपुत्रमुदारमाश्रयेहम्।
सकलविषयमहारुजापहारं जगदुदयस्थितिनाशहेतुभूतम्।
अगनगमृगयामहाविनोदं हरिहरपुत्रमुदारमाश्रयेहम्।
त्रिभुवनशरणं दयापयोधिं प्रभुममराभरणं रिपुप्रमाथिम्।
अभयवरकरोज्ज्वलत्समाधिं हरिहरपुत्रमुदारमाश्रयेहम्।
जयजय मणिकण्ठ वेत्रदण्ड जय करुणाकर पूर्णचन्द्रतुण्ड।
जयजय जगदीश शासिताण्ड जयरिपुखण्ड वखण्ड चारुखण्ड।

harikalabhaturangatungavaahanam harimanimohanahaarachaarudeham.
haridadheepanatam gireendrageham hariharaputramudaaramaashrayaami.
nirupama paramaatmanityabodham guruvaramadbhutamaadibhootanaatham.
suruchirataradivyanri'ttageetam hariharaputramudaaramaashrayaami.
aganitaphaladaanalolasheelam naganilayam nigamaagamaadimoolam.
akhilabhuvanapaalakam vishaalam hariharaputramudaaramaashrayaami.
ghanarasakalabhaabhiramyagaatram kanakakarojvala kamaneeyavetram.
anaghasanakataapasaikamitram hariharaputramudaaramaashrayaami.
sukri'tasumanasaam sataam sharanyam sakri'dupasevakasaadhulokavarnyam.
sakalabhuvanapaalakam varenyam hariharaputramudaaramaashrayaami.
vijayakara vibhootivetrahastam vijayakaram vividhaayudha prashastam.
vijita manasijam charaacharastham hariharaputramudaaramaashrayeham.
sakalavishayamahaarujaapahaaram jagadudayasthitinaashahetubhootam.
aganagamri'gayaamahaavinodam hariharaputramudaaramaashrayeham.
tribhuvanasharanam dayaapayodhim prabhumamaraabharanam ripupramaathim.
abhayavarakarojjvalatsamaadhim hariharaputramudaaramaashrayeham.
jayajaya manikant'ha vetradand'a jaya karunaakara poornachandratund'a.
jayajaya jagadeesha shaasitaand'a jayaripukhand'a vakhand'a chaarukhand'a.

Ramaswamy Sastry and Vighnesh Ghanapaathi

Other stotras