ദേവീ മാഹാത്മ്യം - മൂർത്തി രഹസ്യം
അഥ മൂർതിരഹസ്യം .
ഋഷിരുവാച .
നന്ദാ ഭഗവതീ നാമ യാ ഭവിഷ്യതി നന്ദജാ .
സാ സ്തുതാ പൂജിതാ ധ്യാതാ വശീകുര്യാജ്ജഗത്ത്രയം .
കനകോത്തമകാന്തിഃ സാ സുകാന്തികനകാംബരാ .
ദേവീ കനകവർണാഭാ കനകോത്തമഭൂഷണാ .
കമലാങ്കുശപാശാബ്ജൈരലങ്കൃതചതുർഭുജാ .
ഇന്ദിരാ കമലാ ലക്ഷ്മീഃ സാ ശ്രീ രുക്മാംബുജാസനാ .
യാ രക്തദന്തികാ നാമ ദേവീ പ്രോക്താ മയാഽനഘ .
തസ്യാഃ സ്വരൂപം വക്ഷ്യാമി ശൃണു സർവഭയാഽപഹം .
രക്താംബരാ രക്തവർണാ രക്തസർവാംഗഭൂഷണാ .
രക്തായുധാ രക്തനേത്രാ രക്തകേശാതിഭീഷണാ .
രക്തതീക്ഷ്ണനഖാ രക്തദശനാ രക്തഷ്ട്രികാ .
പതിം നാരീവാനുരക്താ ദേവീ ഭക്തം ഭജേജ്ജനം .
വസുധേവ വിശാലാ സാ സുമേരുയുഗലസ്തനീ .
ദീർഘൗ ലംബാവതിസ്ഥൂലൗ താവതീവ മനോഹരൗ .
കർകശാവതികാന്തൗ തൗ സർവാനന്ദപയോനിധീ .
ഭക്താൻ സമ്പായയേദ്ദേവീസർവകാമദുഘൗ സ്തനൗ .
ഖഡ്ഗപാത്രം ച മുസലം ലാംഗലം ച ബിഭർതി സാ .
ആഖ്യാതാ രക്തചാമുണ്ഡാ ദേവീ യോഗേശ്വവരീതി ച .
അനയാ വ്യാപ്തമഖിലം ജഗത്സ്ഥാവരജംഗമം .
ഇമാം യഃ പൂജയേദ്ഭക്ത്യാ സ വ്യാപ്നോതി ചരാഽചരം .
അധീതേ യ ഇമം നിത്യം രക്തദന്ത്യാവപുഃസ്തവം .
തം സാ പരിചരേദ്ദേവീ പതിം പ്രിയമിവാംഗനാ .
ശാകംഭരീ നീലവർണാ നീലോത്പലവിലോചനാ .
ഗംഭീരനാഭിസ്ത്രിവലീവിഭൂഷിതതനൂദരീ .
സുകർകശസമോത്തുംഗവൃത്തപീനഘനസ്തനീ .
മുഷ്ടിം ശിലീമുഖൈഃ പൂർണം കമലം കമലാലയാ .
പുഷ്പപല്ലവമൂലാദിഫലാഢ്യം ശാകസഞ്ചയം .
കാമ്യാനന്തരസൈര്യുക്തം ക്ഷുത്തൃണ്മൃത്യുജരാഽപഹം .
കാർമുകം ച സ്ഫുരത്കാന്തിബിഭ്രതി പരമേശ്വരീ .
ശാകംഭരീ ശതാക്ഷീ സ്യാത് സൈവ ദുർഗാ പ്രകീർതിതാ .
ശാകംഭരീം സ്തുവൻ ധ്യായൻ ജപൻ സമ്പൂജയൻ നമൻ .
അക്ഷയ്യമശ്നുതേ ശീഘ്രമന്നപാനാദി സർവശഃ .
ഭീമാഽപി നീലവർണാ സാ ദംഷ്ട്രാദശനഭാസുരാ .
വിശാലലോചനാ നാരീ വൃത്തപീനഘനസ്തനീ .
ചന്ദ്രഹാസം ച ഡമരും ശിരഃപാത്രം ച ബിഭ്രതീ .
ഏകവീരാ കാലരാത്രിഃ സൈവോക്താ കാമദാ സ്തുതാ .
തേജോമണ്ഡലദുർധർഷാ ഭ്രാമരീ ചിത്രകാന്തിഭൃത് .
ചിത്രഭ്രമരസങ്കാശാ മഹാമാരീതി ഗീയതേ .
ഇത്യേതാ മൂർതയോ ദേവ്യാ വ്യാഖ്യാതാ വസുധാധിപ .
ജഗന്മാതുശ്ചണ്ഡികായാഃ കീർതിതാഃ കാമധേനവഃ .
ഇദം രഹസ്യം പരമം ന വാച്യം യസ്യ കസ്യചിത് .
വ്യാഖ്യാനം ദിവ്യമൂർതീനാമഭീശ്വാവഹിതഃ സ്വയം .
ദേവ്യാ ധ്യാനം തവാഽഽഖ്യാതം ഗുഹ്യാദ്ഗുഹ്യതരം മഹത് .
തസ്മാത് സർവപ്രയത്നേന സർവം കാമഫലപ്രദം .
മാർകണ്ഡേയപുരാണേഽഖിലാംശേ മൂർതിരഹസ്യം .
ഓം ശ്രീം ഹ്രീം ക്ലീം സപ്തശതിചണ്ഡികേ ഉത്കീലനം കുരു കുരു സ്വാഹാ.
ഈ മന്ത്രം കേൾക്കാൻ ദീക്ഷ ആവശ്യമാണോ?
ആവശ്യമില്ല. മന്ത്ര സാധന ചെയ്യണമെങ്കിൽ മാത്രമേ ദീക്ഷ ആവശ്യമുള്ളൂ, കേൾക്കാൻ ആവശ്യമില്ല. പ്രയോജനം ലഭിക്കാൻ ഞങ്ങൾ നൽകുന്ന മന്ത്രങ്ങൾ കേട്ടാൽ മാത്രം മതി.
Mantras
മന്ത്രങ്ങള്
Click on any topic to open
7
30
Astrology
Bhagavad Gita
Bhagavatam
Bharat Matha
Devi
Devi Mahatmyam
Ganapathy
Garuda Puranam
Glory of Venkatesha
Hanuman
Kathopanishad
Mahabharatam
Mantra Shastra
Mystique
Practical Wisdom
Purana Stories
Radhe Radhe
Ramayana
Rare Topics
Rigveda Explained
Rituals
Sages and Saints
Shiva
Spiritual books
Sri Suktam
Story of Sri Yantra
Temples
Vedas
Vishnu Sahasranama
Yoga Vasishta
26
17
10
0
Copyright © 2026 | Vedadhara | All Rights Reserved. | Designed & Developed by Claps and Whistles
