अथ वैकृन्तिकं रहस्यम् । ऋषिरुवाच । त्रिगुणा तामसी देवी सात्त्विका या त्वयोदिता । सा शर्वा चण्डाका दुर्गा भद्रा भगवतीर्यते । योगनिद्रा हरेरुक्ता महाकाली तमोगुणा । मधुकैटभनाशार्थं यां तुष्टावाम्बुजासनः । दशव....
अथ वैकृन्तिकं रहस्यम् ।
ऋषिरुवाच ।
त्रिगुणा तामसी देवी सात्त्विका या त्वयोदिता ।
सा शर्वा चण्डाका दुर्गा भद्रा भगवतीर्यते ।
योगनिद्रा हरेरुक्ता महाकाली तमोगुणा ।
मधुकैटभनाशार्थं यां तुष्टावाम्बुजासनः ।
दशवक्त्रा दशभुजा दशपादाञ्जनप्रभा ।
विशालया राजमाना त्रिंशल्लोचनमालया ।
स्फुरद्दशनदंष्ट्रा सा भीमरूपाऽपि भूमिप ।
रूपसौभाग्यकान्तीनां सा प्रतिष्ठा महाश्रियाम् ।
खड्गबाणगदाशूलचक्रशङ्खभुशुण्डिभृत् ।
परिघं कार्मुकं शीर्षं निश्च्योतद्रुधिरं दधौ ।
एषा सा वैष्णवी माया महाकाली दुरत्यया ।
आराधिता वशीकुर्यात् पूजाकर्तुश्चराचरम् ।
सर्वदेवशरीरेभ्यो याऽऽविर्भूतामितप्रभा ।
त्रिगुणा सा महालक्ष्मीः साक्षान्महिषमर्दिनी ।
श्वेतानना नीलभुजा सुश्वेतस्तनमण्डला ।
रक्तमध्या रक्तपादा रक्तजङ्घोरुरुन्मदा ।
सुचित्रजघना चित्रमाल्याम्बरविभूषणा ।
चित्रानुलेपना कान्तिरूपसौभाग्यशालिनी ।
अष्टादशभुजा पूज्या सा सह्स्रभुजा सती ।
आयुधान्यत्र वक्ष्यन्ते दक्षिणाधःकरक्रमात् ।
अक्षमाला च कमलं बाणोऽसिः कुलिशं गदा ।
चक्रं त्रिशूलं परशुः शङ्खो घण्टा च पाशकः ।
शक्तिर्दण्डश्चर्म चापं पानपात्रं कमण्डलुः ।
अलङ्कृतभुजामेभिरायुधैः कमलासनाम् ।
सर्वदेवमयीमीशां महालक्ष्मीमिमां नृप ।
पूजयेत् सर्वलोकानां स देवानां प्रभुर्भवेत् ।
गौरीदेहात् समुद्भूता या सत्त्वैकगुणाश्रया ।
साक्षात् सरस्वती प्रोक्ता शुम्भासुरनिबर्हिणी ।
दधौ चाऽष्टभुजा बाणमुसले शूलचक्रभृत् ।
शङ्खं घण्टां लाङ्गलं च कार्मुकं वसुधाधिप ।
एषा सम्पूजिता भक्त्या सर्वज्ञत्वं प्रयच्छति ।
निशुम्भमथिनी देवी शुम्भासुरनिबर्हिणी ।
इत्युक्तानि स्वरूपाणि मूर्तीनां तव पार्थिव ।
उपासनं जगन्मातुः पृथगासां निशामय ।
महालक्ष्मीर्यदा पूज्या महाकाली सरस्वती ।
दक्षिणोत्तरयोः पूज्ये पृष्ठतो मिथुमत्रयम् ।
विरिञ्चिः स्वरया मध्ये रुद्रो गौर्या च दक्षिणे ।
वामे लक्ष्म्या हृषीकेशः पुरतो देवतात्रयम् ।
अष्टादशभुजा मध्ये वामे चास्या दशानना ।
दक्षिणेऽष्टभुजा लक्ष्मीर्महतीति समर्चयेत् ।
अष्टादशभुजा चैषा यदा पूज्या नराधिप ।
दशानना चाऽष्टभुजा दक्षिणोत्तरयोस्तदा ।
कालमृत्यू च सम्पूज्यौ सर्वारिष्टप्रशान्तये ।
यदा चाष्टभुजा पूज्या शुम्भासुरनिबर्हिणी ।
नवास्याः शक्तयः पूज्यास्तदा रुद्रविनायकौ ।
नमो देव्या इति स्तोत्रैर्महालक्ष्मीं समर्चयेत् ।
अवतारत्रयार्चायां स्तोत्रमन्त्रास्तदाश्रयाः ।
अष्टादशभुजा चैषा पूज्या महिषमर्दिनी ।
महालक्ष्मीर्महाकाली सैव प्रोक्ता सरस्वती ।
ईश्वरी पुण्यपापानां सर्वलोकमहेश्वरी ।
महिषान्तकरी येन पूजिता स जगत्प्रभुः ।
पूजयेज्जगतां धात्रीं चण्डिकां भक्तवत्सलाम् ।
अर्घादिभिरलङ्कारैर्गन्धपुष्पैस्तथाक्षतैः ।
धूपैर्दीपैश्च नैवेद्यैर्नानाभक्ष्यसमन्वितैः ।
रुधिराक्तेन बलिना मांसेन सुरया नृप ।
प्रणामाचमनीयैश्च चन्दनेन सुगन्धिना ।
सकर्पूरैश्च ताम्बूलैभक्तिभावसमन्वितैः ।
वामभागेऽग्रतो देव्याश्छिन्नशीर्षं महासुरम् ।
पूजयेन्महिषं येन प्राप्तं सायुज्यमीशया ।
दक्षिणे पुरतः सिंहं समग्रं धर्ममीश्वरम् ।
वाहनं पूजयेद्देव्या धृतं येन चराऽचरम् ।
ततः कृताञ्जलिर्भूत्वा स्तुवीत चरितैरिमैः ।
एकेन वा मध्यमेन नैकेनेतरयोरिह ।
चरितार्धं तु न जपेज्जपञ्छिद्रमवाप्नुयात् ।
स्तोत्रमन्त्रैर्जपेदेनां यदि वा नवचण्डिकाम् ।
प्रदक्षिणनमस्कारान् कृत्वा मूर्ध्नि कृताञ्जलिः ।
क्षमापयेज्जगद्धात्रीं मुहुर्मुहुरतन्द्रितः ।
प्रतिश्लोकं च जुहुयात्पायसं तिलसर्पिषा ।
जुहुयात्स्तोत्रमन्त्रैर्वा चण्डिकायै शुभं हविः ।
नमो नमःपदैर्देवीं पूजयेत् सुसमाहितः ।
प्रयतः प्राञ्जलिः प्रह्नः प्रणम्यारोप्य चात्मनि ।
सुचिरं भावयेदीशां चण्डिकां तन्मयो भवेत् ।
एवं यः पूजयेद् भक्त्या प्रत्यहं परमेश्वरीम् ।
भुक्त्वा भोगान् यथाकामं देवीसायुज्यमाप्नुयात् ।
यो न पूजयते नित्यं चण्डिकां भक्तवत्सलाम् ।
भस्मीकृत्यास्य पुण्यानि निर्दहेत् परमेश्वरी ।
तस्मात् पूजय भूपाल सर्वलोकमहेश्वरीम् ।
यतोक्तेन विधानेन चण्डिकां सुखमाप्स्यसि ।
मार्कण्डेयपुराणे वैकृतिकं रहस्यम् ।
atha vaikri'ntikam rahasyam .
ri'shiruvaacha .
trigunaa taamasee devee saattvikaa yaa tvayoditaa .
saa sharvaa chand'aakaa durgaa bhadraa bhagavateeryate .
yoganidraa hareruktaa mahaakaalee tamogunaa .
madhukait'abhanaashaartham yaam tusht'aavaambujaasanah' .
dashavaktraa dashabhujaa dashapaadaanjanaprabhaa .
vishaalayaa raajamaanaa trimshallochanamaalayaa .
sphuraddashanadamsht'raa saa bheemaroopaa'pi bhoomipa .
roopasaubhaagyakaanteenaam saa pratisht'haa mahaashriyaam .
khad'gabaanagadaashoolachakrashankhabhushund'ibhri't .
parigham kaarmukam sheersham nishchyotadrudhiram dadhau .
eshaa saa vaishnavee maayaa mahaakaalee duratyayaa .
aaraadhitaa vasheekuryaat poojaakartushcharaacharam .
sarvadevashareerebhyo yaa''virbhootaamitaprabhaa .
trigunaa saa mahaalakshmeeh' saakshaanmahishamardinee .
shvetaananaa neelabhujaa sushvetastanamand'alaa .
raktamadhyaa raktapaadaa raktajanghorurunmadaa .
suchitrajaghanaa chitramaalyaambaravibhooshanaa .
chitraanulepanaa kaantiroopasaubhaagyashaalinee .
asht'aadashabhujaa poojyaa saa sahsrabhujaa satee .
aayudhaanyatra vakshyante dakshinaadhah'karakramaat .
akshamaalaa cha kamalam baano'sih' kulisham gadaa .
chakram trishoolam parashuh' shankho ghant'aa cha paashakah' .
shaktirdand'ashcharma chaapam paanapaatram kamand'aluh' .
alankri'tabhujaamebhiraayudhaih' kamalaasanaam .
sarvadevamayeemeeshaam mahaalakshmeemimaam nri'pa .
poojayet sarvalokaanaam sa devaanaam prabhurbhavet .
gaureedehaat samudbhootaa yaa sattvaikagunaashrayaa .
saakshaat sarasvatee proktaa shumbhaasuranibarhinee .
dadhau chaa'sht'abhujaa baanamusale shoolachakrabhri't .
shankham ghant'aam laangalam cha kaarmukam vasudhaadhipa .
eshaa sampoojitaa bhaktyaa sarvajnyatvam prayachchhati .
nishumbhamathinee devee shumbhaasuranibarhinee .
ityuktaani svaroopaani moorteenaam tava paarthiva .
upaasanam jaganmaatuh' pri'thagaasaam nishaamaya .
mahaalakshmeeryadaa poojyaa mahaakaalee sarasvatee .
dakshinottarayoh' poojye pri'sht'hato mithumatrayam .
virinchih' svarayaa madhye rudro gauryaa cha dakshine .
vaame lakshmyaa hri'sheekeshah' purato devataatrayam .
asht'aadashabhujaa madhye vaame chaasyaa dashaananaa .
dakshine'sht'abhujaa lakshmeermahateeti samarchayet .
asht'aadashabhujaa chaishaa yadaa poojyaa naraadhipa .
dashaananaa chaa'sht'abhujaa dakshinottarayostadaa .
kaalamri'tyoo cha sampoojyau sarvaarisht'aprashaantaye .
yadaa chaasht'abhujaa poojyaa shumbhaasuranibarhinee .
navaasyaah' shaktayah' poojyaastadaa rudravinaayakau .
namo devyaa iti stotrairmahaalakshmeem samarchayet .
avataaratrayaarchaayaam stotramantraastadaashrayaah' .
asht'aadashabhujaa chaishaa poojyaa mahishamardinee .
mahaalakshmeermahaakaalee saiva proktaa sarasvatee .
eeshvaree punyapaapaanaam sarvalokamaheshvaree .
mahishaantakaree yena poojitaa sa jagatprabhuh' .
poojayejjagataam dhaatreem chand'ikaam bhaktavatsalaam .
arghaadibhiralankaarairgandhapushpaistathaakshataih' .
dhoopairdeepaishcha naivedyairnaanaabhakshyasamanvitaih' .
rudhiraaktena balinaa maamsena surayaa nri'pa .
pranaamaachamaneeyaishcha chandanena sugandhinaa .
sakarpooraishcha taamboolaibhaktibhaavasamanvitaih' .
vaamabhaage'grato devyaashchhinnasheersham mahaasuram .
poojayenmahisham yena praaptam saayujyameeshayaa .
dakshine puratah' simham samagram dharmameeshvaram .
vaahanam poojayeddevyaa dhri'tam yena charaa'charam .
tatah' kri'taanjalirbhootvaa stuveeta charitairimaih' .
ekena vaa madhyamena naikenetarayoriha .
charitaardham tu na japejjapanchhidramavaapnuyaat .
stotramantrairjapedenaam yadi vaa navachand'ikaam .
pradakshinanamaskaaraan kri'tvaa moordhni kri'taanjalih' .
kshamaapayejjagaddhaatreem muhurmuhuratandritah' .
pratishlokam cha juhuyaatpaayasam tilasarpishaa .
juhuyaatstotramantrairvaa chand'ikaayai shubham havih' .
namo namah'padairdeveem poojayet susamaahitah' .
prayatah' praanjalih' prahnah' pranamyaaropya chaatmani .
suchiram bhaavayedeeshaam chand'ikaam tanmayo bhavet .
evam yah' poojayed bhaktyaa pratyaham parameshvareem .
bhuktvaa bhogaan yathaakaamam deveesaayujyamaapnuyaat .
yo na poojayate nityam chand'ikaam bhaktavatsalaam .
bhasmeekri'tyaasya punyaani nirdahet parameshvaree .
tasmaat poojaya bhoopaala sarvalokamaheshvareem .
yatoktena vidhaanena chand'ikaam sukhamaapsyasi .
maarkand'eyapuraane vaikri'tikam rahasyam .
Durga Saptashati - Murti Rahasya
atha moortirahasyam . ri'shiruvaacha . nandaa bhagavatee naama yaa bhavishyati nandajaa . saa stutaa poojitaa dhyaataa vasheekuryaajjagattrayam . ....
Click here to know more..Krishna Varada Stuti
dooradooramupaaruhya patataamapi chaantaraa sakri'daakrandanenaiva varadah' karado bhavet ......
Click here to know more..Please wait while the audio list loads..
Ganapathy
Shiva
Hanuman
Devi
Vishnu Sahasranama
Mahabharatam
Practical Wisdom
Yoga Vasishta
Vedas
Rituals
Rare Topics
Devi Mahatmyam
Glory of Venkatesha
Shani Mahatmya
Story of Sri Yantra
Rudram Explained
Atharva Sheersha
Sri Suktam
Kathopanishad
Ramayana
Mystique
Mantra Shastra
Bharat Matha
Bhagavatam
Astrology
Temples
Spiritual books
Purana Stories
Festivals
Sages and Saints