Durga Saptashati - Murti Rahasya
अथ मूर्तिरहस्यम् ।
ऋषिरुवाच ।
नन्दा भगवती नाम या भविष्यति नन्दजा ।
सा स्तुता पूजिता ध्याता वशीकुर्याज्जगत्त्रयम् ।
कनकोत्तमकान्तिः सा सुकान्तिकनकाम्बरा ।
देवी कनकवर्णाभा कनकोत्तमभूषणा ।
कमलाङ्कुशपाशाब्जैरलङ्कृतचतुर्भुजा ।
इन्दिरा कमला लक्ष्मीः सा श्री रुक्माम्बुजासना ।
या रक्तदन्तिका नाम देवी प्रोक्ता मयाऽनघ ।
तस्याः स्वरूपं वक्ष्यामि शृणु सर्वभयाऽपहम् ।
रक्ताम्बरा रक्तवर्णा रक्तसर्वाङ्गभूषणा ।
रक्तायुधा रक्तनेत्रा रक्तकेशातिभीषणा ।
रक्ततीक्ष्णनखा रक्तदशना रक्तष्ट्रिका ।
पतिं नारीवानुरक्ता देवी भक्तं भजेज्जनम् ।
वसुधेव विशाला सा सुमेरुयुगलस्तनी ।
दीर्घौ लम्बावतिस्थूलौ तावतीव मनोहरौ ।
कर्कशावतिकान्तौ तौ सर्वानन्दपयोनिधी ।
भक्तान् सम्पाययेद्देवीसर्वकामदुघौ स्तनौ ।
खड्गपात्रं च मुसलं लाङ्गलं च बिभर्ति सा ।
आख्याता रक्तचामुण्डा देवी योगेश्ववरीति च ।
अनया व्याप्तमखिलं जगत्स्थावरजङ्गमम् ।
इमां यः पूजयेद्भक्त्या स व्याप्नोति चराऽचरम् ।
अधीते य इमं नित्यं रक्तदन्त्यावपुःस्तवम् ।
तं सा परिचरेद्देवी पतिं प्रियमिवाङ्गना ।
शाकम्भरी नीलवर्णा नीलोत्पलविलोचना ।
गम्भीरनाभिस्त्रिवलीविभूषिततनूदरी ।
सुकर्कशसमोत्तुङ्गवृत्तपीनघनस्तनी ।
मुष्टिं शिलीमुखैः पूर्णं कमलं कमलालया ।
पुष्पपल्लवमूलादिफलाढ्यं शाकसञ्चयम् ।
काम्यानन्तरसैर्युक्तं क्षुत्तृण्मृत्युजराऽपहम् ।
कार्मुकं च स्फुरत्कान्तिबिभ्रति परमेश्वरी ।
शाकम्भरी शताक्षी स्यात् सैव दुर्गा प्रकीर्तिता ।
शाकम्भरीं स्तुवन् ध्यायन् जपन् सम्पूजयन् नमन् ।
अक्षय्यमश्नुते शीघ्रमन्नपानादि सर्वशः ।
भीमाऽपि नीलवर्णा सा दंष्ट्रादशनभासुरा ।
विशाललोचना नारी वृत्तपीनघनस्तनी ।
चन्द्रहासं च डमरुं शिरःपात्रं च बिभ्रती ।
एकवीरा कालरात्रिः सैवोक्ता कामदा स्तुता ।
तेजोमण्डलदुर्धर्षा भ्रामरी चित्रकान्तिभृत् ।
चित्रभ्रमरसङ्काशा महामारीति गीयते ।
इत्येता मूर्तयो देव्या व्याख्याता वसुधाधिप ।
जगन्मातुश्चण्डिकायाः कीर्तिताः कामधेनवः ।
इदं रहस्यं परमं न वाच्यं यस्य कस्यचित् ।
व्याख्यानं दिव्यमूर्तीनामभीश्वावहितः स्वयम् ।
देव्या ध्यानं तवाऽऽख्यातं गुह्याद्गुह्यतरं महत् ।
तस्मात् सर्वप्रयत्नेन सर्वं कामफलप्रदम् ।
मार्कण्डेयपुराणेऽखिलांशे मूर्तिरहस्यम् ।
ॐ श्रीं ह्रीं क्लीं सप्तशतिचण्डिके उत्कीलनं कुरु कुरु स्वाहा।
atha moortirahasyam .
ri'shiruvaacha .
nandaa bhagavatee naama yaa bhavishyati nandajaa .
saa stutaa poojitaa dhyaataa vasheekuryaajjagattrayam .
kanakottamakaantih' saa sukaantikanakaambaraa .
devee kanakavarnaabhaa kanakottamabhooshanaa .
kamalaankushapaashaabjairalankri'tachaturbhujaa .
indiraa kamalaa lakshmeeh' saa shree rukmaambujaasanaa .
yaa raktadantikaa naama devee proktaa mayaa'nagha .
tasyaah' svaroopam vakshyaami shri'nu sarvabhayaa'paham .
raktaambaraa raktavarnaa raktasarvaangabhooshanaa .
raktaayudhaa raktanetraa raktakeshaatibheeshanaa .
raktateekshnanakhaa raktadashanaa raktasht'rikaa .
patim naareevaanuraktaa devee bhaktam bhajejjanam .
vasudheva vishaalaa saa sumeruyugalastanee .
deerghau lambaavatisthoolau taavateeva manoharau .
karkashaavatikaantau tau sarvaanandapayonidhee .
bhaktaan sampaayayeddeveesarvakaamadughau stanau .
khad'gapaatram cha musalam laangalam cha bibharti saa .
aakhyaataa raktachaamund'aa devee yogeshvavareeti cha .
anayaa vyaaptamakhilam jagatsthaavarajangamam .
imaam yah' poojayedbhaktyaa sa vyaapnoti charaa'charam .
adheete ya imam nityam raktadantyaavapuh'stavam .
tam saa parichareddevee patim priyamivaanganaa .
shaakambharee neelavarnaa neelotpalavilochanaa .
gambheeranaabhistrivaleevibhooshitatanoodaree .
sukarkashasamottungavri'ttapeenaghanastanee .
musht'im shileemukhaih' poornam kamalam kamalaalayaa .
pushpapallavamoolaadiphalaad'hyam shaakasanchayam .
kaamyaanantarasairyuktam kshuttri'nmri'tyujaraa'paham .
kaarmukam cha sphuratkaantibibhrati parameshvaree .
shaakambharee shataakshee syaat saiva durgaa prakeertitaa .
shaakambhareem stuvan dhyaayan japan sampoojayan naman .
akshayyamashnute sheeghramannapaanaadi sarvashah' .
bheemaa'pi neelavarnaa saa damsht'raadashanabhaasuraa .
vishaalalochanaa naaree vri'ttapeenaghanastanee .
chandrahaasam cha d'amarum shirah'paatram cha bibhratee .
ekaveeraa kaalaraatrih' saivoktaa kaamadaa stutaa .
tejomand'aladurdharshaa bhraamaree chitrakaantibhri't .
chitrabhramarasankaashaa mahaamaareeti geeyate .
ityetaa moortayo devyaa vyaakhyaataa vasudhaadhipa .
jaganmaatushchand'ikaayaah' keertitaah' kaamadhenavah' .
idam rahasyam paramam na vaachyam yasya kasyachit .
vyaakhyaanam divyamoorteenaamabheeshvaavahitah' svayam .
devyaa dhyaanam tavaa''khyaatam guhyaadguhyataram mahat .
tasmaat sarvaprayatnena sarvam kaamaphalapradam .
maarkand'eyapuraane'khilaamshe moortirahasyam .
om shreem hreem kleem saptashatichand'ike utkeelanam kuru kuru svaahaa.
Is initiation necessary to listen to this mantra?
No. Initiation is required only if you want to do mantra sadhana, not for listening. You just have to listen to the mantras we provide to get benefited.
Mantras
Mantras
Click on any topic to open
7
30
Astrology
Bhagavad Gita
Bhagavatam
Bharat Matha
Devi
Devi Mahatmyam
Ganapathy
Garuda Puranam
Glory of Venkatesha
Hanuman
Kathopanishad
Mahabharatam
Mantra Shastra
Mystique
Practical Wisdom
Purana Stories
Radhe Radhe
Ramayana
Rare Topics
Rigveda Explained
Rituals
Sages and Saints
Shiva
Spiritual books
Sri Suktam
Story of Sri Yantra
Temples
Vedas
Vishnu Sahasranama
Yoga Vasishta
26
17
10
0
Copyright © 2026 | Vedadhara | All Rights Reserved. | Designed & Developed by Claps and Whistles
