ദേവീ മാഹാത്മ്യം - വൈകൃതികം രഹസ്യം
അഥ വൈകൃന്തികം രഹസ്യം . ഋഷിരുവാച . ത്രിഗുണാ താമസീ ദേവീ സാത്ത്വികാ യാ ത്വയോദിതാ . സാ ശർവാ ചണ്ഡാകാ ദുർഗാ ഭദ്രാ ഭഗവതീര്യതേ . യോഗനിദ്രാ ഹരേരുക്താ മഹാകാലീ തമോഗുണാ . മധുകൈടഭനാശാർഥം യാം തുഷ്ടാവാംബുജാസനഃ . ദശവക്ത്രാ ദശഭുജാ ദശപാദാഞ്ജനപ്രഭാ . വിശാലയാ രാജമാനാ ത്രിംശല്ലോചനമാലയാ . സ്ഫുരദ്ദശനദംഷ്ട്രാ സാ ഭീമരൂപാഽപി ഭൂമിപ . രൂപസൗഭാഗ്യകാന്തീനാം സാ പ്രതിഷ്ഠാ മഹാശ്രിയാം . ഖഡ്ഗബാണഗദാശൂലചക്രശംഖഭുശുണ്ഡിഭൃത് . പരിഘം കാർമുകം ശീർഷം നിശ്ച്യോതദ്രുധിരം ദധൗ . ഏഷാ സാ വൈഷ്ണവീ മായാ മഹാകാലീ ദുരത്യയാ . ആരാധിതാ വശീകുര്യാത് പൂജാകർതുശ്ചരാചരം . സർവദേവശരീരേഭ്യോ യാഽഽവിർഭൂതാമിതപ്രഭാ . ത്രിഗുണാ സാ മഹാലക്ഷ്മീഃ സാക്ഷാന്മഹിഷമർദിനീ . ശ്വേതാനനാ നീലഭുജാ സുശ്വേതസ്തനമണ്ഡലാ . രക്തമധ്യാ രക്തപാദാ രക്തജംഘോരുരുന്മദാ . സുചിത്രജഘനാ ചിത്രമാല്യാംബരവിഭൂഷണാ . ചിത്രാനുലേപനാ കാന്തിരൂപസൗഭാഗ്യശാലിനീ . അഷ്ടാദശഭുജാ പൂജ്യാ സാ സഹ്സ്രഭുജാ സതീ . ആയുധാന്യത്ര വക്ഷ്യന്തേ ദക്ഷിണാധഃകരക്രമാത് . അക്ഷമാലാ ച കമലം ബാണോഽസിഃ കുലിശം ഗദാ . ചക്രം ത്രിശൂലം പരശുഃ ശംഖോ ഘണ്ടാ ച പാശകഃ . ശക്തിർദണ്ഡശ്ചർമ ചാപം പാനപാത്രം കമണ്ഡലുഃ . അലങ്കൃതഭുജാമേഭിരായുധൈഃ കമലാസനാം . സർവദേവമയീമീശാം മഹാലക്ഷ്മീമിമാം നൃപ . പൂജയേത് സർവലോകാനാം സ ദേവാനാം പ്രഭുർഭവേത് . ഗൗരീദേഹാത് സമുദ്ഭൂതാ യാ സത്ത്വൈകഗുണാശ്രയാ . സാക്ഷാത് സരസ്വതീ പ്രോക്താ ശുംഭാസുരനിബർഹിണീ . ദധൗ ചാഽഷ്ടഭുജാ ബാണമുസലേ ശൂലചക്രഭൃത് . ശംഖം ഘണ്ടാം ലാംഗലം ച കാർമുകം വസുധാധിപ . ഏഷാ സമ്പൂജിതാ ഭക്ത്യാ സർവജ്ഞത്വം പ്രയച്ഛതി . നിശുംഭമഥിനീ ദേവീ ശുംഭാസുരനിബർഹിണീ . ഇത്യുക്താനി സ്വരൂപാണി മൂർതീനാം തവ പാർഥിവ . ഉപാസനം ജഗന്മാതുഃ പൃഥഗാസാം നിശാമയ . മഹാലക്ഷ്മീര്യദാ പൂജ്യാ മഹാകാലീ സരസ്വതീ . ദക്ഷിണോത്തരയോഃ പൂജ്യേ പൃഷ്ഠതോ മിഥുമത്രയം . വിരിഞ്ചിഃ സ്വരയാ മധ്യേ രുദ്രോ ഗൗര്യാ ച ദക്ഷിണേ . വാമേ ലക്ഷ്മ്യാ ഹൃഷീകേശഃ പുരതോ ദേവതാത്രയം . അഷ്ടാദശഭുജാ മധ്യേ വാമേ ചാസ്യാ ദശാനനാ . ദക്ഷിണേഽഷ്ടഭുജാ ലക്ഷ്മീർമഹതീതി സമർചയേത് . അഷ്ടാദശഭുജാ ചൈഷാ യദാ പൂജ്യാ നരാധിപ . ദശാനനാ ചാഽഷ്ടഭുജാ ദക്ഷിണോത്തരയോസ്തദാ . കാലമൃത്യൂ ച സമ്പൂജ്യൗ സർവാരിഷ്ടപ്രശാന്തയേ . യദാ ചാഷ്ടഭുജാ പൂജ്യാ ശുംഭാസുരനിബർഹിണീ . നവാസ്യാഃ ശക്തയഃ പൂജ്യാസ്തദാ രുദ്രവിനായകൗ . നമോ ദേവ്യാ ഇതി സ്തോത്രൈർമഹാലക്ഷ്മീം സമർചയേത് . അവതാരത്രയാർചായാം സ്തോത്രമന്ത്രാസ്തദാശ്രയാഃ . അഷ്ടാദശഭുജാ ചൈഷാ പൂജ്യാ മഹിഷമർദിനീ . മഹാലക്ഷ്മീർമഹാകാലീ സൈവ പ്രോക്താ സരസ്വതീ . ഈശ്വരീ പുണ്യപാപാനാം സർവലോകമഹേശ്വരീ . മഹിഷാന്തകരീ യേന പൂജിതാ സ ജഗത്പ്രഭുഃ . പൂജയേജ്ജഗതാം ധാത്രീം ചണ്ഡികാം ഭക്തവത്സലാം . അർഘാദിഭിരലങ്കാരൈർഗന്ധപുഷ്പൈസ്തഥാക്ഷതൈഃ . ധൂപൈർദീപൈശ്ച നൈവേദ്യൈർനാനാഭക്ഷ്യസമന്വിതൈഃ . രുധിരാക്തേന ബലിനാ മാംസേന സുരയാ നൃപ . പ്രണാമാചമനീയൈശ്ച ചന്ദനേന സുഗന്ധിനാ . സകർപൂരൈശ്ച താംബൂലൈഭക്തിഭാവസമന്വിതൈഃ . വാമഭാഗേഽഗ്രതോ ദേവ്യാശ്ഛിന്നശീർഷം മഹാസുരം . പൂജയേന്മഹിഷം യേന പ്രാപ്തം സായുജ്യമീശയാ . ദക്ഷിണേ പുരതഃ സിംഹം സമഗ്രം ധർമമീശ്വരം . വാഹനം പൂജയേദ്ദേവ്യാ ധൃതം യേന ചരാഽചരം . തതഃ കൃതാഞ്ജലിർഭൂത്വാ സ്തുവീത ചരിതൈരിമൈഃ . ഏകേന വാ മധ്യമേന നൈകേനേതരയോരിഹ . ചരിതാർധം തു ന ജപേജ്ജപഞ്ഛിദ്രമവാപ്നുയാത് . സ്തോത്രമന്ത്രൈർജപേദേനാം യദി വാ നവചണ്ഡികാം . പ്രദക്ഷിണനമസ്കാരാൻ കൃത്വാ മൂർധ്നി കൃതാഞ്ജലിഃ . ക്ഷമാപയേജ്ജഗദ്ധാത്രീം മുഹുർമുഹുരതന്ദ്രിതഃ . പ്രതിശ്ലോകം ച ജുഹുയാത്പായസം തിലസർപിഷാ . ജുഹുയാത്സ്തോത്രമന്ത്രൈർവാ ചണ്ഡികായൈ ശുഭം ഹവിഃ . നമോ നമഃപദൈർദേവീം പൂജയേത് സുസമാഹിതഃ . പ്രയതഃ പ്രാഞ്ജലിഃ പ്രഹ്നഃ പ്രണമ്യാരോപ്യ ചാത്മനി . സുചിരം ഭാവയേദീശാം ചണ്ഡികാം തന്മയോ ഭവേത് . ഏവം യഃ പൂജയേദ് ഭക്ത്യാ പ്രത്യഹം പരമേശ്വരീം . ഭുക്ത്വാ ഭോഗാൻ യഥാകാമം ദേവീസായുജ്യമാപ്നുയാത് . യോ ന പൂജയതേ നിത്യം ചണ്ഡികാം ഭക്തവത്സലാം . ഭസ്മീകൃത്യാസ്യ പുണ്യാനി നിർദഹേത് പരമേശ്വരീ . തസ്മാത് പൂജയ ഭൂപാല സർവലോകമഹേശ്വരീം . യതോക്തേന വിധാനേന ചണ്ഡികാം സുഖമാപ്സ്യസി . മാർകണ്ഡേയപുരാണേ വൈകൃതികം രഹസ്യം .
ഈ മന്ത്രം കേൾക്കാൻ ദീക്ഷ ആവശ്യമാണോ?
ആവശ്യമില്ല. മന്ത്ര സാധന ചെയ്യണമെങ്കിൽ മാത്രമേ ദീക്ഷ ആവശ്യമുള്ളൂ, കേൾക്കാൻ ആവശ്യമില്ല. പ്രയോജനം ലഭിക്കാൻ ഞങ്ങൾ നൽകുന്ന മന്ത്രങ്ങൾ കേട്ടാൽ മാത്രം മതി.
Mantras
മന്ത്രങ്ങള്
Click on any topic to open
7
30
Astrology
Bhagavad Gita
Bhagavatam
Bharat Matha
Devi
Devi Mahatmyam
Ganapathy
Garuda Puranam
Glory of Venkatesha
Hanuman
Kathopanishad
Mahabharatam
Mantra Shastra
Mystique
Practical Wisdom
Purana Stories
Radhe Radhe
Ramayana
Rare Topics
Rigveda Explained
Rituals
Sages and Saints
Shiva
Spiritual books
Sri Suktam
Story of Sri Yantra
Temples
Vedas
Vishnu Sahasranama
Yoga Vasishta
26
17
10
0
